الموضوع: استقريت على التييدا ان شاء الله

ان شاء الله و بعد مشورتكم انا استقريت على التييدا لانى لقيت فى الفئه دى ( حدود 130 الف كاش) مافيش زيها فان شاء الله قدمت المشيئه و عزمت على تيدا فول اوبشن بلس هاتش باك بس كنت عايز اخد رأيكم كأخوات و بجد ناس بتقول رأى لله و بيكونوا خير ناصح ليا
عايز اسألكم فى 4 حاجات :
1- ايه رأيكم فى احلى لون على تييدا هاتش باك
2- ايه رأيكم فى احسن مكان اشترى منه تيدا فى اسكندريه؟
3- ايه رأيكم فى احسن مكان اشترى منه كماليات التيدا فى اسكندريه
4- ايه رأيكم فى الكماليات اللى انتوا شايفيين انها ناقصه فى التييدا البلس و تتجاب منين؟ يعنى ايه اللى ناقص للتيدا البلس من كماليات جوا العربيه ولو تعرفوا حد بيتعامل فى الحاجات دى او بيعملها او حتى لو كانوا بيركبوها فى التوكيل
انا اسف على الاطاله و يا ريت بجد اشوف ردكوا على اسئلتى

يا جماعه واللهى انتوا بجد اكتر من الاخوات وانا مصر ان شاء الله اول اما اظبط كل الامور و اشتريها واظبط الحاجات اللى ورايا فى اليكس انى اجى القاهره مخصوص عشان اشوف استاذ احمد و الاخ sonasteal مع انه سلفى هههههه انا بهذر انا اسمى محمد قاسم و بجد يا جماعه الف شكر على تعليقاتكم
و الف شكر يا استاذ احمد بصفه خاصه وانت بجد انسان محترم
انتوا بينطبق عليكم الحديث اللى الرسول عليه الصلاة والسلام قاله ( عباد اختصهم الله بقضاء حوائج الناس) بتقولوا نصيحه من القلب و بجد لوجه الله
ربنا يبارك فيكم
انا يا جماعه معجب بالكماليات اللى قولته عليها و انا نازل اسكندريه قريب خلاص بعد ما خلصت شغل فى قطر و كنت عايز اجيب معايا جهاز gps للعربيه كمان بس كنت عايز رأيكم برده؟
و لو فى حد من اسكندريه ياريت يعرف اماكن للحاجات بتاعت الكماليات يقولى
و يا استاذ احمد انا روحت السنه اللى فاتت وكنت هشترى التيدا بس اهلى قالولى ليه مانتا هتسافر بس عشان السنه دى راجع نهائى انا مصر ان شاء الله اشتريها بس انا رحت توكيل نيسان اللى قصاد كارفور و جنب الداون تاون فى داخلة اسكندريه من الصحراوى مش عارف رأى الناس فيه ايه بس الشخص اللى قابلته فيه محترم اووووووووووى
ههههههه على فكره الاخ sonasteal هيزعل منى بس ساعتها سألته على التيدا والصنى
الصنى قالى لو عايز خدها وانت ماشى حسيت انه هيموت ويخلص منها مع انها فول اوبشن و سوبر صالون بس التيدا قالى لازم تحجز وتستنى اسبوعين على الاقل
انا استخرت ربنا و قلت هاجيب تيدا ان شاء الله لانها كانت اول عربيه اركبها فى حياتى اما جيت قطر و كنت بقولهم دى عربية ستاات من كتر ماهى ناعمه ومالهاش صوت و سحبها خرافى بس كانت اول اما نزلت قطر فيها عيوب فى الفرامل باعتراف ناس من الوكاله هنا و كان صاحبى بيألس عليا اما اقوله كده و بيقولى انت بس عشان غشيم سواقه بس اما راح الوكاله اـأكد انى صح بس بعد كه صلحوا ده و حطوا abs
برده يا جماعه انا مستنى ردكوا و ياريت برجه تقولولى اللى بيجى فى بالكم