بالصور تركيب فوجات زي الاصلي مش غالية أوي
أحبائي أعضاء قسم نيسان نادي نايل موتورز
من فترة كبيرة حوالي سنتين كنت ركبت فوجات صيني و اللي حصل ان في واحد منهم اتكسر من شهر تقريبا
المهم لاقيت اخي الحبيب عمرو منير ركب فوجات تايواني في مودرن ابورواش و كمان احمد مصطفي شجعني اني اركبهم لأنهم زي الاصلي كتير
انتهزت فرصة مقابلة شيفرولية و الحمدلله كان عمرو منير معانا في المقابلة و شوفتهم متركبين عنده في العربية .. بصراحة كانوا تحفة و فعلا زي الاصلي الياباني
روحت ركبتهم فعلا في مودرن ابورواش و كعادة احمد مصطفي و خصوماته الجميلة اللي بيتعب كتير اوي عشان يجيبها لينا لكن الناس في التوكيل بتحبه من قلبهم بجد
الميزة الجميلة اللي في الفوجات ديه انها مش بتشبر ..
الفوجات الصيني شبرت بعد اسبوع من تركبها
الفوجات تمنهم 770 جنيه بالضريبة و التركيب لكن احمد جاب لينا تخفيض يعني الفوجات عملت معايا 700 جنيه بالظبط
هسيبكوا بقي مع الصور تتفرجوا عليهم
شوفوا في الصورة ديه مدي لمعان الفوج كأنه الاصلي الياباني بالظبط
عاجبني اوي تقسيمة النور علي الارض في الصورة ديه و ده دليل انه اصلي اصلي
هنا صورة لنور الفوجات من قرب
هنا صورة الفوجات و هي منورة من بعد
عايز اقول لكم اني بعد تركيب الفوجات ديه يعتبر مبقيتش بنور النور الواطي بنسبة كبيرة
اتمني يكون التقرير عجبكوا
أخوكم
م / بيشوي