مفروض رخصة العربية فاضلها شهر لكن تاريخ الفحص 2012 يعنى السنة اللى جاية
يبقى انا كده حروج اجدد الرخصة بس و لا لازم افحص ؟!! و كمان انا معايا نمرة قديمة يبقى حغير النمرة و لا لا
عرض للطباعة
مفروض رخصة العربية فاضلها شهر لكن تاريخ الفحص 2012 يعنى السنة اللى جاية
يبقى انا كده حروج اجدد الرخصة بس و لا لازم افحص ؟!! و كمان انا معايا نمرة قديمة يبقى حغير النمرة و لا لا
السلام عليكم
كدة ان شاء الله تروح تجدد الرخصة فقط و لو النمر الجديدة نزلت فى مرور حضرتك يبقى هتغير النمر كمان .
بالتوفيق ان شاء الله من غير مخالفات و غرامات
السلام عليكم
أولاً : لو الدنيا تمام في وحدة المرور الخاصة بك ( الوضع الطبيعي ) يبقى زي ما الأخ الكريم علاء سيد ما قال لحضرتك هترخص فقط
أما لو وحدة المرور إتحرقت يبقى في الحالة دي هتضطر تفحص علشان يتعمل لعربيتك ملف جديد بدل إللي إتحرق
ثانياً : بالنسبة للنمر القديمة ... كل وحدات المرور بدأت تسلم اللوحات الجديدة ودي وضعها كالآتي :
تأمين اللوحات الجديدة 145جنيه ( قبل الثورة كانت 130 جنيه فقط ولما التحقيقات الجارية أثبتت أن الشعب المصري كله - طبعاً إللي إتدبس في اللوحات الجديدة منه - إتنصب عليه ودفع 130 جنيه في لوحات لا يزيد تكلفتها عن 30 جنيه فقط على أقصى تقدير ) قامت الحكومة ردت المظالم لأصحابها ورجعت تدفعنا 145 جنيه ...... شوف إزاااااااااااي !!!!!!!!!!!!!!
على ما يبدو الثورة عملت نتيجة عكسية وبقينا نتقدم للوراء ....
نرجع لمرجوعنا :
اللوحات القديمة الخاصة بسيادتك لو بيضاء ( إللي كان عليها طبقة بلاستيك ) يبقى موش هتدفع تأمين لوحات قديمة ....
أما لو لوحات سيادتك القديمة سوداء ( إللي هي أقدم من القديمة البيضاء ) لا قدر الله يبقى هيدفعوك تأمين لوحات قديمة قيمته
30 - 45 جنيه
وربنا مع الغلابة ( إللي هم إحنا )
وكان الله في عونك