السلام عليكم
ماهى اعراض تاكل طقم الدبرياج
وانواعة واسعرلكل نوع لاوبل كورسا 1000 موديل 99
عرض للطباعة
السلام عليكم
ماهى اعراض تاكل طقم الدبرياج
وانواعة واسعرلكل نوع لاوبل كورسا 1000 موديل 99
متابع
....علامات تلف طقم الدبرياج
-انهيار عزم الموتور وبالذات في مطالع الكباري
-رجرجه اثناء الطلعه علي الغيار الاول
-ريحه شياط نتيجه تاكل الاسطوانه
-لو الدبرياج بقي واطي جدا يبقي دليل تلف الديسك
....تجربه طقم الدبرياج
دور الموتور ودوس فرامل ارضي وعشق الغيار التاني وانت لسه دايس فرامل ,تمام .. ارفع رجلك الشمال تدريجيا من علي الدبرياج لو الموتور فضل شغال يبقي تعيش انت في طقم الدبرياج انما لو العربيه اتهزت والموتور طفي يبقي الطقم شغال .
هات طقم دبرياج جديد نوع المانى الأصلى اسمه لوك (luk) تقريبا فى حدود 800 جنيه و ان شاء الله خير
تمام زى ما فادى قال
غير كده زياده غير مبرره فى استهلاك البنزين
تسارع بطئ عن المعتاد
و الأفضل لوك و ساكس
ابعد عن الفاليو لو ببلاش
بس هو احسن حاجه يجيب الطقم كامل ديسك واسطوانه وبيليه
والله يافادي انت عارف اني شاكك في موضوع الديسك والإسطوانه ده من زمان
جربت التيست بتاعك النهارده ودي النتيجه
جبت التاني وبدأت اشيل واحده واحده ......برفع برفع برفع برفع .....العربيه بدأت تترج رجه خفيفه ....وارفع ارفع بدأت تترج زياده ...وارفع وارفع ...وكل ده ولسه دايره بس بتترج .....لحد اخر شعره قبل ماشيل رجلي خالص (بنفس اللفظ .....يعني يدوب ملمس رجلي علي الدواسه ) قامت طافيه
معني كده انها في البلالا ؟؟
شكراعلى الرد
معنى كدة ان الطقم لسة شغال
طيب دلوقتي في عربية الوالد (لادا سمارة 2004) اللي بيحصل كالاتي
العربية بترجرج في الاول بس مش دايما و بتزيد في الحر مش عارف ليه علاقة ولا لأ و لما احب امشي دبرياج بس بتتحرك برجة شديدة و مسافة قليلة اوي و استهلاك البنزين مرعب يعتي كنت ماشي 144 كيلو من اخر تفويلة اخدت 18 لترامبارح يعني الصفيحة 160 كيلو !!!!!!!!!!
طقم الدبرياج بتعامل معاه زي الفل بدون اسائة استخدام خالص سواء مني او الوالد بس انا حاسس ان خامتو كانت زفت من الاول هل ده كدة دبرياج ولا ايه؟