عرض للطباعة
السلام عليكم يا شباب، انا معايا ساجا منيوال جبت بيها 168 كم \س العربية رائعة و متزنة ولكن صوت الموتور عالى جدا بعد ال 130 لدرجة مزعجة . قولولي يا شباب الساجا حد حس بهذه المشكلة ولا دي عندي بس.
علي فكرة انا سألت احد المهندسين فى التوكيل وقال علشان موتور سبأ؟ ارجو الافادة.... شكرا
حضرتك عامل بيها كام الف ؟
السيارة عاملة 9400 كم
هوة بص انا توقعت انه انها ممكن تكون لسة جديدة والمحرك لسة صوته خشن ولكن 9000 كيلو كفيلة كويس جدا انه يبقى هادئ وكلن العزم اخباره معاك ايه السحب ايني الـ 180 دي على ار بي ام كام معاك ؟ تفرق كتير !! ولكن هية دي عادة محركات كامبرو كلها كمحرك رياضي بصوت غنائي انا عندي استعداد اتقبله :d
ربنا يباركلك فيها يا فندم ومنتظر اعرف ايه اخبار الأر بي ام معاك ..
لما تعمل صيانة ال 10000 ان شاء الله الوضع يبقى احسن خصوصا مع تغيير الزيت
وكمان اتاكد ان فلتر الهوا راكب مظبوط اوي علشان الحروف الجلد بتاعته
ده محرك رياضي لازم تتقبل منه الصوت العالي بس انا كنت ماشي 160 على 4000 ار بي ام وقافل الازاز ولا كنت سا مع حاجة
بس عموما الموتور صوته عالي مش ناعم زي موتور الانوس مثلا
وده ميزه وعيب في نفس الوقت
صباح الخير
عند سرعة 160 كم/س يكون ال أر بي ام 4500 ولما اقفل الزجاج يكون الصوت واضح
بس حقول حاجة غريبة شوية بعد 145كم/س صوت الموتور بيهدي شوية
عموما انا بقارن بين الساجا وبين عربيتي التانية سينا fire برازيلى 2004 الصوت مفيش خالص
شكرا على المشاركة
من المعروف ان مواتير كامبرو بتاعه بروتون مواتير رياضيه عشان كدا صوتها عالي
المواتير برضه مدارس ... احنا في البروتون واخدين المدرسة الرياضية اللي العزم فيها تصاعدي يعني مثلا مش بتخلص العزم بتاعها بدري وعلى السرعات ماتلاقيش عزم معاك والهورس باور نفس الكلام والصوت العالي الرياضي هيا عامتا قريبة من مواتير الميتسوبيشي بنكهة لوتس لان مهندسين بروتون متعلمين في مدرسة ميتسوبيشي ومتعاونين مع مهندسين لوتس اللي شارينها ......
من الاخر مواتير رياضي رياضي يعني صباح الاصوات الجميلة
168 كم /ساعه عند 4000 لفه / دقيقه ؟؟؟؟؟؟؟؟؟؟؟
والله الراجل ده بيقول كلام زي الفل :grin54:اقتباس:
المشاركة الأصلية كتبت بواسطة mixd99999
111111111111
هاقولك انا بقى الاغرب العربية دى بتزعق على اخرها لحد سرعه 175 او 180 لكن بعد اما بتعدى السرعه دى ... مش بتسمع غير صوت الهواء بس صوت الموتور بيتختفى تماما وبتحس بصوت هواء بس ده اللى حصل معايا لما كنت على طريق مرسى مطروح بعد ال 180
المواتير الكامبرو مواتير رياضيه لازم صوت الموتور يكون عالي متقلقش
على فكره انا بحب صوت الموتور وهو عالى كده وببقى فرحان بيه
وساعات لما بكون ماشى فى شارع زحمه وفيه ناس كتير ماشيه واجى أدوس بنزين الناس بتوسع من ادامى من صوت الموتور بس من غير ما اضرب كلاكس واحد
إنه زئير الأسد ياعزيزى
+1111111111111اقتباس:
المشاركة الأصلية كتبت بواسطة megarekab
اسف يا شباب 4000 لفة عند 160 كم\س غلط خالص
الصحيح هو 5100 لفة عند 160كم\س