اخباركم يا رجاله عملين ايه ربنا مع الجميع في الامتحانات ان شاء الله

الريس ده حصل من حوالي اسبوع بس انا مكنتش عاوز اتكلم عنه عشان الحاله النفسيه الي بيمر بيها المنتدي و كنت حاسس اننا قلبنا منتدي تعليمي فحبيت اطفي طابع رياضي نوعا ما و الي سخني AHMED1718 الي مش بيحب الجري يهجمه هو مش انا (حبيبي يا حمام)

انا شديت ابل كدا من حوالي 60 ل 100 مع باسات علي الطاير و كان ورايا و كنت كمان فاتح التكييف
و انا بكلم صديق لي و بنتكلم علي الشد و بقول اني شديت مع باسات و عدتها ابل كدا قال لي انت متأكد(قلت في سري هو انا لبست في ريس ولا ايه)و بكل شجاعه متاكد اوك الطريق هو الحكم الساعه 7.10 المقابله توكلنا علي الله الدائري طريقه منين يا اسطا
سخنا بعض شويه كدا و بعدين بدئنا نقرص شويه و بعدين بدء رنين الكيكات يسمع و كان الفرق واضح في رزعت الكيك لتقدم السيراتو بكل جداره و رجوع الوحش الالماني و ظهوره في المرئاه الاجانبيه
و كان الواضح تسارع جيد للسيراتو من 0 الي 120 و بدئت الباسات بالاقتراب
و قلبي وقع في رجلي ولكن لم تدعدي فوانيسهها الاماميه منتصف السياره

الدائري دا فاكس اوي اغلبه غرز و كنا ديما خطاف علي بعض و مفيش كلام للمكن و طلعنا علي الدولي يا معلم
من حوالي 40 هو رزع الكيك علي الs و انا سقط اول و بردو يظهر في المرايه الجانبيه و سامع نقلاته تتوالي و صوت عزم موتوره يظهر و انا مش راحم العربيه مكيكه كنت حاسس انها هتقولي ما تنزل تجري جمبي مادام مش عجباك كدا!
و حتي سرعه 185 كيلو متر ركزو 185 ظل الوحش الالماني خلفي و لم يتعدي في كل الاحوال حاجز بابي (كنت حاسس في بعض اللحظات ان عربيتي سحبها بيزيد عنه شويه و بعدين تهدي و تحافظ علي ادائها)


يعني لا قبل ولا بعد 100 يا جماعه انا تسرعي اخر مره شفته كان في 11 ثانيه يعني لو سيراتو فيقه اكتر تسارعها في 10 ثواني كان زمنها سفرت و الباسات دي اصلا اسرع باسات انا قبلتها في حياتي ربنا يبارك له فيها لان زي ما قلت لكم الباسات العاديه بالتكييف برزع الكيك كانت بترجع ورا اما دي فهي كانت معايا ديما لكن بتقدم ملحوظ لي
ربنا يبارك لنا في عربيتنا و يكفينا شرها ان شاء الله