ان شاء الله عايز أشترى عربية ومحتار جدا بين الاثنين وهما لانسر شارك 2008 ولا النترا 2010 بنفس السعر أرجو الإفادة
الإثنين فول أوبشن أوتوماتيك
أرجو المقارنة من حيث :
قطع الغيار
إعادة البيع
الثبات فى السرعات العالية
ان شاء الله عايز أشترى عربية ومحتار جدا بين الاثنين وهما لانسر شارك 2008 ولا النترا 2010 بنفس السعر أرجو الإفادة
الإثنين فول أوبشن أوتوماتيك
أرجو المقارنة من حيث :
قطع الغيار
إعادة البيع
الثبات فى السرعات العالية
قطع الغيار
الافضليه للالنترا في الغالب (لأن أسعار الكوري دايما أقل من الياباني) وطبعا متوفره جدااااااااااااا أكتر من الشارك
إعادة البيع
الالنترا برضو .. لأن سوق الشارك حاله مش ولابد من ساعه ما نزلت
بس في حالتك يمكن علشان مستعمله يبقى فيه كلام تاني
بس برضو الالنترا بياعه أكتر ودايما مطلوبه
الثبات فى السرعات العالية
اللانسر أفضل أكيد لكن موتور الالنترا أقوى بفارق محترم
بالتوفيق
متشكر جدا يا دكتور ولكن يبقى استهلاك البنزين والعفشة
وأيضا الصاج والخامات
بنزين عفشه خامات (فى الالنترا محترمين جدا) اما الصاج الانسر احسن بفرق بسيط اوى
قطع الغيار : الالنترا ارخص
الصيانة : الالنترا اسهل
الثبات على سرعات عالية : اللانسر افضل و بفارق
البنزين : استهلاك الشارك افضل و اقل (1500 مايفيك)
العفشة : الالنترا اريح بكتير لكن اللانسر متانة عالية بس ناشفة و دي ضريبة الثبات
الصاج : افضل في الشارك
التسارع : افضل في الالنترا بس الفارق مش كبير يعني
الخامات في الشارك اقيم بس مش ملحوظة بشكل كبير
ارجو اكون افدتك و خد بالك الشارك ممكن صيانتها و قطع غيارها يعملوا ازمة لان انتاجها وقف
لكن انا جربتها و بصراحة ركوبة ممتازة جدا جدا جدا
الشارك روعة الصراحة و احسن عن تجربة في كل حاجة ... مشكلتها و اللي خلتني ابيعها و انا زعلان اني مش لاقي قطع غيار واللي الاقيه غالي فوق ما تتصور بغباوة يعني ...
هي عربية ممتازة و حمارة شغل بس للأسف مش واخدة حقها في مصر
عشان كده انا ارشح الانترا حاليا لأنها حتريحك و توكيل هيونداي تقريبا احسن توكيل في مصر و قطع غيارها بالعبيط و مش غالية ..
يا رب توكيل متسوبيشي الجديد يكون احسن ...
اوكيل هيونداي احسن توكيل في مصر ؟؟؟ ياراجل
ده غبور اسوء تةكيل في مصر وشوف مشاراكات الاعضاء وشكواهم من غبور
ده كفايه الجمله الشهيره (تغور لو من وش غبور )
انا ارجح المتسوبيشي طبعا
لوظروفك الماديه تسمح بمصاريف الشارك يبقى تجيبها افضل ولكن اكشف عليها في التوكيل