السلام عليكم ورحمه الله وبركاته
معروض عليا عربيه النترا ٢٠١٠ اوتو اول فئه
عداد ٤٠٠٠٠
فابريقه بره وجوه
صيانه دوريه بالتوكيل
اللون نبيتى
ياترى تسوى كام واشيك على ايه فيها وانا باشتريها وياريت اعرف عيوبها ومميزاتها
ومستنى نصيحتكم
عرض للطباعة
السلام عليكم ورحمه الله وبركاته
معروض عليا عربيه النترا ٢٠١٠ اوتو اول فئه
عداد ٤٠٠٠٠
فابريقه بره وجوه
صيانه دوريه بالتوكيل
اللون نبيتى
ياترى تسوى كام واشيك على ايه فيها وانا باشتريها وياريت اعرف عيوبها ومميزاتها
ومستنى نصيحتكم
على ما اعتقد فى بدايه الثمانيات وربنا يوفقك وتخلص فيها
طب العربيه دى كويسه وسعرها ياجماعه
فين متخصصى الهيونداى
علشان تعرف مميزات العربيه وعيوبها لازم تعمل بحث فى قسم هيونداى وتقرا كتير والمواضيع كفيله انها تقولك ايه مميزات وهيوب السياره بالنسبه للسعر انت قول الراجل طالب فيها كام
هو طالب فيها
83000
بالتوفيق
على ما اعتقد تنزل شويه لحد 79 او 80 وتوكل على الله لو حالتها نظيفه جداااااااااااااااااااااا وممكن تكشف عليها فى التوكيل
انا شايف سعرها كدا كويس لو حاتها كويسه و صيانة توكيل دوريا ..توكل على الله .. و انشاء الله هتعجبك .. هى عربيه اعتماديتها عاليه و مصاريفها عقلانيه جدا و محترمه على مستوى التكييف و الثبات و السرعه و توفير النزين و ايضا ناعمه فى العفشه
توكل على الله و لله الأمر من قبل و من بعد
الحمدلله ربناكرم وخلصت فيها على ٨٠ بس فى حكه فى الباب اليمين الخلفى خط بعرض الباب والصاج داخل لجوه شويه
ماتعرفوش اعملها ولا اسيبها وتتكلف كام
والسعر كده حلو ولا ايه هيا فابريكه مارشيتش اى حاجه
سيبها تاخد العين واسأل مجرب
شكرا لردودكم
على بركه الله هاسيبها ان شاء الله
لو هى النترا 2010 وفبريكة برة وجوة واتوماتك وجبتها على 80 دى تبقى كويسة جدا وسعر كويس واقل من السوق كمان
انا لسة جايب النترا 2007 فبريكة اتوماتك بس تكيف تاتش حساسات الى هى الفئة العالية شوية ب 78
اهم حاجة تكون فعلا العربية حالتها كويسة ومش راشة نهائى
ربنا يباركلك فيها ويكفيك شرها ويديك خيرها
بالنسبة للحكة ممكن تعملها على البارد بس مترشش العربية وخلى بالك انها حتتحكك تانى وتالت بسبب الناس الى بتركن والعيال الى ماشية بمصامير و ..... الخ الكلام الى احنا عارفينوا
انا شارى العربية من اسبوعين ومشاء الله 5 حكات ومصمارين وهى واقفة تحت البيت !!
تحياتى ليك
الف شكر ياجماعه على ردودكم ان شاء الله بكره رايح بيها التوكيل اكشف عليها وادى الراجل باقى فلوسه
دعواتكم بالله عليكم
بالظبط ودا الى انا قلتوا يا حسام السعر دا اقل من السوق ولو فعلا العربية حالتها كويسة يبقى انتا كسبت عربية بسعر حلو جدا
سعرها حلو جدا بسم الله ماشاء الله ربنا يباركلك فيه