الموضوع: حبه استفسارات في السيراتو معلش لسه جديد بقي..

المشاركة الأصلية كتبت بواسطة yasserelsayad

اول صورة دى الاستهلاك اللحظى للبنزين
يعنى بتقولك انت بتستخدم كام لتر لكل 100 كيلو حسب دوستك على البنزين
و0 و10 و20 دول عدد اللترات
يعنى لو الشرطة عند ال10 يبقى انت بتستهلك 10 لتر لكل 100 كم ولو مثلا فى النص بين 10 و0 يبقى 5 لتر وهكذا

الصورة التانية بقى
كل سينسور عندك (اربعة) بيكون ليه شرط كدا يعنى فى الصورة ظاهر 3 سينسور بس والرابع مش شايف ان فى عائق وراه فا مش مطلعلك حاجة .. يعنى من الاخر لما بتيجى ترجع الشاشة بتقولك العائق اللى وراك دا فى انهى ناحية يمينك او شمالك او فى النص
وهو ليه 3 مستوايات ولما بيعمل صفارة مستمرة يبقى لسه فاضل وراك حوالى 30 سنتى بالتقريب بس خلى بالك باردوا

شكرا علي المعلومات و هو في الحقيقة 50 سنتي مش 30 سنتي, انا قرأتها في الكتالوج.

المشاركة الأصلية كتبت بواسطة yasserelsayad

يعنى متخليش رجلك تقيلة على الدواسة ..
ممكن تبقى ماشى 160 والاستهلاك 10 لتر مثلا
عامة انا لما بمشى على المحور محترم وامشى 90 عليه كله بيبقى الاستهلاك 5 او اقل
ومتوسط الاستهلاك بيكون حوالى 4.7 لتر لـ 100 كيلو

الله دي حلوة اوي. ربنا يباركلكو فيها. انا عندي الجين 2 لو مشيت بأرص و جري و كدة يبئي معدل 15 لتر ل 100 كيلو ولو محترم عادي يبئي 12 و لو محترم اوي يبئي 10 و لو بنقل عند 2.5 rpm و بسيب العربية تجمع براحة يبئي 9 و دي اقل حاجة جبتها و كان رقم قياسي بالنسبالي. P:

أزاي متوسط الأستهلاك 4.7 لتر ل 100 كيلو يا باشا معني كده أن 20 لتر بنزين يعملوا 425 كيلو - أن معايا سيراتو هاي لاين بتعمل حوالي 190 الي 200 كيلو في ال 20 لتر