عندك جوجل ايرث؟؟...اكتب الاحداثيات ديه!

**eng_mkhalaf** · 27-04-2008 12:32 PM

مش فاهم حاجة

**Dr Ahmed** · 27-04-2008 12:43 PM

يا عفريت يا نادر (الطرابيشى)
المقال بيقول انهم عاملينها من سنة 95 وبيوصف الطريقة علشان يشوفوا تأثير عوامل التعرية فى الصحراء فعلا

**mohamed_88sk** · 27-04-2008 12:44 PM

وانا كمان (أصلي مكسل أقرأ كل ده هههه)

**alaa_dash** · 27-04-2008 12:47 PM

امال ليه بس يا استاذ نادر (صاحب الموضوع) بتقول نا ماحدش قال صح !!
شكككتني في انجليزيتي هداك الله :o....و برافو فعلا يا استاذ نادر (الطرابيشي ) ..:)

**NaderNabil** · 27-04-2008 01:29 PM

برافو يا علاء باشا...

القصة بتاعت الحوار ده بدات ازاي؟؟؟

كان يوم جمعة من حوالي شهر و نص و لاقيت والدتي بتقولي الحق بص كاتبين ايه في الجرنال....و حاطين الاحداثيات ديه و كام واحدة كمان و بيقوللك سكان الفضاء و حاجات غير مفهومة و بتاع...و واحدة منهم علي أرض مصر بالقرب من منتجع الجونة....دخلت علي جوجل ايرث لاقيتها فعلا و الفار بدا يلعب في عبي..قلت دي أكيد من سكان الفضاء و بتستخدم كاشارة....و بابا حب يجاريني و قاللي لأ دي مهبط لسفينة الفضاء بتاعتهم:D:D (محدش فاهم حاجة)

المهم انا محبتش اعمل سيرش عليها عشان عارف اني ها اصاب بالاحباط و مش هاتطلع تبع سكان الفضاء فا قلت اسيب نفسي متزاول و زاولت صحابي معايا...و قررنا نروح الجونة:D...كنا كده كده هانقضي يومين و بالمرة نروح نشوف ايه القصة هناك

و بالفعل روحنا الجمعة اللي بعدها علطول و حددنا مكانها باظبط و ازاي نوصل...و طلعت علي الطريق الرئيسي اللي بيودي علي الغردقة فا مكانش صعب الوصول اليها...بس ايدي كانت بتاكلني علي الكيبورد و عملت سيرش و انا هناك عليها ولاقيت مكتوب ان صاحب المشروع ده هي شركة اوراسكوم (ساويرس) و حب يعمل عمل فني ملهوش جدوي اقتصادية بس كل الاهمية منه انه يسيب اثر و ذكري داخل كل اللي يشوفه ....
اللي عمله مجموعة من الفنانين اليونانين و بدأوا شغل سنة 1995 فيه و قبل نهايته قامت عاصفة رمليه ازالت معظم معالمه و اضطريتهم انهم يعيدوا بناؤوه من اول و جديد بس باستخدام ماده تشبه الصمغ او الجبس تضاف علي اللرملة عشان تثبتها و في نفس الوقت تدي احساس الرملة....المهم كانوا كاتبين ان متوقع بعد 6 شهور انه هايزول بفعل الرياح و عوامل التعرية...فا قلت مش هانلاقيه او هايكون اندثر بس كان عندي رغبة عميقة اني اروح ازور المكان ده....

اخدنا الكاميرا و ركنا العربية علي الطريق و اخدناها مشي....و كانت باينة من علي الافق....مرتفعات و حفر متنظمة في تناسق عجيب و في مسافات محسوبة بدقة شديدة....الارض مستوية تماما بشكل غريب برضه في منطقة صحراوية زي دي....

مكنتش متخيل ازاي معمولة بالسيمترية ديه الدايرة حقيقية 100% و مظبوطة تماما بدون أي لوحه ...و ارتفاع واحدة من المنخفضات يسواوي بالظبط ارتفاع واحدة من المرتفاعات...بحيث ان كل واحدة منهم ينفع تحطها جوة التانية...

الدايرة اللي في النص بقي رهيببة بجد مساحتها شاسعة و معمولة باتقان شديد...المفروض في المشروع الصلي انها تكون مليانة مياه و التوب بتاع المرتفع اللي في النص مستوي بحيث انه يبان كأمه جزيرة صغير وسط البحر

صحابي اتجننوا و قرروا يطلعوا الجزيرة اللي في النص ديه:D

منظر عام:

كنت منشكح جدا بعد ماروحت و حسيت اني عملت انجاز كبير:D
وقريت بعد كده ان العمر المتوقع للمشروع ده هيبقي لحد 2050 أو 2070....
و هو مش معمول لحساب عوامل التعرية لكنه معمول عشان يسيب ذكري جميلة زي ماقلت لكل اللي يشوفه او يمشي فيه....

الغريبة بقي ان ساويرس متكتم جدا بشأن الموضوع ده و محدش من موظفيه حتي يعرف أي حاجة عن الموضوع ده...مع انه كان ممكن يستخدمه كدعاية او مزار سياحي...بس للأسف مش مديله اهتمام:(

هجيبلكم اللينك اللي متكلم عنه باستفاضة بس هادور عليه الاول

**NaderNabil** · 27-04-2008 01:31 PM

ياريت نخلي الموضوع ده لغرائب جوجل ايرث و الاماكن الغريبة اللي فيه

**mohamed_88sk** · 27-04-2008 01:47 PM

الله عليك بجد وعالمعلومه دي بجد متشكر جدا جدا
وفعلا شكلهم تحفه جدا
شكرا عالمجهود ده .

**marsguy** · 27-04-2008 01:55 PM

حلو أوي الموضوع ده :)

متشكرين يا نادر باشا على الإثاره والتشويق دول

فعلاً إنت أثرت فضولي بشكل رهيب

بس من الواضح إن العمل الفني ده منظره بيبقى باين من فوق أكتر، من طياره يعني أو قمر صناعي زي بتاع جوجل إيرث.

على فكره بره في حاجه إسمها Crop Circles ودية عبارع عن أشكال هندسيه محفوره وسط المحاصيل الزراعيه، والمفروض إن ما حدش عارف مين اللي عملها، وإنها من الدقه الشديده بحيث إنها يستحيل على أي حد إنه يعملها في يوم وليله.

http://en.wikipedia.org/wiki/Crop_circles

http://www.cropcircleconnector.com/a...001arabic.html

**alaa_dash** · 27-04-2008 02:06 PM

الموقع ده جميل googlesightseeing.com فيه صور كتير من النوع ده
وبعدين انت رزعت المشوار ده كله عشان تبص بصة :) يا قلبك يا نادر ..:)

**meza** · 27-04-2008 02:18 PM

روعة
شكراً يا نادر باشا و كل سنة و إنت طيب :)

*********

شوفوا الإحداثيات دى.....

35 25'24.97''n , 103 6'37.19''w

53 50'29.55''n , 1 58'12.02''w

33 44'17.45''n , 112 38'0.17''w

34 35'11.38''n , 117 23'4.33''w

الموضوع: عندك جوجل ايرث؟؟...اكتب الاحداثيات ديه!

LinkBack

أدوات الموضوع

عرض

-

-

-

-

-

-

-

-

-

المواضيع المتشابهه

اكتب على ترجمة الجوجل السيد رئيس الجمهورية المصرية من عجائب جوجل

مطلوب منى اكتب مقال ؟؟؟

إجابات جوجل ,, خدمة جديدة من جوجل

عندك جولف ؟؟ هاتجيب جولف ؟؟برافو و خد عندك

جوجل ايرث

الكلمات الدلالية لهذا الموضوع

المفضلات

المفضلات

ضوابط المشاركة