نتيجة ظروف مرض زوجتى (شفاها الله) وجدت السؤال ده طلع فى نافوخى فقلت اشترك مع اصدقائى الـ 850 فى التفكير
عرض للطباعة
نتيجة ظروف مرض زوجتى (شفاها الله) وجدت السؤال ده طلع فى نافوخى فقلت اشترك مع اصدقائى الـ 850 فى التفكير
شفاها الله وعفاها-اللهم اتم شفائها وخفف الامها--------- انا شخصيا استاذ فى الاكل لا أأكل كتير ولكنها هواية وكنت امتلك مطعم فى الماضى القريب :P
طبعا بعرف اطبخ ولما كنت عايش بره لوحدي كنت بعمل كل حاجه بنفسي طبعا اول فتره اكل جاهز لحد ما معدتي نشفت و حاولت اتعلم و فعلا لقيت الموضوع سهل خالص و حبيته كمان و بقيت بطبخ دايما و بعزم ناس علي الغدا كمان يعني كنت واثق من نفسي جدا بس حاليا لما استقريت هنا خلاص بقي ماعدتش بطبخ و لما بخش المطبخ بستغرب يمكن ععلشان دي مش ادواتي اللي كنت بستعملها يمكن برضه بس بصراحه تجربه مفيده و خبره ممكن تفيد الواحد
لأ....بعرف آكل بس :lol:
ربنا يديها الصحه و تقوم بالسلامه ان شاء الله.
باعرف اطبخ كويس جدا .
نظرا لمعيشتى سنوات طويلة وحيدا بعد وفاه والدى ووالدتى رحمهما الله وقبل زواجى،
فأنا اتعلمت اعمل كل حاجة بنفسى، بداية من الطبيخ للغسيل لتنظيف الشقة لكل اعمال السباكة والكهرباء المنزلية والدهانات واصلاح الكثير من الأجهزة المنزلية وميكانيكا السيارات
وعلى ذلك الحمد لله عندى قدرة انى مش بس اطبخ لنفسى لكن اقوم بأعمال الطبخ لمعسكر جيش كامل
وأول ما اتجوزت كنت معقد مراتى لانى كنت بعمل أكل احسن منها بكتير لدرجة انها خدت الموضوع تحدى وقامت بالإجراءات الآتية
1-متابعة كل برامج الطبيخ فى التليفزيون وخصوصا برامج الشيف اسامة وشريف بينولينو اللى بقوا ضيوف فى كل بيت
2-تبادل الخبرات المطبخية مع كل من تعرف من آقاربى وأقاربها
3-إقامة المتاريس على باب المطبخ ومنعى من دخوله نهائيا إلا فى حالات الضرورة القصروى، مثل إصلاح حنفية المياه التى افسدتها مثلا
4- تجربة كل اصانف الطعام اللى بتتعلمها وطبعا العبد لله هو المتطوع الوحيد المتاح لاختبار نتائج تجاربها عليه، الى جانب انى الممول الأوحد لهذة التجارب، وياما قلبى اتقطع على الفلوس اللى بدفعها فى لحمة وفراخ ورز ومكرونة وسمك وتوابل وينتهى بها الأمر فى صفيحة الزبالة
بس الحمد لله بعد سنتين ونص زواج الحال اتحسن كتير جدا وبقت بتعرف تطبخ الحاجات اللى انا بحبها، وانا بقيت اعرف احب الحاجات اللى هى بتطبخها ووصلنا لمعاهدة سلام اصبح يحق لى بمقتضاها انى ادخل المطبخ فى بعض المناسبات وامارس هوايتى القديمة
اشكرك يا استاذ جنيدى على الدعاء وشكلك كدة جنيدى فى امستردام وربنا يوفقك فى عملكاقتباس:
شفاها الله وعفاها-اللهم اتم شفائها وخفف الامها
اقتباس:
ربنا يديها الصحه و تقوم بالسلامه ان شاء الله.
شكرا ليك يا استاذ فادى
انا عشت خمس سنين فى المنيا لوحدى علشان الكلية (ربنا لا يرجعها سنين)
فتعلمت حجات كتير منها الطبيخ
شفاها الله وجميع الناس.
ربنا يخليكوا لبعض
سبعاوى انت عسل والله :) انا برضه حالتى قريبه منك
ربنا يخليك يا باشا وشكرا على شعوركاقتباس:
شفاها الله وجميع الناس.
ربنا يخليكوا لبعض