اقتباس المشاركة الأصلية كتبت بواسطة tananybasha مشاهدة المشاركة
للعلم يا عماد
لو مظبطشى مهندس الفحص فى المرورين
مش هترخص
محبتش اعمل موضوع تاني لاني لسه مرخص امبارح
اولا - مرور 6 اكتوبر وده مرور العربيه القديم بتاع المالك السابق
المستندات المطلوب استخراجها

1- شهادة بيانات الطلب ب 0.50 قرش من الكشك
2- ضريبة السنه الاولي 210 نموزج 251 تقريبا ب 210 جنيه
3- دمغة بيانات 3 جنيه
4- تاخد الرخصه القديمه معاها صورة بطاقة المالك السابق وتطلع عانيابه في الدور التالت وتديها لعم يوسف وتستنى يتندي اسمك لوعليك مخالفات تدفعها لو مفيش تدفع 5 جنيه قسيمة استخراج براءة زمه ماليه (مخالفات)

ثانيا- مرور فيصل
هتشتري ملف فحص ويشمل
1-ورقة فحص فني = تقرير بصمه
2- فحص بيئي
3-ضمان طفايه
4-ورقة ضمان شنطة اسعافات ومثلث عاكس
لوحد فاكر حاجه يضيفها انا ناسي من كتر الارف

الكلام ده ب 41 جنيه

تدخل عالفحص هيجي ابو عفريته زرقه يرفع البصمه لو مظبتش المهندس ب 10 هيرجعك المرور التاني ترفع بصمه وتطابق المهم لوعربيتك فيها شغل سمكره دوكو اي حاجه هيرخم بس لو برزت ال10 20 جندي هتمشي
ومش هيقولك هاتلي العربيه لاني كنت ركنتها بره بعد البصمه

- تامين اجباري 320 جنيه
- ضريبه 595 السنتين الجداد بعد الضريبه بتاعت السنه الاولى اللي دفعتها في المرور القديم
- ومش عارف تأمين استخراج لوحات جديده اد ايه وتسلم الملف معاه النمر القديمه طبعا مرفق عقد البيع او التوكيل موثق وتستنى يندهو عليك هتسمع اسمك تاخد ورقتين وتطلع عالوحات تستلم وترجع تديله الوصل تاخد الرخصه

والحمد لله على كل شيء

كان في 121 جنيه وصل طفايه و70 جنيه وصل شنطه ومثلث بس مكانش معايا فلوس خدت بتوع واحد صاحبي وحطيتهم في الملف وبعدين سلتهم تاني معلش بقى اضطريت عشان الواحد كان مأشفر عالاخر

سامحني يارب