مشكلة في التكييف والجو حار جدا :(

السلام عليكم ورحمة الله وبركاته

عندي مشكلة كده مش فاهمها ولا عارف أعمل ايه

رحت للصعيدي (ورا محطة بنزين موبيل الطيران - مدينة نصر)

قلت له عاوز أشغل التكييف في العربية (دوجان 96)

فضل يجرب الكبس ساعتين تقريبا وبعدين قاللي تمام وشكرا على كده

أشتغل التكييف معايا لمدة يوم

ما ركبتش العربية يومين جيت أركبها وبقلب جامد بأشغل التكييف لاقيت هواء سخن

قلت لنفسي اكيد هيشتغل دلوقتي ويسقع الدنيا

ولكن لا جديد ...

حد يعرف ايه المشكلة ولا أعمل ايه علشان اعالج الموضوع ده

بالمناسبة ، بعد ما أشتغل التكييف كان صوت المروحة عالي جدا مش عارف ليه برضه :)

ممكن يكون البوابة اللي في التابلوه من الداخل (ودي بتكون مسئولة عن قفل مسار الهواء الساخن لما بتشغل التكييف البارد او العكس يعني قفل مسار الهواء البارد لما بتشغل التكييف الساخن) البوابة دي بتكون مش محكمة الغلق كويس بفعل الزمن وعمر العربية

الحل هنا حاجة من اتنين
يا اما تفك التابلوه وتصلح البوابة دي (بس دي هتاخد وقت وتكلفة)
يا اما تلغي مسار دخول الهواء الساخن (يعني تلغي السخن)
ساعتها هتحس فعلا بتحسن التكييف بشكل غير طبيعي لدرجة انك مش هتصدق اصلا ان التكييف ده في عربيتك من الاول

انا عملت الحوار ده بس عند شركة ديافيا اللي في حدائق القبة (وليهم فرع تاني في الدقي)

wisambasha
1000 شكر
طبيعي انا مش محتاج السخن في حاجة
بعد أذنك ، فين شركة ديافيا في حدائق القبة؟ المكان تفصيلا لو ينفع

ده مكانها بالتفصيل اهو بالنيابة عن وسام باشا :)
30.086532,31.296013 - Google Maps

wisambasha
انا كنت عايز اعرف اسعار مركز ديافيا اية يعنى بيشحنوا بكام وبياخدوا مصنعية كام لانى سمعت عنهم كلام كويس وعايز اروحلهم بس عايز اعرف اخبار اسعارهم اية

انا لسه شاحن التكييف في ديافيا اتكلف 200 جنيه , معاملتهم كويسه جداا و الواضح ان عندهم ضمير, مقدرش احكم علي كفاءه التكيف الا بعد فترة و ساعتها هقولكو ان شاء الله.

السلام عليكم و رحمة الله
انا عندي كورسا 2005 و لو ممكن يكون في نفس الطريقة لتوضيح الصيانة اللازمة لمجموعة السنسور و كيفية المحافظة عليها من التلف لان زي ما انتو طبعا عارفين انها مهمة جدا للعربة و بالاضافة لكدة ثمنها غالي
وشكرا للاهتمام