إستفسار عن موتوسيكل ريس برافا 250 cc

**SaberMan** · 15-06-2011 07:05 AM

أذا كان مواعيد الشرى واحد أتجمعوا و خلوها لفه على البايكس مع بعض و خدوا الميكانيكى بالمره و أحسن يكون الشرى من معرض نضيف عشان حالة البايك .

**Abdelrahman.H** · 16-06-2011 05:10 PM

أنا بأشكركم كلكم على الردود ....

بس إني أجيب CBR 250 عاده ده شئ أنا مش حابه لأنه حيبقى موديل قديم و الموتوسيكلات ال 250 دي بتبقى خارجه من تحت إيد ناس يا إما بتتعلم فيه و بعدين تبيعه عشان تجيب حاجه أعلى ( يعني بيبقى واقع كتير ) يا إما شباب غاويه جري و حرق و فرك في كاوتش ولعب وحركات يعني حيبقى متهان .... ده غير إني مش بأحب أشتري مستعمل ( الزيرو زيرو برضه ) ....

المشاركة الأصلية كتبت بواسطة BRAZILI

و لو انت مش فارقة معاك البرستيج ....... ممكن تجيب لك موتوسيكل صينى ( دايون ) مستعمل كده بحوالى 2500 جنيه ..... و لما تحب ترميه ........ مش ح تخسر فيه كتير لانه اصلا رخيص ........ تحياتى

أنا فكرت في الموضوع ده بس لقيت شكله مش عاطفي خالص ... حسيت إني رايح أوصل أوردر بيتزا هههههههههه

وبعدين أنا لما أجيب البرافا حأجيلك المحل علشان أشيل كلمة برافا و تعملي ستيكر PROTON ...

علشان يبقى أول بايك بروتون في العالم ..... وإن شاء الله البايك ده هو اللي حيغلب الموتوسيكل الصيني بتاع الواد حماده الجن هههههههههه

**BRAZILI** · 16-06-2011 06:50 PM

المشاركة الأصلية كتبت بواسطة abdelrahman.h

أنا بأشكركم كلكم على الردود ....

بس إني أجيب cbr 250 عاده ده شئ أنا مش حابه لأنه حيبقى موديل قديم و الموتوسيكلات ال 250 دي بتبقى خارجه من تحت إيد ناس يا إما بتتعلم فيه و بعدين تبيعه عشان تجيب حاجه أعلى ( يعني بيبقى واقع كتير ) يا إما شباب غاويه جري و حرق و فرك في كاوتش ولعب وحركات يعني حيبقى متهان .... ده غير إني مش بأحب أشتري مستعمل ( الزيرو زيرو برضه ) ....

أنا فكرت في الموضوع ده بس لقيت شكله مش عاطفي خالص ... حسيت إني رايح أوصل أوردر بيتزا هههههههههه

وبعدين أنا لما أجيب البرافا حأجيلك المحل علشان أشيل كلمة برافا و تعملي ستيكر proton ...

علشان يبقى أول بايك بروتون في العالم ..... وإن شاء الله البايك ده هو اللي حيغلب الموتوسيكل الصيني بتاع الواد حماده الجن هههههههههه

إيه ........... ده انا كنت بقول عليك غلبان ......... فكرة حلوة يا عبد الرحمن ....... ربنا يوفقك

**nouranwar** · 08-08-2011 07:41 AM

عبد الرحمن عملت ايه في موضوع البرافا ده ؟ مقلتش قررت ايه ؟ علشان انا كنت مهتم بالبرافا بس مقلق برضه ! و بصراحة دوخت البايكرز بتوعنا كل شوية اسأل عن الريس و كده و ارجع في كلامي ده حتي العميد بتاعنا زهق مني مستر دياب :)
فمصدقت لقيت موضوعك ايه قررت ايه ؟

**mdfd5** · 08-08-2011 08:03 AM

المشاركة الأصلية كتبت بواسطة nouranwar

عبد الرحمن عملت ايه في موضوع البرافا ده ؟ مقلتش قررت ايه ؟ علشان انا كنت مهتم بالبرافا بس مقلق برضه ! و بصراحة دوخت البايكرز بتوعنا كل شوية اسأل عن الريس و كده و ارجع في كلامي ده حتي العميد بتاعنا زهق مني مستر دياب :)
فمصدقت لقيت موضوعك ايه قررت ايه ؟

سبحان الله و أنا كمان نفس الكلام و متردد اوي فيه

**nouranwar** · 08-08-2011 06:19 PM

المشاركة الأصلية كتبت بواسطة mdfd5

سبحان الله و أنا كمان نفس الكلام و متردد اوي فيه

جميل يبقي اتنين منتظرين ردك يا عبد الرحمن

**yascro** · 08-08-2011 06:38 PM

المشاركة الأصلية كتبت بواسطة nouranwar

عبد الرحمن عملت ايه في موضوع البرافا ده ؟ مقلتش قررت ايه ؟ علشان انا كنت مهتم بالبرافا بس مقلق برضه ! و بصراحة دوخت البايكرز بتوعنا كل شوية اسأل عن الريس و كده و ارجع في كلامي ده حتي العميد بتاعنا زهق مني مستر دياب :)
فمصدقت لقيت موضوعك ايه قررت ايه ؟

انا عنايا عشانك يا باشا

**nouranwar** · 08-08-2011 06:45 PM

المشاركة الأصلية كتبت بواسطة yascro

انا عنايا عشانك يا باشا

ربنا يخليك بجد مستر دياب يا كبير البايكرز :)

استفسار بس هو برافا كويس جنب العربية يعني لما ازهق من العربية انزل بيه ؟
و ممكن كل يوم ! علشان انا بقيت اقرف من السواقة الايام ديه فهل برافا كويس ولا ايه ؟

**tafa17** · 08-08-2011 08:58 PM

السلام عليكم
انا رأيي من رأي الاعضاء اللي قالو اشتري هوندا علي طول حتي لو مش قد كده اسمه هوندا ، حتي لو هاتتعلم عليه وهايقرفك شوية بس اسمك بتتعلم عليه وممكن يطلع كويس ويفضل معاك فترة كبيرة
لكن الصيني لو هاتشتريه جديد وهاتيجي تبيعه هايتخسف بيه الارض وفي الاخر كل الناس هاتقولك ماليش دعوة ده صيني حتي لو مكتوب علي معظم اجزاءه صناعة ياباني بس هايقولك تقفيل صيني ، يعني من الاخر هاتخسر فيه كتير لما تيجيي تبيعه ، لكن الهوندا ال 250 عادة او فير ، لو اشتريت حالة حلوة انت الكسبان في الشراء وفي البيع

**nouranwar** · 08-08-2011 10:48 PM

باشا يا باشا تافا باشا :) متابعك دائما هنا :)
انا كنت عايز حاجة شكلها لذيذ و نضيف و متكنش متبهدلة زي عبد الرحمن ما قال علي ال 250 هيكون متبهدل و كده ففكرت في البرافا ده شكله لذيذ و جديد يعني محدش لمسه قبل كده بعكس الهوندا انا عارف اني هخسر كتير جدا لما اجي ابيعه بس مش بفكر في النقطة ديه علشان هو الموضوع كله 10-11 الف ميزانيتي للريس فممكن ازهق منه بعد اسبوعين او بعد سنتين و الخسارة كده كده واردة طبعا فسؤالي البرافا ماركة محترمة و حاجة كويسة الواحد يغير بيها ولا لأ ؟ بصراحة متردد جدا و مش عارف اختار فلما لقيت عبد الرحمن عامل الموضوع قلت هعمل زيه اشتري برافا هشتري برافا اشتري هوندا هشتري هوندا المهم هقلده وخلاص :)
و اكيد الراجل اخد خبرتكم قبليا و هيوفر عليا و عليكم مجهود كبير :)

الموضوع: إستفسار عن موتوسيكل ريس برافا 250 cc

LinkBack

أدوات الموضوع

عرض

-

-

-

-

-

-

-

المواضيع المتشابهه

فرصة موتوسيكل 2008 كاش اوتقسيط بسعر مغررى جدلبيع موتوسيكل ترنادو هامرز التابع لشركة ه

برافا 98 و برافا 2001

برافا 2002

مطلوب: موتوسيكل هوندا شادوا او موتوسيكل كلاسيك

الكلمات الدلالية لهذا الموضوع

المفضلات

المفضلات

ضوابط المشاركة