اكيد طبعا العلامة دى ليها مدلول لو امكن ياباسم باشا تصورها وترفعها ونحاول نفسرها
عرض للطباعة
اكيد طبعا العلامة دى ليها مدلول لو امكن ياباسم باشا تصورها وترفعها ونحاول نفسرها
وممكن أمسح العلامه وأريح دماغى : )
بس يا دكتور فى عربيات تانيه برضه راكنه وبتبات ومش عليها اى علامات !!
بس حنقول إيه فى البلاغ !! أى ظابط مش حيتعب نفسه ويأمن المنطقه .... آخره حيقول إمسحوا العلامه وخلاص .
يا باشا طبعاً فاهم قصدك من غير حاجه ، ده أنا بهرج معاك بس .... وتقبل تحياتى .
طبعاً ليها مدلول ولازم نتابع علشان نفهم .... ولو عرفت أصورها حأرفعها على طول .
بس هى ملهاش تفسير غير إنها ( علامه حمرا على جنط كل عربيه والأغرب إنه الخلفى يمين فى كل العربيات ) .
والله يا باسم مش عارف هى غريبة و يجب تصويرها و تبليغ القسم
لان لو حد بيهرج او طفل بيلعب مش هايروح على العربية و يعلم فى نفس المكان لكل العربيات
هو فية عربيات ما اتعلمتش؟
يابسوم الموضوع فعلا مقلق وخد بالك ان انت مبتركبش العربية كتير يعنى الي علم العلامة دى عارف ان العربية مبتخرجش من مكنها سواء انت او غيرك
وانا عندى اقتراح انك تركنها بعيد عن مكنها الحالي وياسلام لو كان ف جراج قريب منك تبقي مانجة
وتريح دماغك
بس فعلا متسكوتتش علي الموضوع احسن لاقدر الله تكون العلامة دى معناها
ان هى دى العربيات المقصود تقشطها
وربنا يسترها معاك ومعانا
بالظبط يا عمده ده مش شغل لعب عيال ، ده وراه حاجه ، ومش عارف ليه حاسس إن الموضوع مش كبير .
وأيوه فى عربيات متعلمتش .... !!
وتقريباً شكل العلامه حتبقى زى دى فى كل العربيات ، وفى الفرده اللى ورا يمين كمان !!
http://www.nileup.com//uploads/image...7c8b074f3e.jpg
ماشى يا حبى بس فى حاجات تخلينى مش قلقان :
1. فى عربيات أصحابها بيتحركوا بيها كتير وبرضه متعلمه .
2. فى عربيات بصراحه محدش ممكن يفكر يسرقها ( 127 كحيانه وصاحبها بيبوس إيدها علشان تمشى ) .
3. فى من العربيات دى اللى غالى وفى اللى رخيص .
4. فى من العربيات دى اللى فيها جهاز انذار وفى اللى مفيهوش .
5. عدد العربيات اللى شوفته متعلم كتير مش قليل .
وكمان أنا على طول مغطى العربيه وفيها طبعاً إنذار ده غير كلابش الدريكسيون كمان ، وربنا يسترها .
أنا حفضل متابع لغاية لما أشوف إيه أخرتها .
ملاحظ في الاونه الاخيرة في مصر الجديده ومدينة نصر سرقة البطاريات إحذر
عمتا ربنا يسترها معاك ومعانا
شوف أنت والناس دي بتعملوا صيانه فين إذا كان ميكانيكي واحد أو بتاع كاوتش واحد أو أي صنيعي عموما مشترك بينكم يبقى راقب وشوف وتأكد وطمنى