طيب فرضا قوم عاد هم من بنى الهرم وكان من بينهم حكام مصر وهما الهكسوس. كلام جميل الهكسوس اول ظهور ليهم فى مصر القديمة كان فى عهد كامس ابو احمس وتقريبا فى الاسرة ال18 والاهرام فى الاسرة الرابعة.تقريبا الفرق حوالى 2450 سنة.
مين اللى قال ان المصريين لم يرسموا نقوش عليها طرق بناء قديمة.طيب نوصل لحد سقارة ونخش مقبرة كاجمنى ونشوف طرق لجر الاحجار الكبيرة.
ونوصل لحد الطريق الصاعد للملك اوناس فى سقارة ونشوف مناظر لتقطيع الحجر والنفخ فى الزجاج.
وبالنسبة للاهرامات الصغيرة جنب الهرم الكبير او الهرم التالت تعتبر اهرامات الملكات ومنهم هرم الام والزوجة جنب هرم الملك خوفو.
وفين فى الصعيد لقوا الهيكل ده؟ مع اننى شفت الصورة قبل كدة من غير الراجل المضاف عليها او اللى انا شفتها شالوا منها الراجل.
لا وازاى بقى الدكتور عطا يقول ان فيه حضارات تانية مكنش عنده نفس احجام البناء او الاحجار . اومال ال stone henge فى انجلترا ده ايه وللعلم مفيش هناك جرانيت والبقايا اللى محدش لسة يعرف هى اصلا كانت لايه مبنية من الجرانيت.
طيب برده مش لاقى تفسير عند الدكتور عطا لحجم المقابر والممرات داخل الاهرام والمعابد وابواب المعابد.
بيفكرنى بالامريكان وظنهم انهم ناس من المريخ اللى بنوا الاهرام وعملوه علي النظرية ديه افلاممممممممممممم.
وده فيديو لاحد الدراسات على بناء الاهرام.
youtube - ‪how the pyramids where built in egypt‬‏