السلام عليكم يا جماعة

جت على بالى كام فكرة ، وكنت عاوز اتكلم معاكم فيهم وأعرف اية رايكم
----------------------------------------------------------------------------------
أولا: وضع مواصفات قياسية يجب ان تتوافر على الاقل فى السيارة المستوردة، مثل عدد الايرباج لا يقل عن 6، مواصفات الفرامل لا تقل عن كذا، المواصفات الفنية للشاسية ونظام التعليق لا تقل عن كذا

وبكدة نكون علينا مواصفات الأمان وتقليل نسبة الحوادث والأصابات، فى نفس الوقت مش كل الناس هتشترى عربيات (بمعنى عربية لكل أسره على أقصى تقدير)

ثانيا: وضع عمرى أفتراضى للسيارة، (20 سنة كمثال) بعده يتم تكهين السيارة مع أعطاء المالك تعويض (مثلا تخفيض او اعفاء جمركى على عربية فى مثل مواصفات العربية القديمة)

وبكدة هنقلل كمية الأعطال والعربيات على الطريق


ثالثا: تسعير بنزين 90 وما فوقه بالسعر العالمى، وأزيد لو السعر العالمى محلش الأزمة

وبكدة العربية مش هتستخدم إلا فى الضروريات


رابعا: مسألة تنظيمية، يعنى تنظيم معاد الذهاب والخروج من المدارس والمصالح الحكومية ...إلخ علشان ميبقاش كله بيروح مع بعضه وكله بيخرج مع بعضه

بالأضافة إلى أعداد تخطيط الطرق مرة أخرى

خامساً: أختبار رخصة القيادة يكون على مستوى عالمى، زى اللى بيجر برة دة، مع التشديد والتدقيق على أعطاء الرخصة

وبكده نضمن سائق واعى ومتمكن على الطريق، ونقلل بشكل غير مباشر الازدحام برضة

كل هذا ، يجب معه توفير معه وسائل نقل جماعة أدمية مناسية فى الكمية والكفاءة لعدد المواطنين المتوقع أستخدامهم لها
---------------------------------------------------------------------------------------------------------


يا ريت أعرف رايكم :)