عرض للطباعة
انا كل شغلي سفر وكل شوية اسمع دة عربيتو اتاخدت دة اتسرق لحد ما واحد صاحبي اتسرق وقف يصلي في جامع علي الطريق لقاة مقفول رجع وكان معاة المدام والاولاد لاقي قطاع طريق حولين العربية وخدوها منو وسابوهم مع العلم ان دة طريق الجيش لية مافيش تئمين للناس علي الطريق دة وهل دي حالة فردية ولا بقت ظاهرة في طرق مصر ولو هية ظاهرة فعلا لازم يبقي ليها حل اما بقفل الطرق او زي زمان ان المشي يكون بنظام القوافل المؤمنة لان ارواح الناس وممتلكاتهم مش لعبة
مافيش اسهل من أن 2 او 3 معاهم اسلحة بيضاء او فرد يتلموا علي راجل في منطقة مقطوعة ويسرقوة حتي لو ماكنوش مرتبينها او حتي كمان لو ماكنوش مسجلين خطر وخصوصا لما يكون معاة افراد أسرتة. ربنا يرحمنا معلش ضريبة ولازم الكل هيدفع منها جزء
غريبة هو في جوامع على طريق الكريمات أصلاً؟؟
اللي اعرفه من زمان ان اليوترن بتاع الطريق ده بيبقى واقف فيه قطاع طرق لانه عبارة عن انفاق من تحت الطريق
بس عمري ما شفت جوامع غير عند البنزينات بتاعت وطنية اللي عند البوابات ودي بيبقى فيها جيش ولما عديت هناك من شهر كان في دبابات واقفة عند البوابات لو اتسرق هناك تبقى مصيبة فين الجيش اللي بيأمن البنزينة
هوا في جامع فعلاا انا بعدي عليه .. مفيش جنبه بنزينه أو اي حاجه
علي الكيلو 28 حلوان بني سويف
ربنا يستر وقبلها كنت بصلي الجمعة امام المسجد كان بينعي زمييل احد الطلبة في جامهة النهضة كان اتعطلت بية عربية وكلم زمايلو جم وهما جايين طلع عليهم متسكل ضرب عليهم نار ومات واحد الي كان الامام بيعزي اهلو وانا اتاكدت من القصة دي بجد كدة موضوع صعب انا مسافر بكرة علي نفس الطريق بس في اتجاة المنيا وربنا هوة المعين لان البديل الطريق الزراعي وبقي كلو الاف المطبات
طريق الكريمات زى الزفت ومأوى للمجرمين والهاربين من السجون ولكن سيتم تطهيره قريباى ان شاء الله ولكن حتى اليوم ونحن فى منتصف عام 2011 لسه مفيش امان وربنا هو الستار
ربنا يستر علي الجميع
ولم يكن لدي علم
شكرا وربنا يستر
الطريق بالنهار مفيهوش قلق بس اوعة تركن وتقف على جنب
وحاول تبقة ماشى على الطريق جمب عربيات وبأقصى سرعة على أد ما تقدر
ده كده يبقي عايز مجموعه تروح وتيجي مع بعض
انا سافرت علية مرتين للمنيا !! وبعدين سمعت ان الداخلية منزلة عربيات جديدة لحماية الطرق !!
ربنا يسترها الحظر لا يمنع القدر
ده اللي هوة فين ده يا جماعة؟
الصعيد الشرقى
من شهر فبراير و انا رايح جاي عليه مرتين أسبوعيا و احيانا 3 مرات القاهرة بني سويف و لا فيه اي حاجة و طريق رايق و بسافر بالليل متأخر و الفجر و الظهر و لا فيه أي مشاكل و لو مش مصدق انا ممكن اسافر معاك بعربيتي السبت الفجر .
الأسبوع اللي فات العربية عطلت و سبتها بعد البوابة من السبت الى التلاتاء و رحت جريتها بالعربية البطة و مفيش حاجة نقصت منها و كله تمام
متصدقش أي كلام من الكلام الفارغ بتاع قطاع الطرق ده خالص
انا سافرت الفيوم من بني سويف الساعة 2 بالليل و الطريق زراعي رايح جاي و لا فيه حاجة
و كمان سافرت من جرزا ( الوصلة من الزراعي للصحراوي الغربي ) برضه من غير أي مشاكل
و ربنا يستر طريقنا كلنا
فيه اشعات كتير ياجماعه
بس برده لامانع من اخذ الحذر
بلاش السفر بالليل على الاقل
اقتباس:
المشاركة الأصلية كتبت بواسطة moustafa_saad
انا لسه واصل من بني سويف
طلعت الساعة 10 و وصلت مدينة نصر 12 بالليل
و الطريق مليان عربات ملاكي , ميكروباص , نقل بانواعه
و الله العظيم امان و مفيش اي حاحة من الكلام الفارغ ده كله
و عشان تطمن اطلع لحد كمين 15 مايو و شوف عدد العربيات اللي جاية مصر او مسافرة .
بقولكم ايه ياجماعه لو عايز اروح المنيا اروح ازاي من القاهره؟
انا سمعت فيه طريق شرقي وطريق غربي تقريبا
ايه الوصفه الصح والاسهل والاسرع اللي اروح بيها المنيا من القاهره؟
اللي هيفرق معاك انت فين و رايح فيناقتباس:
المشاركة الأصلية كتبت بواسطة modo88
يعني لو انت ساكن في الجيزة و رايح المنيا المحافظة يبقى تروح من الطريق الغربي
لكن لو ساكن في مدينة نصر أو القاهرة يبقى الأفضل انك تروح من الطريق الشرقي او من طريق الكريمات
هتاخد الأوتوستراد لحد 15 مايو و من هناك هتكمل على طول و تاخد طريق الكريمات و تفضل فيه لحد ما توصل كمين الصفا اللي في مدخل المنيا المحافظة
اقتباس:
المشاركة الأصلية كتبت بواسطة mazagangee
ياباشا شكرا علي ردك وبجد مش هاتفرق جيزة او القاهره انا اقصد يعني ايه الطريق الاحسن واللامن والاسهل ليا
وبيتهيالي الغربي اسهل ولا انا غلطان ياباشا؟
ولو اسهل ياريت تشرح اطلع ازاي عليه ومنين؟
عشان تاخد الطريق الغربي :اقتباس:
المشاركة الأصلية كتبت بواسطة modo88
هتاخد الهرم أو فيصل لو انت في الجيزة ( محور المنيب لو انت جاي نت المعادي أو الدائري لو جاي من الناحية العاشر أو 26 بولبو لو من وسط البلد ) و هتروح ميدان الرماية و منه تاخد طريق الفيوم الصحراوي لحد ما تلاقي يافطة طريق أسيوط الغربي و هتلف و ترجع و تاخد الطريق ده لحد مدخل المنيا .
عشان تاخد الطريق الشرقي هتاخد الأوتوستراد باتجاه حلوان و تكمل لخد 15 مايو و هتكمل برضه لحد ما تلاقي كوبري بداية طريق الكريمات و منها لحد مدخل المنيا .
الغربي أسهل لو انت رايح مركز من المراكز لكن لو رايح المنيا نفسها و انت ساكن في مدينة نصر أو المعادي يبقى الأحسن و الأقرب و الأسرع طريق الكريمات أو الطريق الشرقي .
شكرا ياغالي علي سرعه الرد وبجد انت راجل محترماقتباس:
المشاركة الأصلية كتبت بواسطة mazagangee
ومعلش سؤال اخير هيا ممكن تتاخد المسافه في اد ايه وقت؟
يا باشا انت تأمراقتباس:
المشاركة الأصلية كتبت بواسطة modo88
المسافة تقريبا من رمسيس الى محطة قطار المنيا 280 كيلو
و على الطريق الشرقي هتاخد حوالي ساعتين و نص
و الغربي هتزيد تقريبا 45 دقيقة فرق المسافة بين الطريق و مدخل المنيا و دي مسافة حوالي 30 كيلو بس كلها ملفات و فيها مطبات
تسلم ياغالي وبجد انت راجل زوق وجدعاقتباس:
المشاركة الأصلية كتبت بواسطة mazagangee
والف شكر علي الوصف وتعبك معايا
انا سافرت عليه باليل والصبح وكان فيه حتت كنت فيها لوحدي على الطريق والحمد لله ماكنش فيه اي مشاكل غير اني خبط كلب كان بيعدي الطريق وهو بيجري تقريبا ربنا يسامحني مات وقبل كده اخدت عساكر معايا من بوابات الكريمات الى تقريبا منتصف الطريق .... ربنا يستر طريقنا جميعا
ربنا يحمي مصر من كل شر وتفضل واحة لاامان علي طول وتعدي الغمة دي بس برضو الخزر مطلوب