محتاج مساعده اجيب النترا 2006 حاله ممتازه عامله 54000 كيلوا صيانه دوريه بالتوكيل
ولا اجيب دايوا لانوس فول اوبشن إس 2008
محتااااااار
عرض للطباعة
محتاج مساعده اجيب النترا 2006 حاله ممتازه عامله 54000 كيلوا صيانه دوريه بالتوكيل
ولا اجيب دايوا لانوس فول اوبشن إس 2008
محتااااااار
اولا اهلا بيك يا هشام..
انا عارف ان الاختيار محير بس انا لو مكانك طبعا هختار الالنترا لانها احسن فى كل حاجة من حيث الوسع والتسارع والثبات و لانها عربية فعلا جميلة ومريحة جداااا بس هى خليجى ولا عادية ؟؟؟
وفول ابشن ولا لا؟؟؟
ولو فى اى سؤال انا تحت امرك يا باشا
اخوك محمد والسلام عليكم
الف شكر يا محمد بيه علي ردك بس انا فعلا بميل لل النترا علشان الاسباب اللي قلتلها في ردك هي فول اوبشن مش خليجي وكمان عي ملك لابن خالتي
الف شكر لاهتمامك وردك
يا هشام باشا على اية دانتا منورنا يا معلم ;)
بص يا سيدى انا اخويا معاه النترا 2006 خليجى فول اوبشن فلو عايز تعرف اى حاجة انا تحت امرك قول متتكسفش...
بصراحة هو كان عايز يجيب لانسر بس بعد ماجاب دى مش عايز يغيرها وعجبتو اكتر من الانسر لانها والله وعن تجربة على السرعات العليا دى من اكفىء العربيات فى فئتها فى الثبات لانها عريضة جدا وواطية فا فى السفر تحفة بجد..وانا تحت امرك يا خالى اتش :d
يا برنس تسلم علي ردك بس تعرف ايه اللي محيرني في الإختيار ان اللانوس زيروا وكمان اسمع ان توكيل اللانوس افضل بكتير من الهيونداي في الصيانه والمعامله والزحمه والجديد جديد بردو ....
انا كان معايا سكودا فيليشيا كانت مطلعه عيني بجد صرفت عليها كتير ولما بقت عربيه بجد ومحترمه فكرت ابيعها وبعتها النهارده
انما عن الالنترا انا عارف امكانيتها كويس واعتقد انها فعلا الافضل وخصوصا موديل 2006 اسمع انه افضل من حيث القوه والمتانه والثبات والصالون
الف الف شكر يا برنس علي اهتمامك ...
طبعا الانترا عربية ماشاء الله حلوة
واحسن من الانوس بكتيير حتى لو الانوس زيرو
المهم حالة العربية العامة ولو حلوة اتكل على الله واشترى
الالنترا افضل علي طوووووووووووول الخط
الف شكر للاستاذ / أحمد حسيب وموضوع الكيلو متر الكتير اللي عاملاه السياره كانت مشاوير طويله مش في وسط البلد
على فكره توكيل دايو مش احسن ولا حاجه من توكيل هيونداى
بس الفكره ان الاغلبيه العظمى من مالكى الانوس بيصلحوا بره التوكيل
علشان كده اهدى من هيونداى
لو الانترا حالتها حلوه وانت ضامنها اكيد هتكون افضل من الانوس بكثير
بس قطع غيارها اغلى من الانوس
بس ركوبه تستاهل