عايز اعرف اندية القوات المسلحة اللي بتسمح بدخول مدنيين؟

**ahmedhilmy** · 13-06-2011 02:31 PM

السلام عليكم جميعا

اخوكم مع شديد الاسف مش عضو في اي نادي و انتم طبعا عارفين صدي الموضوع ده خاصة علي الاطفال في موسم الاجازات و اكيد عارفين كم الزن الرهيب اللي بيطاردني علشان يخرجوا المهم قلت استعين بخبراتكم علشان تقولولي علي اندية القوات المسلحة اللي بتسمح بدخول مدنيين بس عايزين يكون فيها حمامات سباحة
و و جبات غدا ئ مناسبة لتقضية يوم فيها .

انا كنت سمعت انه في جاردينيا في طريق السويس و في دار المهندسين الل في كورنيش المعادي و انت رايح حلوان و سمعت عن دار الدفاع الجوي بس ده بيشترط دخولك مع مرافق عسكري خلاف الاتنين اللي تانيين ( جاردينيا _ المهندسين )

يا ريت اللي عنده معلومات ميبخلش بيثها عليه مرفقة بالاسعار و امكانيات كل مكان و ربنا يجازيكم كل خير لغاية منشوف نادي حنين نشترك فيه

**A_Gamaledeen** · 16-06-2011 03:52 PM

السلام عليكم ,اود مشاركتك المشكله اللي حضرتك بتمر بيها كل صيف ,وتحياتي لك ,,لصدفة حدثت السنه الماضيه معي أن تعرفت على مريض لي بالعياده وهو ضابط بالجيش وسألته نفس السؤال وأشار بأن هناك قريه بالغردقه تسمح باستقبال مدنيين دون ان يكون معهم مرافق عسكري ,وأخرى بالعين السخنه وقد رشح لي القريه الثانيه لقربها من القاهره ولمستواها الطيب من حيث الإقامه والخدمات والشاطئ الرائع ...والمعلومات عنها بإيجاز ,,,قرية الزهور ..شقه 2 غرفه مجهزه بالكامل {مطبخ امريكي كامل+1 مكيف +تليفزيون ودش}مبيت الليله 300 ج,,شاطئ رائع ومخصص لكل نزيل شمسيه +4 كراسي,,حديقه بها لعب للأطفال مجانيه ,,بورجيله على الشاطئ للجلوس ويمكن الأكل فيها ,,كما يوجد مطعم تابع للقريه يقدم وجبات ممتازه باسعار معقوله,,ولكن يفضل الحجز مقدما..وشكرا

**samsong** · 01-07-2011 10:40 PM

فعلا قريه الزهور ممتازه وهي تعتبر قريبه من القاهره

**ahmedhilmy** · 01-07-2011 11:08 PM

شكرا علي الردود انا فعلا سمعت عن قرية الزهور و بيشكروا فيها و ان شاء الله ناوي اروح اقضي يوم استكشافي كده و هواليكم بالأحبار

**dramir1** · 02-07-2011 04:02 AM

ممكن تليفون القريه او مكتب الحجز في القاهره؟؟؟؟؟

**A.samy** · 02-07-2011 05:07 AM

دار المشاة مفتوح للمدنيين بدون ضابط مرافق رسم دخول الفرد للدار 10 جنية والاطفال اقل من 6 سنوات مجانا ورسم دخول حمام السباحة حتى لو مش هتنزل حمام السباحة دخول منطقة الحمام 20جنية للفرد

**A.samy** · 02-07-2011 05:15 AM

دار المشاة مفتوح للمدنيين بدون ضابط مرافق رسم دخول الفرد للدار 10 جنية والاطفال اقل من 6 سنوات مجانا ورسم دخول حمام السباحة حتى لو مش هتنزل حمام السباحة دخول منطقة الحمام 20جنية للفرد

**samsong** · 02-07-2011 09:22 AM

المشاركة الأصلية كتبت بواسطة ahmedhilmy

شكرا علي الردود انا فعلا سمعت عن قرية الزهور و بيشكروا فيها و ان شاء الله ناوي اروح اقضي يوم استكشافي كده و هواليكم بالأحبار

ده زقم المسئول وحجزت عن طريقه 0129337819////0101680105 بس ده من فتره وطمنا ايه الاخبار

**prisoner** · 02-07-2011 11:57 AM

انا تقريبا نفس مشكلتك واستاعنت بالصديق اللدود صبحى وكنا قبل كده فى اخر مقابلة لوحوش ميتسوبيشى فى دار المركبات بصراحة الدار حلوة ورحت امبارح بس فيها مشكلة ان هية بقت زحمة قوى خصوصا الاطفال وبصراحة مكنتش مبسوط قوى بس العيال كانوا فرحانين وخصوصا ان الجو كان ممتاز خصوصا اخر النهار لكن بالنسبة للعب الاطفال معجبتنيش خالص مش زى ما كنت متوقع من نادى جيش او تبع الجيش بس انا استفدت كتيير من التجربة دى وان شاء الله هاجرب اروح نوادى تانية وبالنسبة لجاردينيا اللى فى طريق السويس كنت عايز اعرف فيه حمامات سباحة والا لا تحياتى

-

الموضوع: عايز اعرف اندية القوات المسلحة اللي بتسمح بدخول مدنيين؟

LinkBack

أدوات الموضوع

عرض

عايز اعرف اندية القوات المسلحة اللي بتسمح بدخول مدنيين؟ - انشر الموضوع فى :

-

-

-

-

المواضيع المتشابهه

بيان رقم 60 من القوات المسلحة !!

icdl في القوات المسلحة

مرور القوات المسلحة

القوات المسلحة المصرية

الكلمات الدلالية لهذا الموضوع

المفضلات

المفضلات

ضوابط المشاركة