انا كنت النهارده فى حمله الفحص وقالولى كده على شويه حاجات عايزه تتغير وبما انى خبرتى فى الميكانيكا ضعيفه فمحتاج مساعده اهل الخبره

قالولى لازم تغير تيل فرامل امامى + طنابير وده عادى انا عارف انهم خلصوا بس اللى مش عادى انهم قالولى اغير ماستر عمومى فرامل

يلزم تغيير جلب مقصات اماميه ياريت حد يقولى ايه وطيفتهم اصلا ومهمين ولا مش مهمين


يلزم تغيير بارات دركسيون دى كمان معرفش ايه وظيفتها وايه اللى هيحصل لو مغيرتهاش

ويلزم ايضا تغيير قاعده المحرك مع العلم ان عربيتى عامله 85000 كم بس وانا مش شايف فيها اى مشاكل

ويلزم ايضا تغيير جميع السوائل فى العربيه

ياريت بجد يا جماعه لو حد يعرف اسعار اى حاجه من الحاجات دى بالذات التيل والطنابير والماستر يقولى عشان انا لسه جايب العربيه من 3 شهور ومغيرتش فيها حاجه

ومشكور مقدما