الموضوع: سؤال افاده فى موديلات صنى 2011

فى البداية احب اوضحلك حاجة هنا فى المنتدى نايل موتورز مختلفة عن اى منتدى اخر

لانى اعرف كل المنتديات الاخرى كويس جدااا ومتابع الكل

* هنا فى مساعدات بين الاعضاء جوة المنتدى وبره المنتدى كمان

* هنا فى عروض وخدمات ومساعدات للاعضاء فى القسم على قد ما بنقدر والحمد لله ده مش موجود فى مكان اخر

* هنا مفيش غلط بين الاعضاء بنسمح بيه .. او نقد يكون خارج عن قواعد الادب عن اى مكان اخر .. وده بيفرق لما تقرا لحد وهو بيحكى عن مشكلة فردية باسلوب حاد .. لان باسلوبه الخارج ده ممكن يسئ لنفسه اولا ويسئ للمكان اللى هو فيه ويسئ لحاجات كتير
ويخلى الناس تثار من كلامه وتفهم كلامه غلط وتفتكر
لكن الهدوء فى طرح المشكلة بيخلى صاحب المشكلة لو كانت فردية يحكى ويفسر بمنطقية والناس تساعده وتوضحله المشكلة مش تنفر منه .. ويجى حد زى حضرتك يعرف سبب المشكلة .. وتكون اتحلت على خير ويطمن
فالهدوء والنقد باحترام وشرح اى مشكلة بهدوء زى ما قولتلك مفيد جدا لصاحب الموضوع وللقارئ وده مش حتلاقيه الا هنا عندنا

* هنا عندنا محدش بيهجر المكان وتلاقى الموضوعات كل سنة مرة
* هنا حتلاقى الاعضاء بتتفنن فى تقديم كل معلومة جديدة ومفيدة للكل
* هنا حتلاقى القسم مرتب ومنسق فى موضوعاته ,, وفيه حلول للمشاكل بتنسيق وترتيب مش موجود فى اى مكان اخر

* هنا حتلاقى فى موضوعات حصرية لتجارب الاعضاء مش موجودة فى اى مكان اخر
* هنا والاهم ان حتلاقى الحمد لله ان نايل موتورز وقسم نيسان معروف فى اى مركز خدمة من مراكز نيسان المعتمدة وده مش موجود فى اى مكان اخر وبيسهلك حاجات كتير جدا

نيجى بقا للصنى

اقولك على حاجة فكر فى عربية غير الصنى

بس متجيش تندم بعد كدا على وتقولنا :

- ان العربية التانية اللى غير الصنى فى نفس فئتها صاجها ضعيف

- ان العربية التانية اللى غير الصنى فى فئتها توكيلها مش كويس ومش بيتهم باى مشكلة للعميل وبينفضوا

- ان العربية التانية اللى غير الصنى فى فئتها فتيسها مش يابانى بغض النظر عن ان تكنولوجيا قديمة اللى فى الصنى

- ان العربية التانية اللى غير الصنى فى فئتها مفهاش عوامل امان

- ان العربية التانية اللى غير الصنى , انها هادية وناعمة وطعمة بس مش معمرة ولا ماتور ولا فتيس

هزة العربية بعغض النظر عن انها محسوسة عند ناس او مش محسوسة مع ناس اخرى المهم انها مش بتمثل مشكلة فى الماتور
الا انها بتمثل مشكلة عند الناس الحساسة بس ,, ولو كان كدا ممكن تركب عربية غير الصنى حاجة فى حدود 150 الف وتفى بالغرض المطلوب ان مكنش حتلاقى فيها عيوب بردوا

فى عيوب فى عربيات اخرى اكبر من كدا :

فى عربيات معدية ال150 الف فى تمنها وكان فى مشكلة فى البطاحات بتعتها

فى عربيات معدية ال150 الف وكان فى مشاكل فى الفتيس بتعها

فى عربيات معدية 150 الف وكان فى مشاكل فى الabs بتعها

وفى وفى وفى .. وكل دول اللى قولتلك عليهم مشاكل مشاكل .. يعنى مش هزة بسيطة ومش مزعجة

اذا كنت حضرتك بتدقق فى الاختيار .. ادرس كويس العربيات الاخرى فى نفس الفئة السعرية بتعها فى كل المنتديات وفى كل الاقسام وبعد كدا اختار

لكن العيوب اللى بتتكلم عليها دى مش عيوب ظاهرة اوى فيها ولدرجة ازعاج او انها تعمل مشكلة

تحياتى وبالتوفيق باذن الله فى اختيار السيارة المناسبة لاحتياجاتك

واسف على الاطالة

اسلوبى واضح وعمره ولا حيكون هجومى ابدا

واسال عليه زى ما بتسال عل العربية الاعضاء يقولولك ايه عن احمد مصطفى

لانى عارف كويس اسلوبى واضح جدا مع الناس .. وبتكلم مع كل الناس بذوق حبا فى الناس اللى معرفهمش الغريبة اللى بنرحب بيهم معانا

وكمان لانى عارف قوانين وقواعد المكان اللى انا فيه واللى وظيفتى فيه كمنسق للقسم بتخلينى مفروض ااتعامل مع الناس بحكمة وبذوق .. وكان لازم اهديك واعرفك اسلوب قسمنا اللى مازلت وبكرر ومصمم انه مش زى اى منتدى اخر

وانتقدت اسلوبى اللى كنت بطمنك فيه على العربية وبفهمك طبيعة السوق والعربيات عموما .. وكان من حقوقك علينا فى القسم عندنا النصيحة

راجع الكلام .. انا ماقولتش ان العربية فيها حاجة اساسية

واشمعنى طلعت من كلامى ان العربية بقا فيها شى اساسى الهزة اللى فيها من كلامى ومن كلام العضو اللى كان وضحهالك

وبقيت الشعب المصرى قالك ايه وراحين فين !!

وباقى الاعضاء اللى قالولك انها مش موجودة عندهم , وهما معاهم نفس العربية واللى ردواعليك عربياتهم موديل 2011 وفى منهم موديلات قديمة كمان

واذا فرضا انها حاجة طبيعة وقولتلك اذا فرضنا انها موجودة عند الكل , فهى لا ماثرة فى حاجة عندهم وفى ناس كمان محسوش بيها ويمكن يكون طبيعة العربية كدا بسبب قوة المروحة بتاعت التبريد بتعها , ومفروض انك تفرح ان المروحة بتعتها قوية ومتقلقش

وحتى صاحب الحكاية سواء هنا او فى اى موقع اخر اطمن وسال فى التوكيل وقالوله انها مبتاثرش على حاجة وحاجة طبيعية

فى النهاية

ده كان تعليقى فى الموضوع ودى وجهة نظرى


والسلام عليكم ورحمة الله

وربنا يوفقك