سؤال افاده فى موديلات صنى 2011

**hanyemad123** · 14-06-2011 04:18 PM

اولا السلام عليكم و رحمه الله و بركاته

ثانيا فى لفه كده على المواقع التانيه بخصوص النيسان

اصلى معجب بالعربيه و ناوى عليها ان شاء المولى بس لسه شويه كده لغايه ما الواحد يلم فلوسها

لقيت كذا شكوى من موديلات 2011 ان الموتور فى هزه و هو على السلانسيه و الهزه بتزيد مع تشغيل التكيف و العربيه وافقه

و ده فى الاوتو و المانيوال مفيش فرق

فى واحد قال ان ده بسبب حساس الاوكسجين اللى مركبينه فى العربيات موديل 2011 و ان التوكيل معترف بكده

فاريت يا جماعه لو حد عنده معلومات عن الموضوع ده يقول

طبعا انا مش ححط لينكات المواضيع من منتدايات تانيه بس اللى عايز ممكن نتراسل على الخاص

منتظر تفاعلكم

و ست دون ويز هليث

مع الاعتذار ل اخونا سونا

**wardet** · 14-06-2011 05:20 PM

على فكرة كلام مش مظبوط مفيش هزة ولا حاجة
يمكن الرجة الخفيفة مثلاًَ لما تكون مدى ال d ودايس فرامل فى اشارة مثلاًَ
ودى حاجة طبيعية لان الموتور انت مديله امر انه يمشي وانت مكتف العربية ودايس فرامل
ودى حاجة بسيطة اوى ممكن كتير اوى متاخدش بالك منها

**hanyemad123** · 14-06-2011 05:32 PM

المشاركة الأصلية كتبت بواسطة wardet

على فكرة كلام مش مظبوط مفيش هزة ولا حاجة
يمكن الرجة الخفيفة مثلاًَ لما تكون مدى ال d ودايس فرامل فى اشارة مثلاًَ
ودى حاجة طبيعية لان الموتور انت مديله امر انه يمشي وانت مكتف العربية ودايس فرامل
ودى حاجة بسيطة اوى ممكن كتير اوى متاخدش بالك منها

انت عندك حق فى الرعشه لما تكون على ال d
بس هما بيتكلموا على رعشه و العربيه على N او مموره و على السلانيسه

طيب عموما او انت عندك موديل 2011 يا ريت تشوف و تقولى هل عندك الموضوع ده ولا مش

و شكرا

**م/محمد** · 14-06-2011 06:01 PM

هزه بسبب حساس الاوكسجين؟؟؟؟؟؟؟؟؟؟؟؟؟؟؟؟ ؟؟
وكمان التوكيل معترف
وااااااااااهجصاااااه ومحدش كان رادد عليه في نفس الموضوع
نصيحه : قلب في مواضيع المنتدي هنا وهتلاقي كل حاجه من مميزات وعيوب والظريف انك هتلاقيه كلام منطقي و حقيقي

**Hesham1970** · 14-06-2011 07:08 PM

كلام مش مضبوط نهائيا .... لا هزة ولا غيره . السيارة سحبها ممتاز, ثبات جيد جدا فى هذه الفئة, متينة, تكييف ممتاز, عفشة ممتازة, شنطة كبيرة, و السيارة عالية على الارض. اما العيوب صالون ضيق فى الكنبة الخلفية بمقارنة بحجمها و عزل الصوت ضعيف.

**SonaSteel** · 14-06-2011 08:22 PM

هههههههههههه ....... ولا يهمك
الله يعافيك
بص من الاخر كده ..... العربية ديه هدية وبما انك بتحوش فلوسها وعارف معني القرش .... يبقي توكل علي الله صلي استخارة وربنا ييسرلك الخير
مش هتلاقي عربية تستاهل فلوسها وبتاخد قدام كل جنيه حقك وزياده ........ وزياده علي كده توكيل محترم وقطع غيار رخيصة
لا رعشة بقي ولا اي حاجة من الحاجات اللي انت قلتها
انا معايا مانويل ولا في رعشة ولا غيره
وكمان خلوا حساس الاكسجين عيب في العربية؟؟؟ ........ حسبي الله ونعم الوكيل
واقعد بالعافية

**Bishoy.Girgis** · 15-06-2011 02:38 AM

هنا حضرتك انت في اصدق قسم علي مستوي المنتديات في العالم و العربية ديه مش هتلاقي زيها في امكانيتها و قيمتها بسعرها ده

**hanyemad123** · 15-06-2011 09:57 AM

المشاركة الأصلية كتبت بواسطة م/محمد

هزه بسبب حساس الاوكسجين؟؟؟؟؟؟؟؟؟؟؟؟؟؟؟؟ ؟؟
وكمان التوكيل معترف
وااااااااااهجصاااااه ومحدش كان رادد عليه في نفس الموضوع
نصيحه : قلب في مواضيع المنتدي هنا وهتلاقي كل حاجه من مميزات وعيوب والظريف انك هتلاقيه كلام منطقي و حقيقي

انا قلبت فى مواضيع المنتدى كتير يا هندسه و كان المنتدى هنا سبب اقتناعى بالعربيه

هى النقطه ان انا لما قلبت فى منتديات تانيه لقيت المشكله دى و هى ممكن تكون مشكله فرديه فعلا بس انا لقيت واحد تانى رد عليه و عربيته مانيوال و فيها نفس المشكله

مع انى لما لفيت المنتدى هنا مالقيتش العيب ده اى حد متكلم عنه

عموما انا حبعتلك لينكات الموضوع على الخاص و لما تشوفها قولى رأيك ايه

بس حلوه واااهجصاه دى

**wardet** · 15-06-2011 10:11 AM

ههههههههههههه
ياباشا مفيش رعشة ولا حاجة
دى مش عربية نص نقل يعنى دى ملاااااااااااااكي

الموضوع: سؤال افاده فى موديلات صنى 2011

LinkBack

أدوات الموضوع

عرض

-

-

المواضيع المتشابهه

سؤال عايز افاده

افاده من اهل الخبره كيا سيراتو وهونداى النترا 2011

جنط 16 فى ex مختلف عن جنط 16 فى sx موديلات 2011؟؟؟

موديلات 2011

محتاجين افاده منك يا استاذ طارق بخصوص موديلات 2009

الكلمات الدلالية لهذا الموضوع

المفضلات

المفضلات

ضوابط المشاركة