عيوبها وسعرها فابركيه بره وجوه ماشيه 100 الف كيلو
عرض للطباعة
عيوبها وسعرها فابركيه بره وجوه ماشيه 100 الف كيلو
لو نضيفه قوي 65 او 66 بالكتير في ناس بتبالغ قوي فيها عيوبها الدهان تقريبا مصري الفوانيس بتطوس عفشتها ناشفه شويه حساساتها كتير
بس لو بتتصين دوري تبقى راكب وحش والله بدون مبالغه
ناهيك عن ثبات وموتور غبي بجد (يعني جامد فعلا) وصالون شيك وعضم ماوصفلكش
من الاخر موصفلكش لو نضيفه؟ عربيه حلوه عن تجربه
العربيه ممتازه ياباشا بس اهم حاجه الفحص لو حالتها ممتازه خدها وانت مستريح
روح لمقار واعمل عليها فحص ولو كويسة جبها ولا تتردد
عربية جميلة فى كل حاجة و
عيوبها فوانيسا الامامية قليلة فى السوق وظهور بعض البارومة على السقف ناحية الزجاج الخلفى
العفشه: ناشفه الى حد ما .. يمكن عشان يخلوا العربية ثابته .. و يمكن عشان العربيه كنزة شوية .. ويمكن عشان الكاوتش عندى ماكسس (ناشف شوية).
مفيهاش لمبة تحذير لحزام الامان ولا لفتح الابواب أثناء القيادة ولا صوت انذار .. ممكن تشغل كمبروسر التكييف من غير ما تشغل المراوح (ممكن يعمل مشكلة لو سايب الكمبروسر شغال و مش واخد بالك).
البوهيه بتاعتها وحشة جدا لما تتساب فى الشمس .. بتبقى شكلها جربانة جدا . أنا دايما بغطى عربيتى لما أركنها فى الشمس عشان المشكلة دى .. و المشكلة دى موجودة فى معظم الأوبل.
المميزات
الاستهلاك: عادى بالنسبه لعربيه 1600 سى سى .. يعنى متوسط 200 كم/الصفيحه جوه البلد.
الكماليات: جميع الكماليات .. تكييف .. سنترلوك .. باور ستييرنج .. 4 زجاج كهرباء .. 4 وحدات رفع .. مرايات كهربا .. 2 مفتاح ريموت ايمبوليزر.
مساحات التخزين: ممتازة جدا .. .. باكيتات فى الابواب .. درج التابلوه واسع جدا و مضاء .. مساحات تحت الكاسيت و فى التابلوة.
الثبات: ممتاز .. جبت بيها 160 بس للأسف . بس واحد صاحبى جاب 210 و بيقولى كانت كويسة.
التكييف: ممتاز جدا .. ميفرقش حاجه عن الكورى سواء فى البروده أو فى سرعة الوصول لدرجة البرودة .. و لا يؤثر على سحب العربية.
مميزات أخرى: السنتر بيقفل عند سرعة 30 كم .. النور بيطفى بعد نص ساعة لو سيبتة منور .. مرايات فى الشماسات .. زجاج الابواب بيفتح 5 سم لما تفتح الباب .. فتح الشنطة و تنك البنزين كهربا .. التحكم فى ارتفاع كرسى السائق .. لمبات مفاتيح زجاج الابواب مضيئة.
العربيه ممتازه خدها وانت مستريح
لو شاذه ..خدها ..لو مشنشنه فكك منها
يا ريتنى ما بيعتها ..والله كانت اجدع من السى معايا ..
الله يمسيها بالخير بقى
عربية جميلة الكاملة منها حلوة بس ليها مشكلة بايخة اوى وهيا كرت الكنترول بتاع الموتور لو حصلة حاجة لقدر الله مش موجود فى مصر و لو لقيتة هتلقية اقل سعر لية 3 الاف جنية وسعات بيغلى على حسب دماغ التاجر بقا فا انتا لزم تمسك العربية دى تفليها كشف متسيبش مسمار فيها الى لما تكشف عليه...... وكمان اكشف على الفتيس كويس بس كدة وان شاء الله كلة يبقى تمام معاك ياباشا :E_braces[1]::E_braces[1]:
طيب ليه يا رجاله المشاكل دى مظهرتش عندى ؟
انا عملت بيها 150 الف كم فى سنتين و نص ..!!
عملت الصيانات بتاعها و غيرت
سنتر باب التانك
وفانوسين فى الضمان
والايرباج عشان الكلاكس اتقطع
وشكرا !
لو انتا كنت بتوديها التوكيل واى حاجة تحصل والموتور كان بيسخن منك وتصلحها على طول اة ماشى مفيش حاجة تحصل لكن لو واحد بيوديها لميكاميكى كدة وشكراااا هتلاقى المشاكل دى ....... ومش عايز اقولك انى كنت بشوف الكلام دة ادام عينى و كمان خلانى مفكرش فى الموتور دة اصلا 1600
ولا عمرها سخنت اصلا ..هى كانت كل 10 الاف كم فى التوكيل تعمل الصيانه الدوريه و شكرا ..
مره واحده بس التوكيل قالولى غير المروحه و انا رفضت ..تانى يوم المروحه فصلت وانا فى القاهره ..جبتها من الحرفيين ..
قصد كلامى ..انها مكانتش بتبوظ و اصلحها بنضافه ..لا هى اصلا مكانتش بتبوظ