:16:
عرض للطباعة
يا عام حرام عليك احنا عمالين نعيد و نزيد و نقول اتكلموا بعقل شوية و انت تقولى بتجيب على الرابع 185 حرام عليك و كمان بتقول انك بهدلت عربية لوجان و الراجل كان بيهدى فى الملفات و انت ولا الهواء انا عارف انك قصدك تقول العكس عمر ما الانوس تقدر تبهدل اللوجان
اخر حاجة احب اقولهالك اتقى الله يجعل لك مخرجا انت محسسنى انك راكب فيرارى ولا جاجور ....
انت مش بتتكلم مع شوية عيال انت بتتكلم مع ناس كبار و فهمين و انا بكل امانة ركبت الانوس و التالت فيها اخره 70 و الرابع بيجيب 90 بالعافية و الخامس حاول متزودش عن 120 لأنك هتندم
اخر حاجة احب اقولهالك اننا بنتكلم ببراهين لو صورتلى العداد و انت جايب 190 و بتحرق على الأول 50 و التانى 85 و التالت 130 و الرابع 185 هديلك عربيتى هدية بجد والله لو الانوس بتعمل كدة يبقى العداد مخرف جامد ....
يا جماعة بالله عليكم نتكلم بموضوعية شوية و انا شايف ان اللوجان افضل من الانوس بمليون مرة ...
1- اللوجان فرنساوى تقفيل مغربى انما الانوس كورى تقفيل كورى يعنى اللوجان تقفيلها احسن
2- اللوجان اوسع و شنطتها اكبر و ينام فيها فيل 510 لتر ما شاء الله انما الانوس 310 لتر يعنى اللوجان شنطتها اكبر
3- تكيف اللوجان ثلاجة و اقوى من تكيف الانوس
4- اللوجان فيها اير باج و حاصلة على 3 نجوم من 5 نجوم فى اختبار السلامة الأوروبى مستوى الأمان فى اللوجان افضل
5- صالون اللوجان يتميز بالبساطة مع مواد محترمة عكس الانوس صالون فقير مع مواد زبالة اللوجان افضل من حيث خامات الصالون
6- من حيث الأبشنز اللوجان تكسب لأن فيها اير باج و كمبيوتر رحلات اضافة الى الكمليات الأخرى
7- اللوجان مصفحة انما الانوس مش مصفحة
8- اللوجان اعلى خصوصا فى شوارع مصر اللى مليانة نقر و مطبات فى كل حتة و هذا العلو مش مأثر على ثبات العربية انا بغرز بيها على 140 و مبتقولش لأ
9- من حيث التسارع اللوجان تكسب من صفر - 100 خلال 11.5 ثانية و انا بأكد ان فى ناس كتير جدااااا جابت باللوجان 180 و الصورة موجودة و 190 و كمان الفيديو موجدود انما الأستاذ الفاضل اللى بيقول انه بهدل اللوجان فى الملفات و جاب 185 على الرابع انا معرفش جاب الكلام دة منين شكلو كدة كان ............ اقسم بالله العلى العظيم الانوس على 140 و انت طالع بتدبدب و بتعوم و بتبقى حالتها ........
10- فرامل اللوجان اقوى من فرامل الانوس
11- صاج اللوجان اقوى من صاج الانوس و قفلة الأبواب محترمة عن الانوس
12- اسم رينو افضل من اسم دايو او شفرليه يعنى يكفينى فخرا و شرفا انى راكب رينو ..
13- اللوجان معتمدة اكثر
14- توكيل اللوجان افضل من توكيل الانوس و يعد توكيل رينو افضل توكيل فى مصر
15- عفشة اللوجان انعم من عافشة الانوس
16- موتور اللوجان اقوى من موتور الانوس
17- اللوجان اكثر ثبات من الانوس و اسأل عم بيومى بتاع البطاطة هيقولك نفس الكلام
و الدليل على انها سيارة ناجحة انها انتشرت و اكتسحت السوق خلال سنتين فقط و كمان خلصت من السوق و الدفعة الأتحاد اوروبى خلصت بمجرد الأعلان عنها و بعدين توكيل رينو و وكلاء eim مش هينزلوا عربية غير و هما واثقين انها هتحقق نجاح و مش هتبوظ سمعتهم و بالفعل العربية حققت نجاح و الكل اجمع عل انها سيارة محترمة سواء اللى معاه لوجان و اللى مش معاه لوجان ..
قطع الغيار غالية فى التوكيل علشان فرنساوى اصلى و من قلب التوكيل نفسه و عليها ضمان لمدة عام يعنى انت لو قارنت بين قطع غيار اللوجان الفرنساوى الأصلى و من قلب التوكيل و قطع غيار الانوس الكورى الأصلى و من قلب التوكيل هتلاقيها متقاربة مع ان قطع غيار اللوجان فرنساوى و قطع غيار الانوس كورى يعنى قطع غيار اللوجان معمرة اكثر ..
و بعدين العربية نزلها قطع غيار و اعضاء اللوجان المحترمين قالوا على اسماء المحلات فى مختلف المحافظات و قالوا على ارقام تليفونات هذه المحلات و العربية نزلها قطع غيار استعمال خارج فى السويس و كل يوم اعضاء اللوجان بيكتشفوا اماكن جديدة و بعدين احنا مكبرين دماغنا خلال فترة الضمان ( 3 سنوات او 100 الف كيلو ) و بعد كدة هنلاقى قطع الغيار مرطرطة و ربنا يهدى لوجى و ميجعلناش نحتاج لقطع غيار ..
فى النهاية اسف على الأطالة و مش عاوز حد يزعل منى لأن دى وجهة نظرى و دة رأيى و بكل صراحة و بدون انحياز و ربنا يعلم و لو اتفقت الأراء لبارت السلع و اختلاف الراى لايفسد للود قضية و اسف على الأنفعال الزائد بس العضو الفاضل amado318 استفزنى و محسسنى انه بيتكلم مع شوية عيال و انا عارف انى مليش حق انى احكم على وجهة نظره بس لما واحد يقولك انا جبت 50 على الأول و 85 على التانى و 130 على التالت و 185 على الرابع و ميسكتش على كدة و اللى خلانى اكتب الكلام دة انه بيحلف بالله هو ميعرفش ان حلفان ربنا بيتهزلوا سبع سموات .....
حصلت على انذار مع وقف اسبوع لمخالفة القاعدة 13
كما حصلت على انذار اخر مع وقف اسبوع اضافى لمخالفة القاعدة 12
مشرف 12ب
كل عربيه وليها مميزاتها وليها عيوبها
واللى انا ملاحظه ان كل واحد داخل ينفخ فى عربيته
ويلمع فيها على حساب الأخرين
هو فيها ايه لو كل واحد اتكلم بعقل وبحياديه وبما يرضى الله
هو نفخك فى العربيه اللى انت وهو راكبنها ... هيزودها شويتين ؟؟
كلام جميل وهو المختصر المفيد "و ببساطه لولا تعدد الأذواق لبارت السلع" وبلاش يا جماعه حكاية ال 160 و 180 أرجوكم العمر مش بعزقه وإحنا كلنا محتاجنكم ومش محتاجين أي إثباتات إي عربيه أحسن من التانيه ..... كلهم كويسين و مقضيين الغرض وزياده. وربنا يهدي الجميع.... وتقبلوا تحياتي.
قابلني وتعالي جرب العربيه وجهز عقد عربيتك:grin54:
مع ان الرشاشات بتسيل الاول 40/45
التاني 80/90
التالت 120/130
الرابع 160
الخامس معاك لحد اخره
والعداد سليم
وشوف هتقيس السرعه ازاي علشان متقولش العداد بيخرف
الرد في الاقتباس وده بيعبر عن وجه نظري مع احترام رايك
+11111
استاذ ورئيس قسم
ما اشبة اليوم بالبارحة....
نفس الحوار بيتكرر كل 3 اسابيع او شهر...
حد يتكلم عن عربية من العربيات ذات الجماهيرية و يجيب سيرة عربية تانية من نفس الفئة...
واحد من ملاك العربية التانية يقوم بالرد و "الدفاع" عن عربيتة لصد "الهجوم"
يقوم باقى محبى العربية الاولى بالتجمع "لسحق" العضو الدخيل اللى بيجيب سيرة العربية الاولى...
و بعد العديد من الصفحات تضطر الادارة الى غلق الموضوع و ايقاف نص الاعضاء اللى مشلركة فى الموضوع لان الموضوع بقى ساحة شتيمة و شخصنة...
يا جدعان الحاجات اللى بتتكلموا فيها دى قتلت بحثا قبل كدة... سواء فى قسم الدايو او قسم اللوجان او قسم المقارنات
كل عربية من الاتنين ليها مميزات واضحة و صريحة ولا يمكن الجدل فيها... و كل عربية ليها عيوب واضحة و صريحة ولا يمكن الجدل فيها
فى النهاية كل واحد بيختار العربية الانسب ليه بناء على قائمة الميزات و العيوب لكل عربية
الظريف فى الموضوع دة بجد هو ان نفس الحاجات بتكرر من موضوع للتانى... يعنى اول ما تجيب سيرة اللوجان تلاقى مباشرتا ظهر موضوع "الاوروبى" و لوجو "رينو"... فى المقابل تلاقى ظهر "الاوبل استرا" و "جنرال موتورز" عند الدايو
و لما تيجى سيرة الثبات فى اللوجان تلاقى قطع الغيار ظهرت فى الدايو... و لما تيجى سيرة الوسع فى اللوجان تلاقى سعر اعادة البيع فى اللانوس...
تحس فى الاخر انها معركة و كل فريق بيطلع السلاح القوى بتاعة و الفريق التانى بيرد علية بالسلاح القوى اللى عندة... طيب فى الاخر حنوصل الى ايه؟؟؟... لا بتوع اللوجان حيبيعوا عربياتهم و يركبوا لانوس... و لا بتوع اللانوس حيبيعوا اللانوس و يجيبوا لوجان.... مع العلم ان دة لو حصل مفيش اى حد من الناس اللى بتقطع فى بعض حيستفيد حاجة... و لا حيخسر حاجة
كل اللى حيحصل ان الناس حتزعل من بعض و تشيل من بعض و تتشحن من بعض... و مع احترامى كل دة بيحصل لاسباب "هايفة"... العرية فى الاخر حتة حديد و بكرة تتباع و يجى غيرها... لكن الناس هى اللى حتفضل مع بعض
MMamdouh
عندك حق والله يا استاذ محمد
انا كل يوم بشوف موضوع زى ده
وبصراحه قسم اللوجان عصبى اوى شايف العربيه مفيش زيها اتنين
ومن غير زعل انتوا مش بتقبلوا النقاش
من يومين زعلتوا جدا جدا جدا جدا جدا جدا ان واحد فى قسم الاوبل دخل عاب فى العربيه
دلوقتى انتوا بتقارنو وبيتعيبوا فى فرينا ولانوس !!!!!!
طول عمرك بتقول احلى كلام
والله انا محرج من الناس فعلا
بس لو تلاحظ انا مشاركتش فى المواضيع دية لان مقتنع تماما ان كل عربيه ليها مميزات وعيوب واختار اللى ينفعك منها
ومابحبش افطس فى حاجة حد لانى مش راكب اوبل مثلا انا راكب عربيه شعبيه على قد تمنها برده