الموضوع: هل تصليح السياره في اﻷقاليم أفضل؟

المشاركة الأصلية كتبت بواسطة seatlover

مفيش معنى ثابت ل (مدمرة ) و ماحدش بيكتب على عربية للبيع ( كانت عاملة حادثة )

في يا باشا ناس لسه عندهم امانه وبيقولولك تاريخ العربيه كاملاً

وفي ناس تانيه على النقيض اﻵخر تماماً، وأنا باشتري عربيتي رحت شفت عربيه صاحبها كاتب إنها فابريقه جوه وأول ما شفتها لقيت القايم اللي قدام معووج لدرجة إن الزجاج مفارق وبيدخل هواء!!!!!!

المشاركة الأصلية كتبت بواسطة analyzer

بمناسبة هذا الموضوع تذكرت امر حادث

خال صديقى كان مسافر ورجع اشترى عربية من 128 عادة من بورسعيد فابريكه برة وجوة
لا اطيل عليكم : هو واسرته بالكامل فى العربية وفى منزل كوبرى المنصورة اذا بنقل يصدمه من الخلف يتسبب فى سقوطه من على الكوبرى ونقل اخر يصدمه من عند الباب الخلفى .
النتيجه موت زوجته واولاده
وانقسام العربية نصفين ( اه نصيه منفصلين تماما ) وكل نص يشبه علبه الكنز بعد ما يعدى عليها كاوتش العربية .
شاء الاقدار انه يتشافى من الحادث
المهم بقى العربية ايه الى حصلها معارفه من السمكرية والدوكو رجعو العربية تانى بنفس الحاله وباعوها لتاجر دون ان يكتشف التاجر اى حاجه فى العربية

يا ساتر!!!!!!!! العربيه إتقسمت حتتين والتاجر اللي إشتراها ما عرفش؟؟؟

أمال الغلابه اللي زيي اللي ما يفهموش في العربيات يعملوا إيه؟

المشاركة الأصلية كتبت بواسطة hazem_khidr

طب ما الحرفيين مليانه ناس بتعمل شغل برضه محدش يكشفه .

كلامك صحيح، بس اللي حذروني من شراء سيارات اﻷقاليم قالو لي إن في ناس بييجو يبيعو العربيات هنا في مصر عشان السوق في مصر فيه رواج أكثر وعشان هنا مش هاتلاقي حد ممكن يكون عارف العربيه وعارف إنها عملت حادثه جامده مثلاً.

يعني أقصد إن في نسبه غير قليله من سيارات اﻷقاليم اللي بتتباع في سوق السيارات اللي في العاشر بتكون كده، ده الكلام اللي إتقال لي وأنا شخصياً مش متأكد منه.

المشاركة الأصلية كتبت بواسطة hazem_khidr

لا طبعا كلام غلط
لان كل مكان فيه عربيات مخبوطه مش الاقاليم .
انا مثلا لو بشتري عربيه مش باخد عربيه جايه من القاهره عن نفسي
ليه بقي
عربيات كتير جدا لازم تلقي اجنابها ضايعه من الخبطات و الحكات من الركنه و الزحمه
لو مانيوال حتبقي دواسه الدبرياج تعبانه من كتر لدوس علي الدبرياج في الزحمه.
عامله كيلو متر كبير بحكم ان المشاوير في القاهره اكبر بكتير من اي مدينه متوسطه المساحه.\

كلامك سليم يا باشا

بس أنا هاوضحلك وجهة نظري:

لو أنا مثلاً من مطروح وانا راجل ما عنديش ضمير وممتهن المهنة دية، إني أجيب عربيات متدمره وأشدها وأنزل أبيعها في السوق على إنها عربيه نضيفه، أكيد لما أنزل أبيعها في مطروح الموضوع هايكون صعب شويه، خاصة بعد كذا عربيه أبيعها هاتعرف في السوق وسمعتي الوحشه هاتبقى سابقاني، وخاصة إن مطروح مدينه صغيره وأكيد تجار السيارات عارفين بعض. عشان كده هاحاول إني أنزل إسكندريه مثلاً عشان أبيع العربيه اسرع بحكم إن إسكندريه مدينه أكبر، وعشان ما حدش يعرفني عناك ولا يعرف سمعتي.