فيـــات سيــنا - شيفروليــه أفيـــو

**topmido** · 27-04-2008 02:56 AM

السلام عليكم و رحمة الله و بركاته

ازيكم يا شباب ؟؟؟
انا ان شاء الله ناوي أشتري عربية
و محتااااااااااااااااار جدااااااااااااااا:(
محتار أختار مين فيهم ؟؟؟ هم الاتنين عاجبينني :D
أنا كنت بافكر في الفيات سينا 2008 بس في ناس قلقوني منها
و بافكر بردو في الأفيو 2008 و في ناس بردو قلقوني منها :(
طب ما تقولولي انتوا حاجة !!!!!!

و لكم جزييييييييييل الشكر :D

**mina_ramsis** · 27-04-2008 10:54 AM

اللى اعرفه ان السيينا صينى مش ايطالى

**osama_alam** · 27-04-2008 11:35 AM

انا في نفس حيرتك لأن المبلغ المتوفر معاية في حدود 70 الف بس للأسف حتي مش قادر اختار بينهم لأني شفت مشكلة في كل واحدة:

الافيو: صاجها ضعيف نسبيا انا بروح السعودية على فترات وبشوف العربية ديه هنا زي الرز صاجها كله تحسه بعد فترة انه مخبوط او حد خبط فيه بشاكوش وهوه مجرلهوش حاجة !!!!!!! وغير كده غالية على تمنها :(

السيينا: كانت عند ناس نعرفهم بتسخن ومطلع عنيهم في الصيف ولا عرفه يستمتعوا بيها وتقريبا مكنوش بيشغلوا التكييف خالص بس هية غير كده زي الفل لو حد يعرفلنا حل للمشكلة ديه يا ريت يقول او يعرفلنا لو حلو المشكلة ديه في الموديلات الحديثة

:(

**ahmed_hassieb** · 27-04-2008 06:08 PM

المشاركة الأصلية كتبت بواسطة osama_alam

انا في نفس حيرتك لأن المبلغ المتوفر معاية في حدود 70 الف بس للأسف حتي مش قادر اختار بينهم لأني شفت مشكلة في كل واحدة:

الافيو: صاجها ضعيف نسبيا انا بروح السعودية على فترات وبشوف العربية ديه هنا زي الرز صاجها كله تحسه بعد فترة انه مخبوط او حد خبط فيه بشاكوش وهوه مجرلهوش حاجة !!!!!!! وغير كده غالية على تمنها :(

السيينا: كانت عند ناس نعرفهم بتسخن ومطلع عنيهم في الصيف ولا عرفه يستمتعوا بيها وتقريبا مكنوش بيشغلوا التكييف خالص بس هية غير كده زي الفل لو حد يعرفلنا حل للمشكلة ديه يا ريت يقول او يعرفلنا لو حلو المشكلة ديه في الموديلات الحديثة

:(

+ الدايو لانوس !
الفرامل ضعيفة والتكييف مش قدكده ومش مرتفعة عن الارض وشكل قديم مقارنة بما سبق ..

طيب نعمل أيه يا أهل الخبرة ..؟

**topmido** · 27-04-2008 06:38 PM

أسامة باشا و أحمد باشا
بقينا 3 محتارين
أنا في ناس نصحوني بالفيرنا ، بس للأسف أنا مش متقبل شكلها خااااااااالص
الفيرنا أصلا هي الأكسنت القديمة في السعودية ، بس شكلها بصراحة مش عاجبني
مش عارف و الله ايه الحل !!! كل ما استقر على اختيار يطلع واحد يقوللي على عيب يخليني أحتار تاني
بس يا شباب ، أمانة لو حد وصل لحاجة يقوللي ، ماتسيبونيييييييييييييييش :o
أخوكم محمد بيبرس

**mina_ramsis** · 27-04-2008 06:39 PM

انا رأئى يا فيرنا يا افيو لوبتحب الشكل الجديد لو ماتفرقش معاك يبقى خليك فى اللانوس ( عن تجربة الاعتمادية بتاعتها عالية جدا )

**topmido** · 27-04-2008 06:50 PM

hoko_mosha باشا :)
أنا آسف نسيت أحييك ، و ألف شكر على اهتمامك
بس أنا مش فاهم يعني إيه " الإعتمادية " ؟؟؟ الكلمة دي أنا باسمعها في مواقع السيارات كتير ، بس مش عارف معناها
و ياريت لو تقدر تفيدني في حسم الاختيار يبقى كتر خيرك :o
أخوك محمد بيبرس

**osama_alam** · 28-04-2008 12:18 AM

هوه فيه ناس نصحوني اني ازود شوية واجيب هيونداي جيتز (73 الف) وعلى نفس المنوال ما ازود شوية واجيب دايهتسو سيريون (78 الف) انتم ايه رايكم ؟؟؟ والله انا عن نفسي حموت على الماتركس (84 الف) بس انا حقسط اساسا و ال 3و8و14 الف الزيادة مش حقدر عليهم :(

**osama_alam** · 28-04-2008 12:28 AM

انا شكلي حشتري لادا 2107 واريح دماغي واووفر فلوسي اهي مش حتجبلك العين وتمشيك وخلاص وممكن تجيبها تكيف وباور كمان وفي واحد مره قريته عاوز يبيع عربيته عامل فيها شغل عالي تكيف باور جنوط ازاز كهربا نظام صوت فرش وكانت موديل 2006 روسي وكان عاوز يبيعها على 46 يعني من الاخر لو ظبط جديد واحده مصري تكلفك 50-52 ولو روسي 53- 55

ايه رايكم؟؟