الموضوع: مشكلة فى فرامل الاكسيل

الى خبراء الاكسيل والهيونداى عندى مشكلة غريبة وانا ماشى بالعربية لو لمست الفرامل علشان اهدى السرعة اسمع طقة فى ناحية العجلة الشمال

والنهاردة وانا خارج من ملف على التانى العربية صوتها ارتفع جداً كأنى جايب الاكسيراتير على الاخر وقفت وبطلت وشغلت رجعت تانى عادية

موضوع الطقة دة ممكن يكون لة اسباب كتير
كان عندي و العفشجي قالي ممكن يكون شرخ علشان الباور في الاكسيل ال 1500 جامد عليها و ممكن تكون حاجة مفكوكة
لما رفعنا العربية لقي مسمار الكاوتشة بتاعتة متاكلة و حاجة مش فاكر اسمها اية معوجة شوية و قالي دي اتعوجت من مطب جامد
روح لعفشجي كويس و خليه ينزل تحتها و يقولك فيها اية , لو لقيت الكلام بقي كبير و مش مقتنع , قولة حجيلك مرة تانية من اول اليوم و سيبة و روح لواحد تاني حتي لو متعرفوش و خلية برضة يبص عليها
لو لقيت الكلام واحد اشتغل مع اللي تستريح في معاملتة
و خد بالك الاشتغالات في الموضوع دة كتير علشان انت مش بتبقي شايف هو عمل اية و بيغير اية
انا اشتغل في عربيتي ساعة و قالي 100 جنية
60 جنية خامات (مسمار كبير و كاوتشتين صغيرين)
و 40 مصنعية علشان يستعدل دراع معوج و يركب كل حاجة , بس كنت لسة مستجد وقتها