الموضوع: ما تيجو نعمل حدوتة ..........!!!!!!!!!

بسم الله الرحمن الرحيم

ايه رايكم نعمل حدوتة كده على الماشى ......... يعنى نعمل قصة فلم .........و نكون احنا ابطالها ......... !!!!!
يعنى انا ابدأ قصة الحدوتة ........ و كل واحد حابب يكمل معانا القصة ........ يكتب سطر ولا سطرين او اكتر
بس فى سياق الحدوتة ....... يعنى كل واحد يالف معانا ...... بس ما يخرجش برة السياق

و نشوف ح تكون ايه الحدوتة و ايه احداثها ......... و نهايتها ....... ده لو كملت !!!!!!!!!

================================================== =====
بسم الله نبدأ على بركة الله
================================================== =====

القاهرة ......... الساعة 10 صباحا

-------------------------------------

برازيلى خارج من بيته رايح المحل .......

برازيلى ::: يا صباح يا فتاح ....... الواحد قايم من النوم النهاردة كانه مسطول

و يتذكر برازيلى و هو ماشى للمحل ليلة امبارح ....... فى الشغل
و يقول فى سره ..... دى كانت ليلة غبرة .......... ليلة ما لهاش معالم .........

الواد مصطفى tafa17 ده طلع عين اللى جابونى امبارح ......... عنده خربوش صغير فى الرفرف اللى قدام
و عايز يلزق استيكر عليه ....... و كل شوية الللل استيكر ..... الللل غيرهولى ....... شوف لللل لون تانى
طب لللل اكبر شوية ......... لللل اصغر شوية

لحد ما عوجلى لسانى انا و الللل كل اللى فى المحل

ادى النت و اللى بنشوفه من النت ......... و فى الاخر طبعا ما حاسبش على الاستيكر ......... يحاسب ازاى .....
مش احنا صحاب على النت ....... ( تتتتتتتتيت ) ع النت و ع اليوم اللى دخلناه

و حياة امى ........ بعد كده ما فيش ياما ارحمينى ....... آآآآآآآآآه .......... الشغل شغل يابا
بزنس از بزنس ......... ابو عشم مات يا عم الحاج ..... ايه هو احنا ح نقضيها مجاملات ولا ايه ..... لا يا عم

و يخرجه من تفكيره ......... صوت الموبايل .......... يرن ..... ينظر برازيلى لشاشة الموبايل ....... DIAB

برازيلى ::: و عايز ايه ده كمان ....!!!!!!!!!!
ما هى ناقصة بقى ..... امباح مصطفى بالليل و النهاردة ع الصبح دياب ده كمان ........ انا قلت الغى وصلت النت دى اللى جايبالنا الكافية و اوفر فلوسى

و يرد برازيلى على الموبايل

برازيلى ::: حبيب قلبى ديبو ......... ازيك يا باشا
دياب ::: صباح الخير يا برازليانو ......
برازيلى ::: برازلينانو ده ايه ........ هو انا فاتح محل بن
دياب ::: بقولك يا برازيلى .......
برازيلى ::: تحت امرك يا حبيبى ..... ( فى سره ) خير انت كمان ماهى ناقصاك
دياب ::: عايزك فى موضوع مهم جدا جدا
برازيلى ::: يا باشا انت تأمر و انا انفذ ... ( فى سره ) اصطبحت بوش مين انا النهاردة
دياب ::: ركز معايا ......... بقولك ..... موضوووووووووووع مهم
برازيلى ::: هههههههه ايه يا عم انت ح تنيمنى مغطاطيسى
دياب ::: مغطاطيسى يا ابن ( تييييييييييت )
برازيلى ::: ليه الغطل كده بس ع الصبح يا باشا
دياب ::: معلش بس بجد ده موضوع مهم و انا عايزك تركز معايا قوى
برازيلى ::: ماشى يا عم ..... قول
دياب ::: مركز معايا
برازيلى ::: مركز يااااااااااااعم ....... خلصنى ... ورايا شغل
دياب ::: بص يا برازيلى ..... الموضوع باختصار ..... فى شوية عيال كده معاهم مكن صينى ..... و عاملين فى مكنة منهم تعديل غريب كده ........ بيخلى المكنة ماشية زى الصاروخ ....... و بيخشوا على اى حد معاه ريس و يقعدوا يكلموه عن المكن و الريس و سرعته كام ..... و بعدين واحد منهم .... اللى معاه المكنة المتعدلة دى .... يقوله تخشلى سبق على رهان .... طبعا صاحب الريس ..... واثق من البايك بتاعه ....... يقوم يوافق ..... يراهنوه على الموبايل او فلوس كتير .......
و بعدين يتسابقوا ....... و المكنة الصينى بتسبق فى كل الرهانات .....
برازيلى ::: ههههههههههه حلو الفيلم ده يا باشا ....... انت لسه نايم ولا ايه
دياب ::: يا ( تيييييت ) يعنى انا بكلمك ع الصبح اهزر معاك ..... الكلام ده بجد يا برازيلى .....
برازيلى ::: بجد بجد يا باشا
دياب ::: بجد بجد
برازيلى ::: وبعدين ........ كمل احسن دى قصة حلوة قوى
دياب ::: الكلام ده سر يا برازيلى اوعى حد يعرف عنه حاجة
برازيلى ::: عيب عليك ..... انا كده برضه
دياب ::: انا عارف انك مش كده ..... ( فى سره ) انت ابو كده
برازيلى ::: كمل بقى ..... شوقتنى
دياب ::: شوف يا سيدى .... انا الكلام وصلنى من كام واحد معاه ريس ....... حكولى نفس الكلام بالزبط ..... المهم ... بعد كده انا جتلى معلومة ..... انهم بيتقابلوا ع النت فى منتدى خاص بيهم .... عامله الزعيم بتاعهم ....... ف فضلت انخرم وراهم لحد ما عرفت المنتدى ده ..... و سجلت معاهم ..... من حوالى شهر .... لحد ما ادولى الامان ..... و حسوا انى بقيت واحد منهم .......
برازيلى ::: و بتخش معاهم باسم YASCRO برضه ...!!!!
دياب ::: انت اهبل ........ ولا بتستهبل يا جدع انت ..... لأ طبعا ..... انا بخش باسم ( حمادة الجن )
برازيلى ::: ههههههههههههههههههههههههه ه يا واد يا جن انت ........ هههههههههههههههه
دياب ::: و حياة ( تيييييييييت )......... لعلم ( تيييييييييييت ) الادب
برازيلى ::: ايه ياجن ......... قصدى ياباشا ......... انت زعلت ولا ايه ....؟؟؟؟
دياب ::: الموضوع ده مهم يا بتاع انت ....... فاهم ولا لأ ..... ؟؟؟؟
برازيلى ::: فاهم يا باشا ........ كمل كمل
دياب ::: المهم انا مش عارف لحد دلوقتى شخصياتهم الحقيقية ........ فعملت حركة كده ..... عشان نعرفهم بيها .......
برازيلى ::: حركة ايه يا جن انت يا بتاع الحركات
دياب :::: ( فى نفسه ) انا ايه اللى خلانى اتصل بالبنى ادم ده بس .؟؟؟؟
برازيلى ::: قول يا باشا حركة ايه ؟؟؟؟
دياب ::: انا اقترحت عليهم انهم يعملوا لوجو او شعار يكون مميز ليهم يتعمل استيكر و يلزقوه على الموتوسيكلات بتاعتهم
برازيلى ::: طيب و انا دخلى ايه بكل ده بقى .........؟؟؟
دياب :::: يا عم انت افهم ....... مش انت عندك محل استيكرات ....... ؟؟؟؟
برازيلى ::: و بعدين ....... انا مالى برضه بالموضوع ده ؟؟؟؟
دياب ::: ما انا كلمتهم عليك عشان ييجوا يعملوا اللوجو عندك ....... قلتلهم انك احسن واحد ممكن يعملهم لوجو جامد
برازيلى ::: نعم يا حبيبى ........ انا مالى يا عم بالقصص دى ....... انا يا عم انت فى حالى ..... و ماشى جنب الحيط ....
انا عندى عيال عايز اربيهم يا عم ........ الكتكوت ....... انسى .... انا ماليش فى القصص دى ....... ابعد عنى الله يباركلك
دياب ::: انت مالك يا ( تييييييت )..... جبت ورا كده ليه ........ مش تسترجل هو انا بقولك روح حارب ........؟؟؟؟
برازيلى ::: يا عم الامووووووور ......... انا عارف الاشكال دى ....... دول ما بيعرفوش يتفاهموا ........ ولما يعرفوا ان انا اللى عرفتك على شخصياتهم ....... ييجوا يزبطونى انا .......... انت باشا ........ قاعد فى اسكندرية ....... مش فارقة معاك ........ لكن انا هنا ......... اللى ح اشيل الليلة دى ..........
دياب ::: الله ......... امال انت معانا فى القسم بتعمل ايه ........ مش احنا كلنا اخوات ....... ولا ايه يا برازيلى
برازيلى ::: بلا خوات بلا ( تيييييييييت )........ انا ماليش فى القصص دى يا عم انت
دياب ::: ماشى يا سيدى ......... طلباتك ....... ؟؟؟؟
برازيلى ::: طلبات ايه بس يا باشا ؟؟؟؟
دياب ::: خلص ..... بقى .......... احنا مش تايهين عن بعض ..... ولا ايه .....!!!
برازيلى ::: عيب عليك ياباشا تقول كده ........ انت تعرف عنى كده ؟؟؟؟
دياب :::: انت كده نفسه .......... خلص ....
برازيلى ::: بصراحة بقى يا باشا ..... الموضوع ده خطير ..... و انا اللى ح البس فيه فى الحيط ......
دياب ::: خللللللللللللص
برازيلى ::: من الاخر ..... عشان انت حبيبى ....... اسبوع مصيف فى اسكندرية .... احسن الحر بهدلنى فى القاهرة هنا ... نار و العياذ بالله
دياب :::اسبوع يا مفترى ......... ماشى ياعم
برازيلى ::: طول عمرى بقول عليك حبيبى و ابن حبيبى ..... طبعا المواصلات عليك ......... ؟؟؟
دياب ::: قول كل حاجة عشان ما اتخنقش منك ........و خللللللللص ( فى نفسه ) طول عمرك ( تتتتتيت ) مصالح
برازيلى ::: تجيبلى مايوه عشان معنديش مايوه ..... و عايز للواد برازيلى الصغير عوامة صغنونه كده
دياب ::: ماشى يا عم الحلو ....... حاجة تانى ؟؟؟
برازيلى ::: ياباشا كلك واجب يا قمر انت ......... ح افكر ايه تانى ناقص و اكلمك ....... ماشى يا روح قلبى .........
دياب ::: ماشى ماشى ( فى سره ) و غلواتك عندى لعلمك الادب ..... بس اشوف وشك فى اسكندرية
برازيلى ::: هما ح يجولى المحل امتى يا باشا ........؟؟؟؟
دياب ::: ح اتصل بيك لما اعرف ....... بس عايزك تكون حويط معاهم اوعى حد فيهم ..... يوقعك فى الكلام ..... ؟؟؟؟
برازيلى ::: عيب عليك ....... ده انا برازيلى برضه
دياب ::: طيب سلام بقى و ح ابقى اتصل بيك لو جد اى حاجة .... اوكى
برازيلى ::: اوكى يا باشا ....... سلام

و راح برازيلى و فتح المحل .... و سحب كرسى و قعد قدام المحل يفكر ......... اما حكاية غريبة ..... موتوسيكل صينى يعدلوه و بخلوه يسبق الريس اليابانى ........ سبحان الله .......بس انا لازم احسبها كويس و اشوف انا ح استفيد ايه من القصة دى كلها ....... اسبوع مصيف فى اسكندرية ... ايه يعنى ....... ؟؟؟؟؟ ما الواحد برضه ح يصرف هناك ..... انا لازم احسبها من كل النواحى ....... يعنى مثلا .... لو عرفت ازبط مع العيال بتوع المكن الصنيى دول ..... ممكن استفيد اكتر ....... مش كده ولا ايه يا ابو البرازيل ....... فكر كويس قبل ما تعمل اى حاجة ....... بعدين دياب ده فى اسكندرية و عمره ما ح ييجى مصر يعمل استيكرات عندى ..... و اساسا هوا ما بيعملش استيكرات فى المكنة بتاعته ..... لكن بتوع الصينى دول ......... عيال دفيعة ........ و بيعملوا احلى شغل على المكن ..... كله استيكرات .... و شغل ..... و فلوس
آآآآآآآآه ....... ماهو الواحد لازم يشوف مصلحتة ...... مش عيب .......!!!!!!!

-------------------------------------

الإسكندرية .... فى نفس الوقت ..

-------------------------------------

دياب قاعد مع م / محمد otefa

محمد ::: انت واثق من اللى اسمه برازيلى ده .......؟؟؟؟
دياب ::: ما تقلقش يا محمد انا فاهمه كويس ....... و عارف ادخله منين ....
محمد ::: ده باين عليه بتاع مصلحته قوى ........ عايز اسبوع فى اسكندرية على حسابك .... ههههههههههههه
دياب ::: اسبوع مين يا محمد ......... ده انت غلبان قوى ..... ده انا ح اذله بس اشوفه هنا مشرف فى اسكندرية ... ح ابيته فى الاوضة اللى فوق السطوح ....... لحد ما اخليه يكره اسكندرية و اليوم اللى جه فيه اسكندرية .....
محمد ::: هههههههههههههههههههههه حرام عليك ...... دى اوضه ولعة فى الصيف .... ده ح يتشوى يا عينى . ههههههههههه
دياب ::: سيبك بس من برازيلى ....... ده ..... و قولى ... عملت ايه فى البايك اللى قلت عليه .........؟؟؟؟
محمد ::: يا باشا ولا تشيل هم ....... انا مجهز بايك ....... مافيش حد يقدر يسبقه ....... ده بايك صاروخ ارض ارض
دياب ::: خلى بالك يا محمد ....... لازم يكون البايك ده اسرع من البايك اللى معاهم .......
محمد ::: خليها على الله ..... انا بعد ما كلمت الشباب اللى خسرو فى الرهان مع البايك الصينى ده .... قدرت احدد سرعته القصوى ايه ......... و ايه مميزاته و عيوبه ....... بعدين ده متعدل انه يجرى مسافة معينة بسرعة عالية ..... اكتر من كده ح يتفتت حتت ....... ما تقلقش يا دياب ..... انا دارس الموضوع ده كويس قوى ....... دول لو حاطين فى الموتوسيكل بتاعهم مفاعل نووى مش حيقدروا يكسبوا البايك اللى انا مجهزه ده ........
دياب ::: ربنا يستر .....

و يرن موبايل دياب ......... !!!!