حصريا لنايل موتورز .. بالصور طريقة فك ردياتير التيدا

**samsong** · 14-06-2011 11:12 PM

في الموضوع ده هاحط بعض المعلومات التي توصلت لها لعلها تفيد واسف اذا كان تم طرحها من قبل
1-الردياتير
كنت غيت المياه بعد غسله وتم وضع مياه اسباني تركيزها اقل وبعد سوال اخي القدير ا/احمد وقال لي علي التركيز الصح قلت خلاص هاشتريه وافك مسمار drain زي الصني بدل فك الخرطوم تاني لان ساعات لايربط صح او ينفس المهم لم اجد في التيدا المسمار ده وسالت فقالوا لي ان احنا بنفك الخراطيم في التوكيل .رجعت وعلي النت فضلت ادور لحد لما لقيت ملف عن كيفية فك كل حاجه للتيدا والعده ولقيت ان الردياتير له مسمار وفكيته وفي دقائق غيرت المياه دون فك الخراطيم

---------------------

تم تعديل العنوان وتنسيق الصور ورفعها مرة اخرى
بناء على طلب من منسق القسم

مشرف القسم

15ب

**samsong** · 14-06-2011 11:14 PM

ملحوظه
خراطيم الردياتير يجب تغيرها كل 100000 كم
غطاء الردياتير يتغير كل 50000 كم

**samsong** · 14-06-2011 11:25 PM

ولو فيه حاجه معينه ياريت نسال بعضنا حتي نستفيد جميعا من تجارب بعض وعلي الاقل نعرف كل حاجه الصح بتاعها ايه بدل ماحد يجرب ويبوظ حاجه
وده الي انا لمسته هنا في المنتدي من روح الاخوه والود وحب المعرفه للكل.

**Ahmed.TV** · 14-06-2011 11:35 PM

تسمحلى انى اكون اول المهنئين والمشاركين للموضوع الهايل ده يا كابتن سامى

تسلم ايدك بجد .. موضوع اكثر من رائع فعلا

ومفيد جدااااااااا

الله يبارك فى حضرتك وجزاك الله كل خير

واحب اضيف ان مياه الردياتير بتتغير كل 40 الف كيلو عشان المحافظة عليه

وسمعت من ناس قبل كدا بس مش متاكد من الملعومة انه بلاش تغسل الردياتير بمياه من الحنفية العادية عشان الاكسدة اللى فيها
وجيب كارتونة مياه معدنية وخاليهم يسغلوا بيها الردياتير ,, فياريت الاعضاء يوضحو لنا ايه صحة المعلومة دى

وبردوا عايز اسال ايه حكاية غطاء الردياتير ده اللى بيتغير كل 50 الف

وبخصوص صور فك الكاسيت ده رائع جداااااااااااا

وحبعت للادارة تنقله فى موضوع للافادة يكون لوحده

وتسلم ايدكككك بجد

ومستنين منك الموضوعات المهمة دى عن التيدا

ايوة كدا يا ملاك التيداااا .. عشان نوريهم الشغل

مرة تانية جزاك الله خيرا
وربنا يخليك لينا

وبجد احنا سعداء بروحك دى معانا وبوجودك معانا اللى شرف كبير لينا يا كابتن سامى

تحياتى العميقة ليك يا فندم

**Amr2004IBM** · 15-06-2011 12:11 AM

مجهود رائع

**SonaSteel** · 15-06-2011 03:46 AM

ياأ/سامي والله ده تقدير عالي اوي عليَ .......... جزاك الله عني خيرا
موضوع جميل جدا وانا لقيت في المنتدي كتير ملقيتش موضوع بالتفصيل ومصور زي ده ...... !!!!
وسبحان الله .... العربيات الحديثة ديه نعمة ... بس صيانتها مهمة جدا
يعني موضوع تغيير الخراطيم وغطا الريداتير ... في العربيات القديمة مكانش بيتغير الا لما يتقطع ولا العربية تسخن وخلافه
ومعلومات جدا لملاك العربيات كلها مش التيدا بس
جزاك الله خيرا أ/ سامي وربنا يجعله في ميزان حسناتك يااارب
والف الف شكر علي التقدير ..... اني أحبك في الله
اقعد بالعافية