الموضوع: سؤال افاده فى موديلات صنى 2011

المشاركة الأصلية كتبت بواسطة sonasteel

هههههههههههه ....... ولا يهمك
الله يعافيك
بص من الاخر كده ..... العربية ديه هدية وبما انك بتحوش فلوسها وعارف معني القرش .... يبقي توكل علي الله صلي استخارة وربنا ييسرلك الخير
مش هتلاقي عربية تستاهل فلوسها وبتاخد قدام كل جنيه حقك وزياده ........ وزياده علي كده توكيل محترم وقطع غيار رخيصة
لا رعشة بقي ولا اي حاجة من الحاجات اللي انت قلتها
انا معايا مانويل ولا في رعشة ولا غيره
وكمان خلوا حساس الاكسجين عيب في العربية؟؟؟ ........ حسبي الله ونعم الوكيل
واقعد بالعافية

طيب الحمد لله تلاقيها كانت مشكله فرديه فى عربيه او اتنين

عموما انا حبعتلك لينكات المواضيع دى على الخاص و ابقى قولى رايك

و اقعد بالعافيه

المشاركة الأصلية كتبت بواسطة harizy

ياباشا أنا معايا نيسان صنى أتو 2010 ـــ حساس أكسجين وبصراحة مفيهاش رعشة ولا حاجة بس ساعات بتخطرف وهى سخنة ....... هههههه

رعشة إيه بس متصدقش الكلام ده خاااااااااااااااالص التكييف كويس جداً والموتور لله الحمد قوى ومبيتأثرش بيه، وربنا يبارك لك مقدماً.

طيب كويس الحمد لله برضه حبعتلك لينكات المواضيع اللى انا شفتها على الخاص و تقولى رأيك فيها ايه

المشاركة الأصلية كتبت بواسطة wardet

على فكرة كلام مش مظبوط مفيش هزة ولا حاجة
يمكن الرجة الخفيفة مثلاًَ لما تكون مدى ال d ودايس فرامل فى اشارة مثلاًَ
ودى حاجة طبيعية لان الموتور انت مديله امر انه يمشي وانت مكتف العربية ودايس فرامل
ودى حاجة بسيطة اوى ممكن كتير اوى متاخدش بالك منها

+11111111111111111111111111111111

الكلام دة مش مضبوط خالص انا معايا 2011 اوتوماتيك ومفيهاش الهزة دي الحمد لله واكيد كانت حاجة فردية .....صلي استخارة وتوكل علي الله ومش هتندم وابقي ادعيلنا

سلام....

المشاركة الأصلية كتبت بواسطة hanyemad123

اولا السلام عليكم و رحمه الله و بركاته

ثانيا فى لفه كده على المواقع التانيه بخصوص النيسان

اصلى معجب بالعربيه و ناوى عليها ان شاء المولى بس لسه شويه كده لغايه ما الواحد يلم فلوسها

لقيت كذا شكوى من موديلات 2011 ان الموتور فى هزه و هو على السلانسيه و الهزه بتزيد مع تشغيل التكيف و العربيه وافقه

و ده فى الاوتو و المانيوال مفيش فرق

فى واحد قال ان ده بسبب حساس الاوكسجين اللى مركبينه فى العربيات موديل 2011 و ان التوكيل معترف بكده

فاريت يا جماعه لو حد عنده معلومات عن الموضوع ده يقول

طبعا انا مش ححط لينكات المواضيع من منتدايات تانيه بس اللى عايز ممكن نتراسل على الخاص

منتظر تفاعلكم

و ست دون ويز هليث

مع الاعتذار ل اخونا سونا

يااخى الكريم
حتى لا تحتار كثيرا

الموضوع بالضبط كما شرحه لى مهندس المصنع الذى جاء مخصوص ليعاين السيارة فى السبع بعد تقديم شكوى فى حماية المستهلك هو ان الكونترول يبعث باشارة تصحيح لسرعة دوران الموتور كل شوية لتخفيض استهلاك البنزين و ذلك بناء على الاشارة الواردة اليه من حساس الاكسجين
هذه الاشارة الفجائية يتسبب عنها اختلاف فجائى فى سرعة دوران الموتور مما يجعله يهتز لحظيا
هذه الهزة لن تشعر بها الا اذا كنت متمرسا فى قيادة السيارات و يمكنك ملاحظتها بالنظر الى الموتور و المروحة على السرعة العالية اذ تزيد هذه الهزة مع عمل السرعة الhi للمروحة (رأيت ذلك بعينى فى اللابتوب المتصل بالسيارة كلما يكتب hi امام سرعة المروحة تزيد اختلافات قراءة ال ار بى ام صعودا و هبوطا بصورة مستمرة حتى يكتب low امام خانة المروحة) ايضا ترى هزة الموتور بعينك تزيد و ليس قراءات فقط
طبعا الموديلات السابقة ليس فيها هذه القصة تماما و دة اللى كان مجننى انى اصلا شارى العربية لانى اختبرت بنفسى عدة سيارات موديلات سابقة و كان الموتور مسطرة
و طبعا معظم الناس يعتبر هذه الهزة طبيعية و لا يشعرون بها اصلا
و هذا لا يؤثر على السيارة فى شىء اللهم الا الراحة النفسية و الشعور بهزة منتظمة مع عمل المروحة على السرعة العالية
انا ورونى فى التوكيل اكثر من خمس سيارات كلها فيها نفس القصة اذ انهم يعتبرون ان هذا طبيعى جدا و ليس مشكلة
و الحكم لك فى النهاية

المشاركة الأصلية كتبت بواسطة aaaprd

يااخى الكريم
حتى لا تحتار كثيرا

الموضوع بالضبط كما شرحه لى مهندس المصنع الذى جاء مخصوص ليعاين السيارة فى السبع بعد تقديم شكوى فى حماية المستهلك هو ان الكونترول يبعث باشارة تصحيح لسرعة دوران الموتور كل شوية لتخفيض استهلاك البنزين و ذلك بناء على الاشارة الواردة اليه من حساس الاكسجين
هذه الاشارة الفجائية يتسبب عنها اختلاف فجائى فى سرعة دوران الموتور مما يجعله يهتز لحظيا
هذه الهزة لن تشعر بها الا اذا كنت متمرسا فى قيادة السيارات و يمكنك ملاحظتها بالنظر الى الموتور و المروحة على السرعة العالية اذ تزيد هذه الهزة مع عمل السرعة الhi للمروحة (رأيت ذلك بعينى فى اللابتوب المتصل بالسيارة كلما يكتب hi امام سرعة المروحة تزيد اختلافات قراءة ال ار بى ام صعودا و هبوطا بصورة مستمرة حتى يكتب low امام خانة المروحة) ايضا ترى هزة الموتور بعينك تزيد و ليس قراءات فقط
طبعا الموديلات السابقة ليس فيها هذه القصة تماما و دة اللى كان مجننى انى اصلا شارى العربية لانى اختبرت بنفسى عدة سيارات موديلات سابقة و كان الموتور مسطرة
و طبعا معظم الناس يعتبر هذه الهزة طبيعية و لا يشعرون بها اصلا
و هذا لا يؤثر على السيارة فى شىء اللهم الا الراحة النفسية و الشعور بهزة منتظمة مع عمل المروحة على السرعة العالية
انا ورونى فى التوكيل اكثر من خمس سيارات كلها فيها نفس القصة اذ انهم يعتبرون ان هذا طبيعى جدا و ليس مشكلة
و الحكم لك فى النهاية

الله ينور عليك كده انا فهمت الحكايه يعنى الموضوع ده موجود فى كل العريبات اللى راكب فيها حساس الاكجسين

طيب هو ليه الناس هنا مش حاسه بالعيب ده

و بعدين عدم انتظام عدد لفات الموتور ده مش بيأثر على مكوناته مستقبلا ؟؟؟؟؟

انت ليه مصمم انه عيب؟؟