-
يا جماعه انا اللى جاى فى بالى من الكماليات اللى غير الاستاذ احمد قال عليها هيا:
1- GPS , Dvd
2- البلوتوث
3- حاجات تتركب بره و تظبط شكل العربيه اكتر( طبعا استاذ احمد احسن واحد يفيدنا فى الموضوع ده)
4- لو فى ينفع تركب شاشات جوه يبقى جواها )dvd, gps, blue tooth ) كل ده سوا
5- لو فى حاجات بتتركب فى الصالو او سماعات زياده ( طبعا غير موضوع السماعات التعقيد اللى شفتها عندكوا من فتره
6- لو فى حاجه تانيه فى بالكوا يا ريت اسمعها
,وانا اسف انى مش بعلق دايما او مش عضو فعال زيكو بس دى اول مره ليا على منتدى انا النت بالنسبالى اخبار و مذاكره بسبب ام الطب الله يخرب بيته بس واللهى من ساعة ماسجلت هنا و انا يوميا على النيسان و بتابع و بقرأ بس انا مش كويس اوى فى العربيات او عارف كتير عشا اعلق زيكوا
على فكره هنا فى قطر معايا دلوقتى عربيه اسمها ماكسيما صراحه بتاعت الشركه اللى بشتغل تبعها و دى عمرها ما هتنزل مصر و الحمد لله عشان هيا طياره مش عربيه
اسف انىطولت عليكو و اتمنى اسمع منكم قريب
-
والله احنا بنتشرف بيك فعلا وبلقائك وان شاء الله تنزل بالف سلامة
انت قاعد فى الدوحة يا عم مش تقول طيب قاعد فين انا اقاربى هناك منتشرين فى الخور والوكرة ودخان
على فكرة التيدا منتشرة فى الدوحة جداااا بس اسمع ان اللى فى الخليج مفهاش abs
وسالت قريبى على اكسسورات هناك زى الاسبويلر الاصلى للعربية , ومش لاقوه , ولما لاقوه فى التوكيل كان تمنها 1800 ريال للتيدا السيدان
لو تعرف تدور على سبويلر للهاتش باك سعره رخيص ولقيت يبقا حلو كتير
وفى كمان ممكن تجيب كاسيت للتيدا بشاشة ديفيدى وممكن يكون فيه كاميرا باركن كمان حيبقا تحفة
بس لما اروح فى من الشغل حعملك سرش على صورته واحطهولك فى الموضوع .. كاسيت اكثر من رائع
ممكن تركب جنوط 16 مش 15 وتشيل اللى راكبة وتخليها على جنب احتياطى عشان لما تبيع العربية تركبهم فيها
الجنوط ال16 حتدى ثبات اكتر وكمان شكل احلى للعربية , وغير كدا لو عايز تغير جنوط احلق بدرى بدرى عشان متحسش ان العربية تقلت , لانك حتكون اتعودت على الجنط ال15
حفكرلك على شوية حاجات وحقولك عليها
بس نصيحة بجد لو لقيت الفوانيس دى الحق خدها على طولللللللل وهاتها معاك لانى دايخ عليها فى الخليج والكل بيبعت يجبها من بره
ولو لقتها قولى من اى محل
وياريت تنزل محلات الزينة وصور الاكسسورات اللى هناك اللى ممكن البائع يقولك انها ممكن تركب على التيدا
ونقولك رائينا
وطلب بعد اذنك
هل ممكن تصورلنا المكسيما اللى معاك على الطبيعة وتعملنا تقرير عنها عشان يفيد الاعضاء
ويا سلام بقا لو فيديو وصور
تحياتى ليك ومتابع معاك وتحت امرك فى اى خدمة
-
مبروك
الأحمر الناري بالعند في أحمد مصطفى أجمد لون
ماتزعلش يا أحمد انت حبيبي والله
-
السلام عليكم ورحمة الله وبركاته
طبعا انا ماقدرش اتأخر على احمد باشا فى الرد على اسئلته و هاقولك كل اللى اعرفه يا باشا
انا فى كتير الاول قالولى اجيب التيدا من هنا انت عارف بيقولك ايه على مواصفات الخليج و الحاجات دى بس التيدا اللى هنا برده مكسيكى يبقى مش فارقه كتير بلاضافه لكده هنا التيدا الفول اوبشن مليانه يعنى جواها كل حاجه تعمل 62 الف ريال يعنى بالمصرى و بالجمارك الحلوه الطيبه بتاعتنا هتدخل فى ال 142 الف مستريح ف طبعا قلت وعلى ايه اجيبها من مصر
انا اشتغلت هنا 5 سنين و خلاص نازل نهائى عشان اكمل دراسات عليا و طول قعدتى هنا يا احمد بقول حاجه واحده ( لو فى هنا سمكرى سيارات و ميكانيكى من بتوع مصر دول اللى بتدخل العربيه عجه وتطلع تحت ايديهم مرسيدس هيبقى ملك) ليه؟ عشان هنا ماعندهمش حاجه اسمها تصليح هنا بس شيل و حط
اما موضوع التوكيل هنا ف خراب بيوت مستعجل اولا اسعارهم مبالغ فيها جدا و الكماليات الدلع دى بتاعت العربيه مش موجوده و طبعا حتى لو موجوده يبقى هبقى بديل و اهبل لو جبتها من عنده عشان الاسعار بتاعت 1800 ريال دى حتى تعتبر هنا رخص التراب عشان هنا التوكيل بامانه ناااااااااااااااااااااااا ااااااار و كل الناس هنا بتصلح بره عشان الاسعار نار
نيجى على التيدا وانا كنت جايب هنا موديل 2007 و التيدا هنا اعلى مبيعات للنيسان فى الخليج عشان لو حد عندك مسافر بره هيقولك اليابانى فى قطر و الامارات رقم واحد زى ما الامريكانى فى السعوديه رقم واحد بس التييدا هنا معظم اللى راكبها هنود او فيلبينينن او مصريين طبعا عشان هنا فى عربيات بنسمع عنها فى طبق اليوم مش بتتشاف فى مصر خالص و كان نفسى تيجى هنا زياره عشان برنس زيك فى العربيات كان اتمتع بالمناظر اللى هنا و هنا فى محلات الكماليات موجوده و انا اوعدك انى هلف عليهم و اخد فكره و خصوصا انك هنا يا باشا و نستفيد من خبراتك
الماكسيما اللى معايا موديل 2005 لانهم كانوا وقفوا انتاجها فى الخليج من 2006 ل 2010 عشان الالتيما و بعد كده بدأوا ينزلوها تانى من السنه اللى فاتت اكيد عشان اداءها بجد تحفه دانا اللى معايا انا دغدغتها و معاملها معامله زفت ماهى عربية شركه مش عربيتى و كمان اتنين ركبوها قبلى مصريين منهم واحد من القاهره استاذ سواقه ف كان بيعمل بيها افتكاسات ف العربيه طالع عينها بس يا باشا انت تؤمر واللهى بكره الصبح لأصورهالك قدام العياده انا اطول انفذ طلب ليك يا باشا و كمان هعمل بنصيحتك و هنزل ادور هنا على الحاجات اللى قلتلى عليها و لو لقيت اى حاجه هبلغك و ححط صورها
انا بس كنت طالب منك بخبرتك تقولى الحاجات اللى بتقول عليها الكاسيت ال دى فى دى ابو شاشه ده الماركه بتاعته ايه و ايه احسن نوع له
و الفوانيس دي ليها اسم او ماركه او بلد صنع معينه عشان اسأل
وموضوع الجنوط ده هوا انا ممكن اركب الجنوط فى الوكاله يعنى قبل ما استلم العربيه فى مصر اقولهم انى عايز ابدل الجنوط ب مقاس 16 و يرضوا ولا ايه؟؟؟
معلش يا باشا انا بتقل بأسئلتى و بغلس عليك بس ربنا يجعله فى ميزان حساناتك بس لو طلبت معاك و جاى الدوحه قبل رمضان قولى و واللهى العظيم لاستناك فى المطار وهتشوف ان الاسكندرانيه بتوع واجب برده
و انا بينى و بينك ميال للون الفضى فيها شكله حلو اوى بس لسه ماستقرتش ونفسى برده يا باشا تقولى ايه رأيك فى اى كماليات تانيه
-
ربنا ييسرلك الخير والله وتوصل بألف سلامة يا دكتور
بس انت متأكد من فكرة رجوعك النهائي لمصر ده ...... صلي استخارة دي اهم حاجة وربنا ييسرلك كل خير يارب العالمين
ومش هايبقي فاضل في التيدا بعد اللي قلتوه كله الا العتب والكساحات
بس بالنسبة لكلامك كده احنا في نعمة بوجود الصنايعية دول ... بس هما يتقوا الله فينا وربنا يتمها بالستر يارب العالمين
-
انا مقرر الموضوع ده يا اخ حسن واللهى من فتره عشان انا كانت ليا اولويات فى السفر انى اكون نفسى ماديا وماعتمدش على حد دلوقتى لازم ارجع اكون نفسى علميا و خبره اكلينيكيه و كمان والدى و والدتى الاتنين فوق الستين يعنى لو انا مش جنبهم فى الايام دى مين هيكون؟ و كمان الدنيا مش فلوس و بس انا ان شاء الله هرجع على وزارة الصحه لانى وصلتى معلومات اكيده من زمايلى ان المرتب بيكفى عيش حاف لاخر الشهر و ده انجاز كبير اهو يعنى اكل عند اهلى خميس و جمعه مش من اول يوم 5 ههههه
اه واللهى اللى بقولهولك عن الصنايعيه كده المصريين اللى هنا كلهم بيقولوا كده عشان الصنايعيه هنا باكستانيين على هود على فلبينين ف ضايعين و اقصى حاجه بيعملها شيل و حط بس
ف لو جاه هنا صنايعى دوكو و سمكرى و ميكانيكى و كهربائى فتحوا جراج صينه فى خلال سنتين يبقوا مليونيرات و اللهى مستريح
هنا التوكيلات سرقه علنى علنى واللهى
-
ربنا يباركلك في الحاج والحاجة ويرزقكك برهم ويكونوا سبب لرضا الرحمن عنك يارب العالمين
وربنا ييسرلك الخير ويتم نعمته عليك بفضل الله
ولما تيجي ان شاء الله نبقي نحوش رغيفين ونبيعهم ونفتح ورشة هناك ونرجع بقي بمخبز فينو بحاله هههههههههه
اقعد بالعافية :bye2:
-
تيجى بالف مليون سلامة وربنا يخليك لاهلك انا زيك نفس الكلام اهلى سنهم كبار وانا الوحيد فمينفعش اسافر واسابهم فترة كبيرة
وربنا يرزقك الخير ونشوفك فى احسن حال دايما
وشاكر محبتك الغالية دى ,, وليه الشرف اتقابل مع حضرتك اول ما تيجى مصر باذن الله حتى لو كنت حجيلك مخصوص اسكندرية لان معرفة الناس المحترمة اللى زيك كنز لازم الواحد يقدره
بصراحة الدوحة فى غير موضوع السمكرة ده مشاريع كتير اوى الواحد نفسه يعملها هناك كان كسب دهب
بس يالا الحمد لله على كل شى
بص يا سيدى واضح كدا انك ناوى حتبدع فى العربية وحتجرنى معاك وتشجعنى ههههههههههه
موضوع تغير الجنوط فى التوكيل معندهمش جنوط 16 وانت ممكن متغيرش الجنوط اذا مكنتش مهتم بالثبات
وبصراحة انا معرفش وضع التيدا الهاتش باك اخبارها ايه بعد السرعات العالية لان اللى معايا سيدان وعالية حبتين
فى بردوا موضوع تانى ونقطة تانية بخصوص موضوع الثبات بس فى الملفات
ممكن تعدل وتحط strut bar وده بيتركب فى الماتور وبيمسك المساعدين مع بعضهم وفيه منه بيركب تحت العربية وفى الشنطة كمان
فممكن تركب اللى فى الماتور
ودى صورته
http://img845.imageshack.us/img845/8...0037medium.jpg
http://img21.imageshack.us/img21/317...0046medium.jpg
http://img809.imageshack.us/img809/9...0047medium.jpg
وسعره بيكون فى حدود 350 جنيه اسمه ultraracing وموجود فى الحرفين فى محل الجراج للتعديلات السيارات وعنده اللى مخصوص للتيدا
نيجى الى نقطة الكاسيت ,, فى التوكيل عندهم الكاسيت الديفيدى وتمنه تقريبا بيدخل فى حدود 3500 او 3800 وسمعت ان معاه مخدع راس على الكرسى هدية اتنين ,, وطبعا فيه كل حاجة ديفيدى وبلوتوث وكله حاجة وممكن تركب كاميرا ركن وتشتغل عليه
اه الاهم فى الكاسيت اللى عندهم انه حيشتغل مع المالتى فنكشن بتاع العربية
على فكرة كاسيت التيدا الدبل دن انا سالت على واحد فى مصر نوعه يونفيرسال قالى تمنه 3500 جنيه فسعر التوكيل جميل
وبخصوص الفوانيس ,, فى محلين فى الحرفين لما سالت عليهم محل قالى اخر واحد عندى وتمنه 1600 ومحل تانى قالى اجبهولك من بره مصر ب1850 ,, وهى كلها فوانيس ديبو تايوانى فيها رنجات ومجهزة لتركيب زينون
لينكات مهمة
لينك الفوانيس
LED Angel Eyes Headlight for Nissan Tiida, Bi-Xenon Projecto...USD 145.21/Set Wholesale Price at DHgate.com
وده لينك اخر ماليان حاجات كتير
NISSAN VERSA | eBay
لينك اخر
07-09 VERSA CCFL HALO PROJECTOR HEADLIGHTS BLACK LIGHTS | eBay
وده لينك الفوانيس تبع موقع ديبو
Nissan TIIDA Headlights and Projector Headlights
لينك اخر
07-09 NISSAN VERSA LED CCFL HALO PROJECTOR HEADLIGHTS | eBay
واللينك ده فى اكسسورات كتير وحتلاقى فيها كفرات فيها اشارات بتركب فى المرايا وشوف تمنها بره مصر كام
عشان الناس بتقول ان سعرها غالى فى التوكيل
Nissan Aftermarket Accessories
واللينكات دى ممكن تعيش الحياة فيها وحتلاقى اسعارهم بره مصر فى مواقع البيع اللى حطيتلك لينكاتها
وحتلاقى حاجات كتير اوى غير الفوانيس فيها كمان
ممكن تجيب عتب على ابواب العربية مكتوب عليها تيدا
http://img848.imageshack.us/img848/1...0079medium.jpg
http://img855.imageshack.us/img855/7...0081medium.jpg
ممكن تجيب نواكل زى اللى كانت فى عربيتى وحطتها فى اول الموضوع .. ودى صور لعربية تانية
http://img848.imageshack.us/img848/8...0130medium.jpg
هوايات زى اللى فى عربياتى فى الصورة اللى كنت حاطتها فى اول الموضوع .. ودى صور لعربية تانية
http://img109.imageshack.us/img109/4...0169medium.jpg
بخصوص اللون حلو السلفر عليها بس الرمادى احلى واقيم جدااا
http://img12.imageshack.us/img12/857...0003medium.jpg
http://img198.imageshack.us/img198/7...0011medium.jpg
دور انت بس فى محلات الزينة فى الدوحة الاول واللى يقابلك وحاجة عجباك صورها ونتناقش فيها
ولو ملاقتش يبقا لما تنزل لينا لقاء ونقعد نتكلم مع بعض ونتشرف بيك
وكمان لما تجيب العربية باذن الله نشوف ايه اللى ممكن نعدله فيها , واللى يناسب احتياجاتك وطريقة سواقتك كمان
واى استفسار تانى انا حاضر وموجود وتحت امرك
اسال وقول اللى فى نفسك
-
التيدا كلها الوانها جميلة
-
اختيار موفق ان شاء يا استاذ محمد
وانت مجرب العربية ومش محتاج من ملاكها يقولولك حاجة على جمالها
وموضوع الكماليات ده واضح اننا هنشوف شغل جامد قوى بينك وبين احمد مصطفى
وربنا يوفقك للخير
Content Relevant URLs by
vBSEO 3.6.0 PL2