الموضوع: استهلاك الساجا للوقود ..

المشاركة الأصلية كتبت بواسطة marsguy

كلام مظبوط
بس أنا واحد من الناس اللي جايب عربيه 1300 عشان أوفر في البنزين. عشان أنا ولا باجري ولا باقرص ولا باشد مع حد.

يبقى أنا في حالتي مش باستفيد بميزة العربيه اللي هي الأداء الجيد مقارنة بالسعه اللتريه ، ولكن باتضر من عيب العربيه اللي هو الإستهلاك العالي. عشان كده أنا فعلاً متضايق من العربيه في الموضوع ده.

بس أنا بصراحه لي تعليق برضه: العربيه أدائها مش الآداء الجبار اللي الناس متخيلاه، العربيه أدائها أحسن من معظم العربيات الـ 1300 بس أي فيرنا ولا نيو أكسنت 1600 أكيد تتفوق بشده. والياريس الـ 1300 ما أعتقدش إنها أقل من الساجا كتير في الآداء بس تتفوق كتير في توفيرها للوقود.

انا معاك ان الفيرنا و الاكسنت تتفوق بس في حاله واحده لو الفيرنا او الاكسنت مانيوال انما لو اوتوماتيك الساجا تكسب تاني شيء الساجا احسن بكتير في الثبات هات بيها 180 و اكتر كمان و انت مستريح و مش خايف و عن تجربه ثالثا الساجا مش سفاحة بنزين ولا حاجه انا روحت بيها اسكندريه اخدت مني حوالي 15 لتر في ال 240 كيلوا و ده معدل جيد جدا و كان معايا عدد في العربيه حوالي 4 اشخاص و مشغل التكييف و كمان اوتوماتيك بس كنت ماشي سرعه معتدله 100 - 120 مش اكتر ولا اقل و مكنتش بحرق علي الغيارات

المشاركة الأصلية كتبت بواسطة spiderloking

انا معاك ان الفيرنا و الاكسنت تتفوق بس في حاله واحده لو الفيرنا او الاكسنت مانيوال انما لو اوتوماتيك الساجا تكسب تاني شيء الساجا احسن بكتير في الثبات هات بيها 180 و اكتر كمان و انت مستريح و مش خايف و عن تجربه ثالثا الساجا مش سفاحة بنزين ولا حاجه انا روحت بيها اسكندريه اخدت مني حوالي 15 لتر في ال 240 كيلوا و ده معدل جيد جدا و كان معايا عدد في العربيه حوالي 4 اشخاص و مشغل التكييف و كمان اوتوماتيك بس كنت ماشي سرعه معتدله 100 - 120 مش اكتر ولا اقل و مكنتش بحرق علي الغيارات

أحسن رد والله يابنى

المشاركة الأصلية كتبت بواسطة sayed911

والله يا جماعة الفكرة دي شغالة وبتقيش على طول وبطلع معدل ليه بقى ببساطة :d :d
ان اها اوضحلكم الفكرة بشكل مبسط جدا هوة انتو مش بتقيسوا المعدل بـ 40 لتر مسافة ها تطلع مثلا وليكن 400 كيلو :d
هيا هيا لما تحط 10 لتر وتمشي بيها 100 كيلو هيا ريشيو نسبة وتناسب ومعدلات :d بس ها اجرب اطبقها على اكسيل شيت واشوف الواقع بتاعها ايه اخباره ولكن هيا الـ العربية 40 لتر ومكتوب انه عند اضاءة لمبة التحذير يكون متبقي في السيارة 5 لتر بالتمام والكمال يعني بالضبط 50 كيلو :d يعني اول ما العربية تنور اعرف انه 5 لتر فاضلين وانا حطيت بـ 50 جنيه :d يعني = 27 لتر + 5 لتر = 32 لتر ها نثبت الـ 5 دول على انه عامل اساسي في التنك لا يمكن الإقتراب منه يبقى انا مشيت الـ 200 كيلو دول بالـ 27 لتر :d اقسم الـ 230 على 27 = 8.78 وهو المعدل الداخلي :d فها بتقضي الغرض لحسبة انا معاكم انها مش دقيقة ولكن بتحسب وانا بمشيها نسبة وتناسب مدام مشيت 230 كيلو بـ 27 لتر يبقى لو 40 لتر كاملة ها اعرف هيا ممكن تمشي كام بيهم بالنتي متر كمان :d

سيد
اعزرني
طريقه حسابك للاستهلاك كدا فعلا غلط عشان اولا لما لمبه البنزين بتنور بيكون فيها حوالي 8 لتر وده من الكتالوج وعن تجربه وعلي فكره ممكن يكون اكتر كمان من 8 لتر وعايز تتاكد من كلامي اول ما تنور فول هتلاقيها خدت معاك في حدود 31 لتر ولما نطرح ال31 من ال40 سعه التانك حيتبقي 9 لتر ولمبه البنزين نورت
انت عندك طريقتين تحسب بيها الاستهلاك
اولهم انك تفول العربيه علي الاخر وتصفر العداد وتمشي 200 كيلو وتمون وتشوف خدت معاك مام لتر بنزين (وانا عارف ان الطريقه ديه انت مابتعملهاش ولا عمرك فولت العربيه والموضوع بتاعك بتاع سقوط العلامه يشهد عليك مع العلم انا كمان مش بعملها ياعني من الاخر بصره)
والطريقه التانيه انك اول ما اللمبه تنور تحط مقدار معين ولايكن 15 لتر وتحسب مشيت اد ايه وتكرر العمليه ديه 3 او 4 مرات وتشوف استهلاكها اد ايه في كل مره هتلاقيه متقارب واحسب المتوسط بتاعهم وبكده تقدر تحسب استهلاكك بطريقه ادق
ولو عندك اكسل شيط هيسهل عليك العمليه ديه مع العلم اني بحسب استهلاك العربيه من ساعه ما كانت 3000 كييلو وهي دلوقتي عامله 13000 ولما بسافر بعلم علامه ان الاستهلاك ده كان في السفر
جرب وابقي قولي عملت ايه وممكن لو عايز ابعتلك الشيت بتاعي