-
بعد ما خرجو من المستشفي اشار عليهم دياب بالذهاب اللي احد عربيات الفول للفطار والأجتماع بعدها علي القهوه
وهما مشيين نحية الجراج فجأه
شنوري وفي فمه برتقاله
شنوري : احنا العيال البيئه الطحن في اي حته تلاقينا علي عربية فول بطحينه
ويمد مزيكا اديه في كيس الموز : و علي قهوه بلدي تشد نفس تخميسه
وفجأه يسقط الجميع ارضأ من الضحك الا واحد بس برازيلي كان مستخسر يضحك عشان يوفر طاقه
... وبعد ما انتها الموقف كل واحد ركب بايكو وسيارتو واتجهو ناحية عربية الفول
وهناك الحديث كان كده
-
..................
===================
الإســـــــــــكندرية .......... من أمام عربية الفول
===================
محمد دولفين ::: يا ترى برازيلى ح يعمل ايه مع الزعيم النهاردة الضهر يا ديبو ......... ؟؟؟؟
دياب ::: مش عارف ربنا يستر ........... !!!!
شنورى ::: إيــــــــــــــــــه هو برازيلى ح يقابل الزعيم لوحده ..........
دياب ::: ايـــــــوه
شنورى ::: يبقى عليه العوض ........ برازيلى ده ح يبيعك يا دياب فى اول محطة ........ انت مش عارفه ولا ايه ....
دياب ::: انا عارفه طبعا .............. بس اعمل ايه .....؟؟؟؟
محمد ::: هو المعاد امتى .......؟؟؟
دياب ::: النهاردة الضهر .....
محمد ::: ده خلاص ما بقاش فى وقت ........ يادوبك 3 ساعات ع الضهر .....
دياب ::: انتو كده خليتونى اقلق ........ ايه العمل ........... طيب .......؟؟؟
شنورى ::: مافيش حل غير انك تروح له فى مصر على طول و تبقى معاه لما يقابل الزعيم .........
دياب ::: انا ممكن اطير بالبايك دلوقتى لمصر ....... بس ح اكون فى المقابلة بصفة ايه ؟؟؟؟؟؟؟؟
شنورى ::: يا سيدى بسيطة ......... قله انك شغال مع برازيلى ....... و خلصت
دياب ::: طيب ح اكلم برازيلى دلوقتى عشان اقوله انى جاى ............
محمد دولفين ::: لا يا كبير ........... لو كلمته ح يعمل عبيط و يوزعك ......... انت تطب عليه احسن .....
شنورى ::: كلام دولفين صحيح يا ديبو ........
دياب ::: خلاص ......... انا ح اطير لمصر حالا ........... سلام و مش ح اوصيك يا محمد على البايك اللى قلتلى عليه ....
محمد ::: ما تشيلش هم يا كبير .......... كله ح يكون تمام إن شاء الله
الجميع ::: توصل بالسلامة ان شاء الله ......... ربنا يستر طريقك
===================
القـــــــــــــــاهرة ......... قبل الضهر بساعة
===================
برازيلى هربان من الحر ......... و قاعد فى اخر المحل ......... و مشغل المراوح كلها عليه .........
برازيلى ::: يا فتاح يا عليم ........ يا رزاق يا كريم ........ ايه الحر ده ......... الحر مخلاش زبون يخشلى من الصبح ....... كله لابد فى العربية و مشغل التكييف ......... يا إما قاعد فى البيت و مديها الطراوة ....... ابعت ياللى بتبعت ....... ده مافيش حد حتى قالى هات معطر ....... ولا حتى أفيـــــــــــــز
و فجأة سمع صوت موتوسيكل عالى عمال يقرب من المحل ..........
برازيلى ::: اهى ابتدت تندع اهه........ يا مسهل يا رب ......... قوم يا غزال شوف الزبون الجاى ده .... و عايزك تزبطه .... ما تخليهوش يمشى من غير ما يعمل شغل ..... حتى لو كان جاى يسأل على عنوان ....... لازم تشبطه فى اى شغل ....... فاهم
غزال ::: حاضر يا هندسة ........ بس و النبى عايز اشرب ميه ساقعة ... من المبرد اللى فى المحل ....... ابوس ايدك .... حموووووووت ....
برازيلى ::: مية ساقعة ايه ......... انت اتجننت ....... ناقص تقولى عايز اشرب كولا و لا كانز كمان ........ ماهى خلاص زاطت ....... قوم فز شوف الزبون ......... بسرعة
غزال ::: حااااااااااااااضر .......... ( فى سره ) كان يوم اغبر يوم ما اشتغلت معاك
يدخل عزال مسرعا الى المحل و يقول لبرازيلى .....
غزال ::: الحق يا هندسة ......... موتوسيكل جااااااااااااااامد فحت ........ جاى بيركن جنب المحل ........ !!!!!!!
برازيلى ::: ياااااااااااااااااافرج الله ...............
برازيلى يقوم من ع المكتب و يسبسب شعره بسرعة ..... و يمسك فوطة من المحل و يلمع الجزمة ع السريع ..... و يلاقى واحد داخل عليه ....... لابس خوذة و سيفتى كامل ......... اسود × اسود ..... و بعدين يرفع الخوذه من على راسه حبه حبة ..... و كل ما يرفع الخوذه ابتسامة برازيلى تعرض أكتر واكتر ......... لحد ما الراجل شال الخوذه كلها ........ برازيلى ساعتها .......كان ح يغمى عليه .........
http://www.nileup.com//uploads/image...511bc049c9.jpg
.......................................
-
ههههههههههههههههههههههههه ههههههههههههههه
-
...........................
برازيلى ::: د د د د د دياااااااااااااااب ....!!!!!!!!!
دياب ::: ازيك يا برازيليانووووو ........ مال وشك اصفر كده ليه ؟؟؟؟؟؟؟؟
برازيلى ::: ولا اصفر ولا حاجة .......... حمد لله ع السلامة يا كبير ...... تعال اتفضل ....... اتفضل .......!!!!
دياب ::: قبل اى حاجة ابعت هاتلى ......... حاجة ساقعة ........ بسرعة ......... ولا اقولك خليها كانز .......
برازيلى ::: حاجة ساقعة ايه بس ....... انت جسمك لسه سخن ....... اقعد تحت المروحة كده ........ لحد ما جسمك يبرد شوية
دياب ::: ح تبعت تجيب حاجة ساقعة و لا اروح انا اجيب ........؟؟؟؟
برازيلى ::: ياباشا ....... حاضر .... حاضر ....... ح ابعت اجيب أهه ( فى سره ) اليوم ده شكله جاى علينا بخسارة من اوله ....!!!!
دياب ::: طيب خلص بقى ....... ح اموت من الحر يا اخى ..........
برازيلى ::: حاضر ......... يا غزال ..... روح هات حاجة ساقعة للباشا بسرعة ..... ( يميل برازيلى على ودن غزال و يهمس ) غيب شوية و لما تيجى قول ما لقيتش حد عنده حاجة ساقعة ........ فاهم ..........!!!!
دياب ::: فى حاجة يا برازيلى ........؟؟؟
برازيلى ::: ابدا يا باشا ......... يا الف خطوة عزيزة ......... دى مصر كلها نورت يا باشا ........ خير بقى ايه اللى جابك دلوقتى .......؟؟؟؟
دياب ::: ههههههههههههه ابدا يا بوب ........ انا قلت اجى ازور حبيبى برازيلى ....... فيها حاجة دى ؟؟؟؟؟؟؟؟؟
برازيلى ::: يا سلام ........ شوف ازاى ...؟؟؟؟ اصل انا مستغرب يعنى ..... جاى من غير ما تدينى تليفون ....... و فى عز الولعة دى .....!!!! اكيد فى حاجة ........ مش كده ولا ايه ؟؟؟؟
دياب ::: طول عمرك نبيه يا بوب ........ بص بقى ..... انا بصراحة قلقت عليك انك تكون لوحدك لما تقابل الزعيم ....... قلت اجى ابقى جنبك و اطمن عليك ........ ده انت حبيبى يا بووووب
برازيلى ::: فيك الخير و الله يا كبير ....... ( فى سره ) ده انت طلعت مصيبة وانا اللى فاكرك غلبان .... ماشى ..... ماشى .... !!!!
دياب ::: المهم ........ طمنى عليك ....... اخبارك ايه و اخبار الشغل معاك ايه .......؟؟؟
برازيلى ::: الشغل نايم ..... نااااااااايم بقاله كام يوم كده .......
دياب ::: ههههههههههههههه يا راجل قول الحمد لله
برازيلى ::: الحمد لله الذى لا يحمد على مكروه سواه
دياب ::: هههههههههههههههههههه مالكش حل يا برازيلى ....... ( فى سره ) طول عمرك عيل ( ............. )
برازيلى ::: طيب و ح اتقابل الزعيم بصفتك ايه يا كبير ........؟؟؟؟
دياب ::: مش فارقة ......... قوله اي حاجة
برازيلى ::: لا طبعا تفرق يا كبير ..... يعنى مثلا لو قلت له انك صنايعى معايا فى المحل و طلب منك الزعيم انك تلزقله استيكر ع المكنة بتاعته و معرفتش ....... يبقى ح نتكشف .......... !!!!
دياب ::: طيب ايه الحل يا بوب ........؟؟؟؟
برازيلى ::: انت ليك فى الجرافيك يا ديبو ..........؟؟؟؟
دياب ::: طبعا لأ ........ انا بعرف كمبيوتر ..... كويس ........ بس الجرافيك ده ماليش فيه .......
برازيلى ::: خسارة كنت قعدت ع الكمبيوتر ...... و قلتهم انك شغال ع الكميوتر و بتعمل استيكرات .....
دياب ::: طب و الحل ايه يا عبقرى ......... ؟؟؟؟ ( فى نفسه ) عمال بتقفلها ليه فى وشى بس يا برازيلى الـ ...........
برازيلى ::: مش عارف شوف انت بقى ؟؟؟؟؟
دياب ::: خلاص ........ لقيتها ........ قولهم انى شريكك فى المحل ....... بسيطة دى بقى ....... !!!!
برازيلى ::: نعم يا حبيبى ....... شريكى ده ايه ........ فال الله ولا فالك ........ ليه كده بس بتقولها فى وشى يا ديبو .........
دياب ::: إيييييييييييه يا عممممممممم انت ....... !!!!! انت تطول ابقى شريكك ............. انت عبيط ولا ايه يا برازيلى ؟؟؟؟
برازيلى ::: مش القصد يا كبير ....... بس انت عارف انا ما بحبش الكلمة دى .....!!!!
دياب ::: ههههههههههه انا عارف .......!!!!!!!! دى حكاية الخزوووووق اللى اديته لشريكك و تطفيشك ليه من المحل الناس كلها عارفاها هههههههه
برازيلى ::: لأ ..... بقولك ايه ......... دى اشاعات مغرضة ......... هو اللى مطلعها عليا ........ ده انا لولا انى طلعته من المحل كان خرب بيت ام المحل على صحابه ..........
دياب ::: ايوه ....... ايوه ........ واخد بالى ....... ( فى سره ) ده انت خليت الراجل يمشى فى الشوارع يكلم نفسه ههههههههههههه
برازيلى ::: سيبك بقى من الكلام ده ........ خلينا فى المفيد ........ احسن الزعيم قرب ييجى ......... !!!!!!!!
دياب ::: طيب قول يا عبقرينو ايه الحل ...........؟؟؟؟
برازيلى ::: ( و هو بيرجع لورا بعيد عن دياب ) مافيش بقى غير اننا نقول انك شغال هنا صبى ......... ايه رايك يا كبير ؟؟؟؟؟
دياب ::: ايهههههههههههههههه صصصصصصصصصصصصصبى ........... انت اهبل يا ( ..................... )
برازيلى ::: ماهو مافيش حل غير كده ......... يا كبير ....... اعملك ايه ....... !!!!!؟؟؟؟
دياب ::: بلا كبير بلا ( ............. ) ..... ده لاااااااااااااا يمكن ابدا ....... انت نسيت انا مين ياد انت ......... ؟؟؟؟؟؟؟؟
برازيلى ::: ما نسيتش ولا حاجة يا باشا .......... انت باشا و طول عمرك باشا ......... بس انا مش شايف حل تانى ..... !!!! لو انت شايف حل تانى قولى عليه ......... بعدين دى كلها ساعتين زمن و يخلص الموضوع ......... ها قلت ايه .... ؟؟؟؟
دياب قعد يفكر مع نفسه شوية و فهم ان برازيلى عمال يعقد له الامور كلها عشان يخليه يمشى و يرجع اسكندرية تانى .........
دياب ::: خلاص انا موافق يا برازيلى ........ صبى ..... صبى ........ ايه يعنى ....... بس لو عارف الكلام ده وصل لاى حد اعرفه ........ انا مش ح اقولك انا ح اعمل فيك ايه ......... من الاخر ......... بجد بجد يا برازيلى ....... انا ح اقفلك المخروب اللى انت فاتحه ده ...... و انت عارف انى قد كلامى ....... فااااااااااااااااااااااهم ولا اقووووووووول تاااااااااااااانى .....؟؟؟؟
برازيلى ::: عيب عليك ......... ده انا برازيلى حبيبك برضه .........
دياب ::: خلاص ....... شوف بقى ح نزبط الموضوع ده ازاى .........؟؟؟؟
برازيلى ::: اول حاجة ندارى البايك بتاعك ده ....... احسن لو الزعيم شافه ..... ح نتفقس وقتى ........ روح اركنه فى الجراج اللى قدام المحل ده و داريه عن العيون .......... و ما تقلقش عليه ..... الناس بتوع الجراج دول حبايبى ........
دياب ::: خلاص انا ح اروح اوديه هناك و اقولهم انى تبعك .......
برازيلى ::: تبع مين يا عم ........ انا ماليش دعوة ........ احسن دى مسئولية .......
دياب ::: هههههههههههههههههههه ما تقلقش يا برازيلى ........ ح ادفع لهم يوم كامل و بزيادة كمان ......... اطمن ...ههههههههههههههه
برازيلى ::: ههههههههههههه طول عمرى بقول عليك نبيه يا واد يا جن انت ........
دياب ::: بلاش سيرة الجن دى ........ اوعى تقول الكلام ده قدام الزعيم ........ احسن تبوظ كل حاجة ........ !!!!!!!!!
برازيلى ::: يا باشا انا بهزر معاك بس ........ ما تشيلش هم انت و خليها على الله
دياب ::: و نعم بالله ......... اروح انا اودى البايك هناك و ارجعلك بسرعة ..........
برازيلى ::: ماشى يا كبير ..... ( فى سره ) و حياة امى لعلمك الادب يا دياب الـ ................ بس صبرك عليا
و يرجع دياب من الجراج ....... و يلاقى غزال قاعد و مافيش اى حاجة ساقعة فى المحل .......
دياب ::: ايه يا غزال .......... فين الحاجة الساقعة ...........؟؟؟؟ انت برازيلى موصيك عليا ولا ايه يا غزال ؟؟؟؟؟؟؟؟
غزال ::: مش لاقى حاجة ساقعة خالص يا باشا ......... خلصت كلها بسبب الحر ده .......
دياب ::: ايه يا برازيلى ........... حرام عليك ح اموت من العطش يا اخى ........ ارحم اهلى بقى ....... !!!!!!!
برازيلى ::: يا باشا ......... طب انا اعمل ايه بس ؟؟؟؟؟ ........ الناس شفطت كل الحاجة الساقعة من السوق ........ اروح اجيبلك من الشركة يعنى ..... ؟؟؟؟؟؟؟؟
دياب ::: خلاص يا سيدى ....... روح هاتلى شاى من الهقوة اللى جنبك دى .....
برازيلى ::: شاى ايه بس فى الحر ده يا كبير ؟؟؟؟؟
دياب ::: روح يا ( ........... ) هاااااااااتلى شاااااااااى ......... احسن كده انا ح اتعصب عليك بجد ....!!!!
برازيلى ::: خلاص ..... خلاص ..... روق انت بس يا باشا .......... روح يا غزال ..... هات للباشا شاى بالنعناع من القهوة بسرعة ......
غزال ::: حااااااااضر يا هندسة .... ( فى سره ) هههههههههه شاى بالنعناع ..... ده السيم بتاعه مع صاحب القهوة ..... يعنى نفض للزبون ....... ده الباشا ده غلبان قوى .......... هو مش عارف انه لو مشى على شعر راسه مش ح يشرب عندنا حاجة غير المية ....... اللى نفسى فيها من بدرى ...!!!!
برازيلى ::: انا ح اروح البيت يا باشا ......... و جاى بسرعة ........
دياب ::: خير ........ ح توصيهم يعملوا الغدا ..........؟؟؟؟
برازيلى ::: هههههههههههههههههههه غدا ايه يا باشا ....... احنا اتغدينا من بدرى ......... !!!!!!!!!
دياب ::: من بدرى ..... ليه هى الساعة كام دلوقتى .......؟؟؟؟ مش مهم ....... انت رايح البيت ليه .......؟؟؟؟
برازيلى ::: انا رايح اجيبلك هدمة من بتوعى تلبسها ........
دياب ::: ليه ........؟؟؟؟ هو انا جاى عريان ولا ايه ؟؟؟؟؟
برازيلى ::: لا يا باشا العفو .......... بس انت الهدوم اللى انت لابسها دى ....... لا مؤاخدة ..... لو حد شافك بيها ....... ح يفكر ان انت صاحب المحل وانا اللى شغال صبى عندك .........!!!!!!!!
دياب ::: هههههههههههههههههه هههههههههههههه طيب لازم الموضوع ده ......... ؟؟؟
برازيلى ::: طبعا لازم .......... مش لازم تسبك الدور ..........
دياب ::: طيب خلص و بسرعة ......... ما تتأخرش عليا .......
برازيلى ::: فررررررررريرة يا باشا ........ ( فى سره ) ههههههههههههه ده انا ح ابهدلك يا كبير ....... بس استنى عليا ....... هههههههههههههه
برازيلى رجع من البيت و معاك شنطة سودة و ابتسامة خبيثة مالية وشه
برازيلى ::: اتفضل يا باشا ......... هدوم الشغل ..
دياب ::: ( يفتح الشنطة و يشوف اللى فيها و عينه بقت بتطق شرار ) ايه يا ( ......... ) اللى انت جايبه ده ......... ؟؟؟؟؟
برازيلى ::: ايه بس يا كبير ........ دى احسن حاجة عندى فى البيت ........ ( فى سره ) هههههههههههههههههههههه
دياب ::: انا عايزنى البس الهدوم المعفنة ام سبعة و نص دى ........ ايه ده كمان ؟؟؟؟؟ شبشب بصباع .......... .....؟؟؟؟؟ الله يحرقك يا اخى
برازيلى ::: يا باشا خلص بقى ........ انت ح تعملى فيها ( الايدى الناعمة ) ؟؟؟؟؟
دياب ::: ايه ........؟؟؟؟ بتقول ايه ؟؟؟؟ الايدى الناعمة .........؟؟؟؟ انا ح اعرفك الايدى الناعمة دى ح تعمل فى وشك ايه ..... !!!!؟؟؟؟
برازيلى طلع يجرى برة المحل ........ و دياب وراه ............... و طلع من جيبه ( اليكتريك ) تككككك تككككككككككك تكككككككككككككك
برازيلى ::: خلاص و الله يا باشا ......... مش قصدى .............!!!!!!!!!
دياب ::: و حياة ( ........... ) ما انا سايبك .............!!!! بقالك ساعة بتذل فيا و انا ساكتلك .......
برازيلى ::: يا باشا ....... عيب كده ........ الناس بتبص علينا ....... كده برستيج المحل ....... ضاع ..........
دياب ::: يخرب بيت المحل اللى انت فالقنا بيه على اصحابه ....... برستيج محل ايه يا ابو محل ........... و الله ما انا سايبك ..!!!!!!!!
برازيلى ::: يا باشا عشان خاطرى .......... ده اكل عيشى برضه ........ سماح النوبة ........ عشان خاطرى خلاص بقى ........
برازيلى فضل يجرى لحد ما لقى ست تخينة ماشية ....... جرى استخبى وراها ..........
برازيلى ::: يا حاجة ......... و النبى ....... حوشى الراجل ده ..... عايزيكهربنى يا حاجة .........
الست ::: بطل هبل يا جدع انت و هو ....... و النبى لو ما بعدتو عنى لصوت و الم عليكم الشارع كله ........!!!!!!!
دياب ::: ماشى يا برازيلى ........ بتستخبى و را الستات ......!!!!!!!
الست شافت الالكتريك فى ايد دياب ..... قامت راقعة بالصوت ........
الست ::: ياااااااااااااااالااااااا اااااااااااااااااااهوى ........... الحقوووووووووووونى يا عاااااااااااااااااااااااا االم
طبعا عينك ما تشوف الا النور .......... الناس اتلمت فى ثوانى ..... كانهم طلعوا من تحت الارض ....... و دياب لما شاف المضوع بقه كده .... لم الدور ..... و حط الالكتريك فى جيبه .....
الناس ::: فى ايه يا برازيلى ..... ؟؟؟؟؟؟؟؟؟
برازيلى ::: مافيش حاجة يا جماعة ....... الراجل كان بيهزر معايا بس و الست دى افتكرته بيتكلم جد ....... حصل خير ..... كل واحد يروح يشوف حاله ........ خلاص ..... الفيلم خلص على كده ..... خلاص يا ابو رانيا ...... مشى الناس دى عشان مش عايزين سياحة هنا و النبى ........!!
ابو رانيا ::: خلاص يا رجالة ........ الهندسة ... قال ما فيش حاجة ..... يعنى مفيش حاجة ....... كله يشوف مصلحته و يتكل على الله ... يلا بيتك بيتك ........ و انتى يا ست انتى ........ شوفى انتى كنتى رايحة فين ....... ده الهندسة ده راجل محترم ......... و صاحبه شكله ابن ناس ..... مش عايز اكرر كلامى تانى .............. !!!!!
طبعا ابو رانيا ده .......... كبير المنطقة ........و كلامه مسموع ......... الناس زى ما جت بسرعة ....... اتفركشت بسرعة ....... و دياب و برازيلى رجعو المحل تانى ..........
برازيلى ::: ايه بس يا باشا اللى انت عملته ده ........ تجرى ورايا بالالكتريك ده ..........!!!!!!!
دياب ::: خلاص يا برازيلى ....... اسكت بقى عشان انا روحى فى مناخيرى .........
برازيلى ::: طيب قولى بس انت جايب البتاع ده الالكتريك معاك ليه .......؟؟؟؟
دياب ::: مش لازم أأمن نفسى ......... احنا مش عارفين الزعيم ده ظروفه ايه ...!!!!!!!!
برازيلى ::: جدع يا ديبو ..... يلا بقى صلى ع النبى و روق كده .......
دياب ::: عليه الصلاة و السلام ....... اللهم اخزيك يا شيطان ..... انا مش عارف عملت كده ليه يا برازيلى ..... بس انت زودتها شويتين معايا يا برازيلى
برازيلى ::: يا باشا ....... ولا زودتها و لا حاجة ....... هههههههههههههههههه بس شفت انا جدع ازاى ....... دى الناس كانت ح تفرمك فرم .... لولا ان انا حشت عنك و هديت الموضوع ....... ههههههه عشان تعرف اننا جدعان قوى .....
دياب ::: بص يا برازيلى ..... لا انت ولا ابو رانيا ده ..... و لا كل منطقتك تعرفوا تعملوا حاجة معايا ........ فاهم ....... انا لو علمت اتصال واحد بس ح اخلى المنطقة دى كلها تنام من المغرب ........... تحب تشوف ........!!!!؟؟؟؟
برازيلى ::: يا باشا انا بهزر معاك ....... ده انت حبيبى .... ده اللى يرشك بالمية اروشه بالدم .......( فى نفسه ) هههههههههه قال يخليها تنام من المغرب قال ......... ده انت هنا على الشارع الرئيسى ....... ده في جووووووووه فى الحوارى بلاااااااااوى يا عم الحاج ........ احب انا الناس الهتاشة دى ههههه
المهم ........ دياب .... اضطر يلبس الهدوم اللى جايبها برازيلى ......... ههههههههههههه و بقى اسمه من هنا و رايح الواد ديبـــو هههههههههه
http://www.nileup.com//uploads/image...82332c93f4.jpg
.....................
و فى إنتطااااااااااااار الزعيم
-
..................
بعد مرور ساعة
..................
دياب و برازيلى ........ قاعدين فى المحل ....... دخل عليهم واحد راكب موتوسيكل صينى عادى ........ و معاه شنطة سودة ........
بيبسى ::: سامو عليكم ....
دياب و برازيلى ::: و عليكم السلام و رحمة الله و بركاته .....
برازيلى ::: أأمر يا جميل .....
بيبسى ::: الامر لله ........ يا هندسة ......... انا جاى من طرف ( حمادة الجن )
برازيلى ::: اهلا ....... اهلا ........ اتفضل يا مريسة ........ مش انت اللى كلمتنى امبارح بخصوص اللوجو اللى عايز تعمله على المكنة بتاعتك ؟؟؟
بيبسى ::: لا مش انا اللى كلمتك ......... بس انا تبعه برضه ..... احنا الاتنين واحد يا مريسة
برازيلى ::: طيب قول ....... طلباتك ايه بالنسبة للوجو ........ ؟؟؟؟
بيبسى ::: ربعاية كده يا مريسة و اخلى الزعيم يكلمك ..........
برازيلى و دياب ....... بيبصوا لبعض باستغراب و مش فاهمين حاجة ......... و فجأة بيبسى فتح الشنطة اللى شايلها و طلع منها لاب توب احدث موديل ......... و شغله و شغل الكاميرا اللى فيه ........ و خلى شاشته فى وش شاشة كمبيوتر برازيلى ........ !!!!!!!
بيبسى ::: كده الزعيم معاك اهوه ........
برازيلى ::: معايا فين ان شاء الله ........ ؟؟؟؟
و فجأة سمعوا صوت الزعيم جاى من سماعات اللاب توب ........
الزعيم ::: ازيك يا برازيلى ........ اخبارك ايه يا فنان
برازيلى قعد يدرو على الصوت طالع منين لحد ما شاف فى الشاشة صورة برنامج الياهو ماسنجر مفتوح و فيه نافذه حوار جواها صورة جمجمة
برازيلى ::: ازيك يا جميل ............. ايه التكنولوجيا دى كلها ....... ههههههههههههه
الزعيم ::: معلش اصلى انشغلت بموضوع كده و محبيتش انى أأجل المعاد اللى كان بينا .....
برازيلى ::: كلك ذوق و مفهومية يا برنس ....... أأمرنى يا جميل ........
الزعيم ::: شوف يا عسلية ......... احنا عايزين لوجو كده يكون حاجة ما تعملتش قبل كده ....... يعنى فيه جماجم و بتهاجم ....... و حركات من دى يعنى ........ انت ابو المفهومية طبعا .........
برازيلى ::: عســــــــلية .........!!!!!!!!! حاضر يا سيدى انا ح ازبطلك اللى انت عايزه ........ ح تيجى امتى بقى تانى تشوف اللوجو اللى ح اعمله
الزعيم ::: لا يا برنس ..... احنا مش فاضيين ..... انت ح تشتغل قدامى و انا ح اشوفك من اللاب توب ده ..... و نعدل زى ما احنا عايزين ....
برازيلى ::: ماشى يا زعيم اللى انت عايزه ح اعمله ........ بس الاول نتفق يا جميل .....
الزعيم ::: يا باشا سيبك من الكلام ده ......... احنا اخر حاجة بنتكلم فيها الفلوس ....... اشتغل انت بس و خلص .....
برازيلى ::: معلش يا زعيم ....... عشان ابقى شغال عارف الدنيا فيها ايه ........؟؟؟؟ و لا ايه ؟؟؟؟
الزعيم ::: طلباتك يا عسلية ..........
برازيلى ::: بص يا سيدى ........ عايز لوجو حكاية من غير كروتة ح يكلفك 500 جند ......... يمشى الكلام ؟؟؟؟
الزعيم ::: اييييييييييييييييييه 500 جند .......... ليه يا عم الحاج .....؟؟؟؟ انت شايفنا راكبين مكن يابانى ولا ايه ....... الكلام ده تقوله لاى حد تانى ... ده انا اجيب اى حد يعملى اللوجو ده ...... و ببلاش كمان ....... في ايه يا عم الحاج ........؟؟؟؟؟
برازيلى ::: و الله ده اللى عندى ....... يمشى معاك ....... ؟؟؟؟
الزعيم ::: لا يا كتكوت ....... ما يمشيش ..... و مش عايزين لوجو ......... متشكرين ....... ولا يا بيبسى ......... !!!!
بيبسى ::: قول يا مريسة ..........
الزعيم ::: لم العدة اللى معاك و روح ........ فاهم
بيبسى ::: حاضر يا مريسة
دياب قاعد و سامع كل حاجة ....... و حس ان برازيلى بيطفش الزبون ....... فقال لازم اتصرف قبل ما برازيلى يبوظ كل حاجة عشان الفلوس
دياب ::: يا هندسة ......... فى ناس برة المحل عاوزينك ........
برازيلى ::: حاضريا واد يا ديبو ........ انا جاى اهه ........
خرج برازيلى مع دياب برة المحل .......و دياب خده على جنب و قاله ..........
دياب ::: انت ايه يا جدع انت .......... كده ح تبوظ الموضوع كله .........!!!!
برازيلى ::: يا باشا ما الموضوع بايظ اساسا ........ ده الزعيم طلع ( بيل جيتس ) و بيكلمنا من الياهووووو ....... ده مش سهل يا ديبو ..... و انا بصراحة كده ....... طالما الموضوع طلع فشنك ........ يبقى اطلع بمصلحتى يا اما بلاها القصة دى كلها ............
دياب ::: تقوم تقوله 500 جنيه .......... يا راجل ........ قول عشرة عشرين خمسين ....... لكن 500 جنيه مرة واحدة ....؟؟؟؟
برازيلى ::: بص يا باشا ده شغلى و انا ادرى بيه ........ ليه هو انا ح اشتغل ببلاش و لا ايه ..... ده فكر عالى يا باشا ..... فاتح ببيع جرجير انا هنا و لا ايه ؟؟؟؟؟؟؟
دياب ::: يعنى ايه يا برازيلى ......... كده الموضوع ح يبوظ ؟؟؟؟
برازيلى ::: ماليش فيه ..... الشغل شغل يا باشا ........ !!!!
دياب ::: طيب و الحل ....... مافيش امل انك تعمله تخفيض ........
برازيلى ::: انسى يا كبير ........ بعدين الناس دى انا عارفها ح يتعبوا قلبى على بال ما اعمل لهم لوجو يعجبهم ..... ده لو فهموه اساسا .....
دياب هنا عرف ان برازيلى حطه فى خانة اليك ......... و استسلم اخيرا ...........
دياب ::: خلاص قلهم خمسين جنيه و الفرق انا ح ادفعه .......... و امرى لله
برازيلى ::: ايدك ...........!!!!
دياب ::: طيب لما تخلص الشغل ..........
برازيلى ::: هههههههههه لما اخلص .......... يا دلوقتى يا اما يفتح الله .........
دياب ::: ( طلع 450 جنيه ) خد ........ حار و نار فى جتتك ..... يلا خش اتنيل اعملهم اللى هما عايزينه .......
برازيلى ::: بس كده .......... انت تأمر يا عســـــــــــلية ......
دياب ::: عسلية فى ............... عينك ( فى سره ) انا تقلبنى فى 450 جنيه يا برازيلى و تشغلنى صبى عندك كمان ..... ح اتشل يا عالم ..... مش مهم الصبر حلو ........ !!!!!!!!
دخل برازيلى و اقنع بيبسى انه ح يعمله خصم و ح يدفعه 50 جنيه عشان هما اول مرة ييجوا يعملوا شغل عنده فى المحل
و دياب واقف يا عينى متبهدل .......... و عينه ح تطق شرار من الغيظ .........
المهم ....... الزعيم عجبه اللوجو اللى عمله برازيلى ....... و قفل بيبسى اللاب توب و روح .........
دياب ::: سلام بقى يا برازيلى ....... عشان انا ح اغير هدومى فى الجراج و اطير ورا الواد ده و اشوفه رايح فين .....
برازيلى ::: ماشى يا كبير ....... بس خلى بالك من نفسك ......... و ابقى طمنى عليك
دياب ::: خليها على الله يا برازيلى ........ سلام
برازيلى ::: سلام
طار دياب بالبايك بتاعه ورا بيبسى ........ من غير ما ياخد باله ان دياب بيراقبه
و وقف برازيلى قدام المحل و كله انشراح ....... و طلع الـ 500 جنيه من جيبه و باسهم .... و حطهم تانى فى جيبه .....
برازيلى ::: الحمد لله ........... دياب نسيى الشــــــــــــــــاى !!!!!!!!!!!
http://www.nileup.com//uploads/image...56118b2139.jpg
-
الموضوع جااااااااااااااااامد
اللة عليكم يا رجالة
-
ده تقطيع على الهادي
جو أهيد
أروح فيكم فين يابرازيلي باشا
قال وبعتلي دعوة أشارك في الموضوع
لا يعم يفتح الله أنا كبيري أتابع ههههههههههههههههه
تحياتي للجميع
-
ليه بس يا هندسة .. انت شكلك مش هتجيب المكنة اللى فيها الاختراع اللى قولت لدياب عليها ههههههههههههههههههههه
-
-
يا ولاد الذينا
أنا ما صدقت اطلع من الموضوع
تصحونى وانا ميت
أجيب منين افكار تانى؟؟
وانتا ياعم برازيليانو
أيه الرغى ده كله؟
تكونش فاكر نفسك أسامه أنور عكاشه؟؟
هههههههههههههههه
Content Relevant URLs by
vBSEO 3.6.0 PL2