الموضوع: التقرير الثانى عن الأسترا 2005 ( أسعار قطع الغيار ... بعض المشاكل والحلول ) .....‏

دلوقتى نيجى لبعض المشاكل وطرق التعامل معاها :
· مرة بعد ما مونت والبنزين وصل لنص التانك لقيت العربية لما بتيجى توقف تنتش وبعدين تفصل .... وبعد مشاورات وتعامل لقيت إن البنزين فيه ميه وهو ده السبب .....علشان كده رحت فاتح التانك ونظفته ورحبت طلمبة جديدة ورجعت العربية كما كانت الحمد لله .

· مرة تانية وانا ماشى بالعربية كنت كل ما أوصل لسرعة 70 كيلو متر / ساعة ألاقى العربية بتنتش شوية وبعدين تكمل .... يمين شمال العربية مفيش حل .... رحت رايح عند مقار وكشفت عليها ولقيت البوبينة هى اللى عاملة المشكلة ده وطبعا غيرتها بواحدة فرنساوى وطبعا البوبية بوظت البوجيهات فغيرتها مع البوبية كمان .... ورجعت العربية الحمد لله زى ما كانت .

· مرة كمان قلت أشيك على العفشة كلها علشان بقالها 90 ألف متغيرتش ... وكده تبقى عملت اللى عليها وزيادة ... رحت مغير باربات داخلى وخارجى للدريكسيون وكمان بيض مقص أمامى .... وبعد ما غيرت تخلى بالك من شئ مهم جدا جدا جدا جدا بعض تغيير أى بارة فى العفشة .... هتلاقى الطارة مش فى النص بالضبط .... فتاخد بالك إنها تتظبط وانا أفضل إن الكهربائى هو اللى يفك الطارة ويعدها من الطارة نفسها مش من الغفير اللى تحت وجنب دواسة الفرامل .... علشان بعد ما العفشجى فك الغفير عندى ولف الطارة فى اتجاه واحد راح قاطع الفلاته بتاعت الطارة وبسببها فصلت الكلاكس وكمان الإير باج ولمبة الإير باج نورت ...... واضطريت إنى أك الطارة وكمان الفلاتة ونلحمها من تانى وأكدنا على الكابلات ورجعناها وكل شئ رجع الحمد لله بس لمبة الإيرباج لسه منورة .... فالكهربائى قالى إنها هتروح لما تعملها Scan .... فتخلى بالك وانت بتظبط الطارة .... وكمان تظبط الزوايا بتاع العجل الأمامى بعد الشغل فى العفشة ...... واضح يا شباب .

· مرة كمان بدور العربية لقيتها مش عاوزة تدور ولما اديتها بنزين دارت ... وكان السبب وجود هوا فى دورة الميه .... وده بسبب إن قربة الميه مخرومة وبتدخل هوا فى دورة الميه .... علشان كده هغير إن شاء الله القربة .... وأفضى الريداتير ..... وأكبس دورة الميه ..... وأغير مايه الريداتير وأضيف عليها ميه مانع الصدأ .

· مرة كمان العربية كنت لما أفرمل أو أتحرك من وضع الوقوف أو أرجع مارشدير تحس إن الموتور بيتنقل من مكانه ... وطبعا السبب كان فى قواعد الموتور المكسرة .... فغيرتها والحمد لله الدنيا كويسة .

· مرة كمان كان فيه حركة بسيطة فى العصاية الفتيس ... وده سببها قطعة جلدة صغيرة بايظة موجودة فى نهاية سلك الفتيس وموجوده على السيلكتور .... فغيرتها .... والحمد لله الدنيا تمام .

· مرة كمان وانا مسافر الغردقة ...... ومشيك علىالعربية بالليل ومفول .... وسافرت ودخلت راس غارب أمون تانى .... لقيت فى تسريب تحتالعربية .... ولقيت الخرطوم اللى نازل من الزور من بعد الزور مباشرة مشقق وهو اللىعامل كده .... رحت قصيت منه حوالى 5 سم اللى فيهم تشقيق ..... ورحت شادد الخرطومومركب أفيز ..... ورجع كل شئ تانى لطبيعته رأيكم ..... .

ده اللى فاكرة دلوقتى .... ويا ريت اللى كان عده مشكلة يكتبها ونكمل المشاكل والحلول ..... ويجعلها عامرة بدون مشاكل .
يا عثماااااااااااااااااااااا ان طقم عصير لمون للشباب هنا والحساب عند طناطى ..... كالعادة .

حبيب قلبي اديني في المفيد............

هوا ده الكلام والا فلا..........


برنس يا حماده

والله يا عم انت راجل ميه ميه

مرة وانا ماشى العربية تنتش والار بى ام يعلى وصوتها يعلى ومتعديش ال70 كيلو
السبب فلتر البنزين والطرمبة باظت
تم تغيير الطرمبة فرنا ب200 من توكيل غبور هى هى نفس الاصلى
وفلتر بنزين وبوجيهات بوش
وبالمرة تم تغيير سيور كاتينة ودينامو وشراء بلية شداد ب 120 جنيه استراد
تحباتى

المشاركة الأصلية كتبت بواسطة emadhero

حبيب قلبي اديني في المفيد............

هوا ده الكلام والا فلا..........


برنس يا حماده

يا باشا انت تأمر ..... المهم إن الموضوع يفيد الناس كلها زى ما أنا استفدت ...... ومتنساش لسه فى تقرير عن الاكسسورارت ..... ولسه كمان صور للموضوع وقطع الغيار بأماكنها .... إن شاء الله تعجب الجميع .

المشاركة الأصلية كتبت بواسطة caboo_1

والله يا عم انت راجل ميه ميه

مرة وانا ماشى العربية تنتش والار بى ام يعلى وصوتها يعلى ومتعديش ال70 كيلو
السبب فلتر البنزين والطرمبة باظت
تم تغيير الطرمبة فرنا ب200 من توكيل غبور هى هى نفس الاصلى
وفلتر بنزين وبوجيهات بوش
وبالمرة تم تغيير سيور كاتينة ودينامو وشراء بلية شداد ب 120 جنيه استراد
تحباتى

يا سلام يا Caboo .... أيوه كده الخبرات .... والله إنت اللى 100 100 ..... فعلا طرمبة بنزين الفيرنا هى هى اللى موجودة ف الأوبل ...... أنا كنت هجيب الأصلى بس واحد قالى .... كده كده هتغيرها كل سنة بسبب البنزينات واشوائب والميه اللى بتحطها فى البنزين ..... منور

المشاركة الأصلية كتبت بواسطة tananybasha

تمام
و الله ينور عليك
بس بلاش البوجيهات البوش مرطبه كلها
و انا فاكر موضوع البنزين ده المضروب ابو ميه

يا طنانى إنت شكلك الزهايمر وصلك زينا بالضبط .... أنت مش فاكر غير البنزين ده بس ...... إزاى .... معظم الحاجات دى يا برنس كنت بسألك فيها ....... للعلم فى علاج قوى جدا جداجدا جدا للزهايمر .... نزل السوق ..... تتجوز تانى ..... وبعدها مش هتفتكر أصلا أسمك هههههههههههههه ...... منور يا باشا

عندي مشكله غلسه العربيه سخنت وكشفت عليها وجدت الماسوره مكسوره وغيرتها عند أبو غالي وبعد اسبوع رجعت الميه تنقص والعبيه تسخن تاني إيه العمل؟