استفسار بخصوص افريكانو بارك

**ashraf122** · 15-06-2011 10:34 PM

متشكر جدا على الصور جميلة جدا

بس يوم الجمعة الساعة 10 دة ميعاد مناسب ولا الحيوانات حتكون نايمة

**party_0000** · 16-06-2011 12:10 AM

خلي بالك انا رحت هناك وعربيتي اتجرحت من الشجر اللي طالع في الممرات ورجعت متكن قوي
وخلي بالك من موضوع طلوع القرود على العربيه ه علشان بردوا طلعوا على العربيه وكان فيها شويه خرابيش
اي نعم كل الخرابيش دي راحت بالتلميع لانها مش جامه بس بتبان في الشمس
وهي رحله لطيفه وبالتوفيق

**Salamonti** · 16-06-2011 03:14 AM

المشاركة الأصلية كتبت بواسطة ashraf122

متشكر جدا على الصور جميلة جدا

بس يوم الجمعة الساعة 10 دة ميعاد مناسب ولا الحيوانات حتكون نايمة

حضرتك اتصل بيهم اسألهم على مواعيد يوم الجمعة لأن ربما تكون مواعيده مختلفة عشان الصلاة وكده

**Salamonti** · 16-06-2011 03:20 AM

المشاركة الأصلية كتبت بواسطة moustafa_saad

الف شكر ياباشا على الصور الجميله دية
انت شجعتنى اروحها فعلا
بس القرود دية تلاقيها بهدلت العربيه
قرد الرباح ده مفترس اصلا ويعتبر اكل لحوم انت مخوفتش منه يعضك
ده الاسد ارحم منه لانه نايم طول النهار

غالبا هاتلاقي الأسود مفرهطة م الحر وقاعدة في حتة ضل مش راضية تتحرك من مكانها
وخلال رحلتك هاتقابل اربع أو خمس أنواع مختلفة من فصائل القرود
كلهم بلا استثناء عفاريت ولاد عفاريت
فيه قرد خد نضارة من على تابلوه العربية ولبسها ومشي بيها جابهالي الحارس بعد ما قعد يسايس القرد نص ساعة

ونصيحة لو عندك أي حاجة على جسم العربية من برة قابلة للفك والتركيب أو سهلة الكسر يبقا فكها انت بنفسك قبل ما تروح بدل ما يفكوهالك هما هناك بمعرفتهم ههههههههه

ولاد المجنونة مابيسيبوش حاجة في حالها
اللي يقفل ويفتح في المرايا
واللي بيلعب في الإيريال
واللي يرفع وينزل في المساحة لحد ما يطلعها في إيده
العربية بالنسبالهم لعبة جديدة بيحاولوا يفرحوا بيها على قد ما يقدروا قبل ما تمشي منهم
حتى انا لما مشيت من عند القرود فيه واحد منهم فضل قاعد عالكبوت مارضيش ينزل وقعد يلعب في المساحات وانا ماشي بيه أكتر من 5 دقايق وهو ولا همه حاجة
قلت اشغل المساحات وارش مية يمكن يخاف لقيت إعجابه بيزيد بالعربية

فضلت ماشي لحد ما نزل لوحده

**heshamzaky** · 16-06-2011 04:12 AM

شكلها حلو فعلا بجد

**MOUSTAFA_SAAD** · 16-06-2011 06:51 AM

ان شاء الله لو روحت حابعد عن القرود نهائى العربيه مش ناقصه بهدله
حلاحقها من القرود ولا البنى ادميين

**Salamonti** · 16-06-2011 10:01 AM

المشاركة الأصلية كتبت بواسطة moustafa_saad

ان شاء الله لو روحت حابعد عن القرود نهائى العربيه مش ناقصه بهدله
حلاحقها من القرود ولا البنى ادميين

عادي مافيش مشاكل..
بص يا سيدي انت من أول ما تدخل هاتلاقي نفسك ماشي في طريق ترابي إجباري مفيش قدامك غيره
وكل ما تمشي شوية تلاقي ساحة كبيرة وفيها نوع من أنواع الحيوانات

النوع اللي يعجبك اقف وانزل واتصور واستمتع
النوع اللي مايعجبكش ولا كأنك شفته وعدي الساحة وكمل طوالي عاللي بعدها
محدش ليه عندك حاجة

هو زي ما قلتلك طريق اتجاه واحد فيه ساحات للحيوانات بالترتيب وفي آخر الطريق خالص هاتلاقي نفسك خرجت من البارك

براحتك بقا عاوز تنزل في كل ساحة أو واحدة آه وواحدة لأ انت حر
عاوز تاخد الرحلة بتاعتك كلها في عشر دقايق ولا تقعد شوية عند كل ساحة يكشي تاخد الرحلة في 5 ساعات برضه محدش ليه عندك حاجة

**MOUSTAFA_SAAD** · 30-06-2011 08:10 PM

انا روحت يوم الجمعه اللى فاتت ياجماعه
بصراحه كانت رحله لاتنسى بس المشكله فى الجو كان حر جدا
للاسف مكانشى معايا كاميرا والموبايل صوره تعبانه والا كنت عملت تقرير بيها
ان شاء الله حروح فى العيد الصغير يكون الجو الطف شويه واعمل حسابى على كاميرا المره الجايه باذن الله

**hobby10** · 30-06-2011 10:46 PM

ربنا يسهل والواحد يحاول يروح

**Salamonti** · 28-10-2011 01:02 AM

هو المنتدى بايظ ولا ايه ؟؟؟
المواضيع كلها مش راضية تفتح !!!!!!!!!!!!

الموضوع: استفسار بخصوص افريكانو بارك

LinkBack

أدوات الموضوع

عرض

-

-

-

-

-

-

-

-

المواضيع المتشابهه

سؤال بخصوص سباي سنسور بارك

استفسار عن دريم بارك

استفسار عن السينسور بارك

استفسار : بارك سيسنور

افريكانو بارك

الكلمات الدلالية لهذا الموضوع

المفضلات

المفضلات

ضوابط المشاركة