اسعار النترا من داخل غابور -- اعادة

**MaZaGAngeE** · 14-06-2011 03:01 AM

همه مش مكسوفين يقولوا على الاوبشنز دي ""Fully loaded""
و لا المعلم غبور راكب بطة زي بتاعتي ف شايف ان الاوبشتز دي بتاعة مكوك فضاء

**wal** · 14-06-2011 07:43 AM

على كدة لو نزلها بالAuto park هتبقى 170 الف وهيقولك العربية بتركن لوحدها هو طبعا مننكرش ان الالنترا سيارة كورى جودتها عالية ومن احسن سيارات فئتها وعن تجربة الالنترا 2005 والشكل الجديد يعتبر جامد جدا وانا واثق فيه من غير تجربة بس لازم غبور يشوف السيارات المنافسة فى الاسعار انا مثلا معايا الرينو فلونس فيها اوبشنز اكتر من اعلى فئة فى الالنترا الجديدة ماعدا الفرش الجلد ومتعتبرش اعلى فئة وسعرها كان 141 الف وفى فئتين اعلى كمان ممكن يكون السعر زاد شوية الايام دى بس الاوبشن اعلى وفى سيارات اخرى كتير من نفس الفئة وماركات محترمة ايضا وسعرها اقل ونفس الكماليات خصوصا انه مايعتبرش نزلها بأوبشن جديد اول مرة نسمع عنه

**major123** · 14-06-2011 10:12 AM

استاذ سامح اشكرك على إعادة الموضوع للتوضيح بس انا لية تعليق على الاسعار مقارنة بالكماليات طبعاً الاسعار مبالغ فيها جداً جداً وانا عندى إعتقاد ان ممكن علشان العربية لسة ماوصلتش عند غبور فاممكن عرض الاسعار يكون ناقص بعض الكماليات هما نفسهم مايعرفهاش مش مكتوبة وانا رغم عدم اقتناعى بعرض السعر الباعتة غبور قولت انى ابعتة علشان فى ناس كتير منتظرة الالنترا وعن معرفتى ب ا/ غبور السعر كتير والكماليات مفيش زى مثلاً الالنترا 2010 شهر 5 /2010 كان سعرها 98000 جنية وبعدين قال اية رافعها ل 110000 جنية وعامل عليها خصم 5000 جنية

اقول اية غير حسبى الله ونعمة الوكيل واشكرك مرة اخرى

**SAMEHNOSHI** · 14-06-2011 06:49 PM

المشاركة الأصلية كتبت بواسطة major123

استاذ سامح اشكرك على إعادة الموضوع للتوضيح بس انا لية تعليق على الاسعار مقارنة بالكماليات طبعاً الاسعار مبالغ فيها جداً جداً وانا عندى إعتقاد ان ممكن علشان العربية لسة ماوصلتش عند غبور فاممكن عرض الاسعار يكون ناقص بعض الكماليات هما نفسهم مايعرفهاش مش مكتوبة وانا رغم عدم اقتناعى بعرض السعر الباعتة غبور قولت انى ابعتة علشان فى ناس كتير منتظرة الالنترا وعن معرفتى ب ا/ غبور السعر كتير والكماليات مفيش زى مثلاً الالنترا 2010 شهر 5 /2010 كان سعرها 98000 جنية وبعدين قال اية رافعها ل 110000 جنية وعامل عليها خصم 5000 جنية

اقول اية غير حسبى الله ونعمة الوكيل واشكرك مرة اخرى

العفو يا باشا, انا بعد اذنك طبعا اضطريت اعيدة نظرا لاهميتة حتى تعم الفائدة لان البعض لم يستطع فهمة... و متشكرين يا باشا على المعلومات الحصرية ... ولو انى بينى و بينك بتمنى انها تكون غلط او ناقصة