الموضوع: العربيه بتنتش جامد

دي غالبا البوجيهات , أكشف عليها عند الميكانيكي الاول لو سليمة ممكن يكشف لك على الكاربيراتير

بص على سلوك البوجيهات ممكن تكون مقطوعه

انا بصيت على البوجيهات والسلوك ومافيش حاجه

أكيد البنزينة إللي أنت فولت منها مش نضيفة و بنزينها مش نضيف خالص يا إما البنزين مغشوش بكحول مثلاً.
أنا حصل نفس الموضوع معايا من حوالي أسبوعين، فولت 80 و ركنت، تاني يوم العربية دارت بالعافية و فضلت تقطع و قعدت تطلع هباب أسود من الشكمان على دخان أسود خفيف، و طول ما أنا ماشي فضلت تنتش بطريقة تغيظ و على أي سرعة، روحت واخدها و أنا راجع على الدائري و حرقت على كل الغيارات (لحد 4000rpm) من الثاني للخامس (طبعًا أنا كنت معدي سرعة 90 بكتير) مسافة حوالي 20 كيلو كده و انتهت المشكلة، و من ساعتها ما روحتش البنزينة دي تاني و لا قربت ناحيتها، و العربية الحمد لله تمام التمام.
جرب تاخد العربية في طريق مفتوح و يكون فاضي تمامًا (الساعة 5 أو 6 الصبح بدري) و دوس على العربية جامد هتطرد أي وساخة فيها و هتلاقي كل حاجة تمام. و غير البنزينة دي كمان.
و ياريت تقول لنا عملت إيه عشان نستفيد من تجربتك.

المشاركة الأصلية كتبت بواسطة zika9909

أكيد البنزينة إللي أنت فولت منها مش نضيفة و بنزينها مش نضيف خالص يا إما البنزين مغشوش بكحول مثلاً.
أنا حصل نفس الموضوع معايا من حوالي أسبوعين، فولت 80 و ركنت، تاني يوم العربية دارت بالعافية و فضلت تقطع و قعدت تطلع هباب أسود من الشكمان على دخان أسود خفيف، و طول ما أنا ماشي فضلت تنتش بطريقة تغيظ و على أي سرعة، روحت واخدها و أنا راجع على الدائري و حرقت على كل الغيارات (لحد 4000rpm) من الثاني للخامس (طبعًا أنا كنت معدي سرعة 90 بكتير) مسافة حوالي 20 كيلو كده و انتهت المشكلة، و من ساعتها ما روحتش البنزينة دي تاني و لا قربت ناحيتها، و العربية الحمد لله تمام التمام.
جرب تاخد العربية في طريق مفتوح و يكون فاضي تمامًا (الساعة 5 أو 6 الصبح بدري) و دوس على العربية جامد هتطرد أي وساخة فيها و هتلاقي كل حاجة تمام. و غير البنزينة دي كمان.
و ياريت تقول لنا عملت إيه عشان نستفيد من تجربتك.

يا باشا انا برضه بشك فى موضوع البنزين.
بص يا سيدي انا ساكن فى الشيخ زايد وشغلي فى المعادي والنهارده طول ما انا رايح الشغل الصبح بحرق على الغيارات ( يعني تقريبا باوصل لحد 100 كم على الثالث) بعد ما احرق شويه العربيه تمشي كويس لفتره وبعد كده ترجع تنتش تاني.
على العموم هو التنك اقرب يفضي. انا هاسيبه لحد ما تقريبا يفضي خالص واروح احط بنزين 90 من بنزينه محترمه واشوف ايه اللي هايحصل واقولك.

البنزين يازعيم
بس ده بيبان علي طول اول ماتمون وتتحرك بشويه يبان علي طول فلو كان كده لازم التنك ينضف

المشاركة الأصلية كتبت بواسطة ameirnabel1977

يا باشا انا برضه بشك فى موضوع البنزين.
بص يا سيدي انا ساكن فى الشيخ زايد وشغلي فى المعادي والنهارده طول ما انا رايح الشغل الصبح بحرق على الغيارات ( يعني تقريبا باوصل لحد 100 كم على الثالث) بعد ما احرق شويه العربيه تمشي كويس لفتره وبعد كده ترجع تنتش تاني.
على العموم هو التنك اقرب يفضي. انا هاسيبه لحد ما تقريبا يفضي خالص واروح احط بنزين 90 من بنزينه محترمه واشوف ايه اللي هايحصل واقولك.

المشكلة في أوكتان البنزين، المشكلة في نضافة البنزين، لو بنزين 95 و مش نضيف العربية هتنتش و تقطع و هتبهدل الدنيا بردو، أنا من رأيي تحط بنزين 80 عادي من بنزينة نضيفة و ماترميش فلوسك في بنزين 90 و مش هيفيدك أوي.

بالمناسبة، البنزينة إللي أنا فولت منها و العربية بقت تنتش بعدها كانت بنزينة "طاقة"، و بصراحة أنا كنت مستنضفهم بس طلعت مقلب و بقيت أفول من بنزينة "التعاون".
ياترى هل البنزينة إللي عملت معاك المشاكل دي "طاقة" بردو ولا إيه؟؟