فيرنا 1600 مانيوال - فيرنا 1600 اتوماتيك - نيو اكسنت مانيوال

**amg** · 27-04-2008 11:38 AM

اولا انا عايز اشتري عربيه جديده
وبقارن بين
الفيرنا 1600 فول اوبشن مانيوال
و فيرنا 1600 فول اوبشن اوتو ماتيك
و نيو اكسنت فول مانيوال

و بعد القراءه في هذا المنتدى العريق وصلت لنتائج ان

الاوتوماتيك في الفيرنا مش مضمون
الفيرنا عموما صوت موتورها عالي
النيو اكسنت مفيش عنها معلومات وافيه
الفيرنا بقالها مده في السوق و ثابته نفسها عموما

بس انا ليا سؤالين:
استهلاك كل سيارة من البنزين كام داخل وخارج المدينه ؟ ..........ياريت اللي مجرب يقول
ايه رأيكم في النيو اكسنت من حيث الموتور و كله ولا هي شكل جديد ولما نجيبها نلاقي الفيرنا احسن؟

ولو ليكوا اراء توضح ليا الصوره اكتر ياريت تنوروني وحتى لو ليكوا رأي في عربيات تانيه في نفس رنج السعر انا مستني مشاركاتكم بشده
اسف للاطالة وشكرا للمشاركه.........

**fahd_628** · 27-04-2008 01:32 PM

بص يا باشا لازم تبقى عارف ان الفيرنا عبارة عن اكسنت موديل قديم ( 2003-2005 ) و غبور لما جة يجمعها فى مصر خلا اسمها فيرنا علشان ينزل الأكسنت الجديدة

بالنسبة لسؤالك فا طبعا النيو اكسنت تكسب اقولك لية

تقفيل كورى احسن 100 مرة من المصرى
محرك اجدد و اقوى
موفرة اكتر فى البنزين
اكثر ثباتا
شكل جديد

الفيرنا تكسب بس فى اعادة البيع و قطع الغيار

بس طبعا انا راى لو الأمكانيات تسمح تجيب اكسنت 2008