مشكلة سخونه فى الفابيا 1400
معلش لنا هطول عليكو شويه معايا فابيا 1400 موديل 2001 اللى شاريها منه الله لا يسامحه مفيش فيها حاجه على ابوها مغير فى الفيش و الاسلاك و خارب الدنيا اللى شجعنى ان العربية فبريكا و موتورها كويس و السعر كان كويس المهم اليوميم اللى فاتوا الترموستات (بتاع الفيات طبعا ) اللى هو مركبه قطع و العربية سخنت جدا و بخرت الميه و اقعدت ابرد لحد ما زودت ميه و رحت لميكانيكى غيرت التيرموستات و المروحة اشتغلت و اخدت هوا كويس و تمام تانى يوم برضه نفس الموضوع المروحة تشتغل و تفصل مرتين تلاته و بعد كده تسخن و تبخر الميه و ابتدى ابرد و احط ميه و اخد هوا لحد ما كل شئ يبقى تمام و هجرب تانى النهارده و كشفت على كل حاجه مفيش طحينة مفيش ميه من الشكمان مفيش نفخ فى القربة و العربية بارده او سخنة مش عارف عيب ايه ده بس متبهدل و خصوصا فى الزحمة و مش عارف اعمل ايه اشيل ترموستات الكوعة ده لو كان راكب اصلا الزميل العزيز مكانش شايله انا شايف ان مشكلة الحرارة دى موجوده فى الفليشيا و الفابيا و فى زميل كاتب و موضح تركيب ترموستات تانى فى كوعه الميه غير اللى فى الريدراتير مش عارف الكلام ده ينفع مع الفابيا و الا لا مع العلم ان العربية دى سحبها ممتاز و ركوبتها حلوه يا ريت يا جماعة حد يفيدنى و بفكركو تانى الباشا مش سايب حاجه فى العربية اللى لما لاعب فيها