يا جماعه العربيه بتنتش مني وانا ماشي على الثالث والرابع يا ريت حد يقولي ده ممكن يكون سببه ايه.
العربيه 128 وانا فولت امبارح بنزين 80
عرض للطباعة
يا جماعه العربيه بتنتش مني وانا ماشي على الثالث والرابع يا ريت حد يقولي ده ممكن يكون سببه ايه.
العربيه 128 وانا فولت امبارح بنزين 80
اما ان البنزين مغشوش او ان طلمبة البنزين فقدت قدرتها الكاملة
تقبل تحياتى
أكيد البنزينة إللي أنت فولت منها مش نضيفة و بنزينها مش نضيف خالص يا إما البنزين مغشوش بكحول مثلاً.
أنا حصل نفس الموضوع معايا من حوالي أسبوعين، فولت 80 و ركنت، تاني يوم العربية دارت بالعافية و فضلت تقطع و قعدت تطلع هباب أسود من الشكمان على دخان أسود خفيف، و طول ما أنا ماشي فضلت تنتش بطريقة تغيظ و على أي سرعة، روحت واخدها و أنا راجع على الدائري و حرقت على كل الغيارات (لحد 4000rpm) من الثاني للخامس (طبعًا أنا كنت معدي سرعة 90 بكتير) مسافة حوالي 20 كيلو كده و انتهت المشكلة، و من ساعتها ما روحتش البنزينة دي تاني و لا قربت ناحيتها، و العربية الحمد لله تمام التمام.
جرب تاخد العربية في طريق مفتوح و يكون فاضي تمامًا (الساعة 5 أو 6 الصبح بدري) و دوس على العربية جامد هتطرد أي وساخة فيها و هتلاقي كل حاجة تمام. و غير البنزينة دي كمان.
و ياريت تقول لنا عملت إيه عشان نستفيد من تجربتك.
ممكن اقولكم على الحل وده فى راى المتواضع
روح لااى حد بتاع كوتش وفك افلتر البنزين وبعد كده خليى ينظفلك الخرطوم الى جى من تانك البنزين عشان ده كده مليان وساخة من بنزين ال 80 بس خلى بالك لازم تفتح غطى تانك البنزين عشان العربية متنفجرش