من الاخر كده ... دي هتبقى عربية الغمر ... اجيبها و لا لا ؟؟

**mido** · 17-06-2011 12:23 AM

اول مره تسوق وتركب كروز
اختيار مش مناسب ولا هتعرف تسوقها كويس ولا هتركنها بسهوله وهتتخبط على طول
هات حاجه انتقاليه بعد كده هات كروز:)

**TheStig** · 17-06-2011 09:02 AM

بص السيراتو جميله و كل حاجه لكن لما ركبتها قبل ما اشترى الكروز حسيتها كرتون...خفيفه زياده عن اللزوم و من كتر كماليتها اللى اكتر من البى ام و المرسيدس قلقت اكتر من الكواليتى..شوف اكر بابها و اكر باب الكروز و حتفهمنى.. مسألة اكتر كفاءه فى الاداء دى مش عارف مين حكم عليها و خلفيته الهندسيه ايه؟...لو التسارع ممكن السيراتو تسبق فى اول نقلتين و بعد كده شوف الكروز.. تانى حاجه و انا فى اسكندريه فى ملف بير مسعود للى ليه فى الشد فى اسكندريه و عارف.. انا كنت بشد مع واحد بسيراتوا 17 بوصه زى بتاعتى و فى الملف كانت حترفع منه و احنا اللى اتنين فاضيين.. الكروز خدت الملف و لا الجولف .. انا اجرت الاتنين قبل ما اشترى و اخترت الكروز.. و متنساش الشكل و علامة شيفروليه..

**fawzyyyy** · 17-06-2011 08:14 PM

بص يا باشا لو حضرتك ليك في الجري و الشد و التنطيط....يبقي السيراتو .....و لكن عيوبها العفشة تعبانة و الثبات يعني الي حد ما معقول...الكلام ده من ملاكها
و لكن لو حضرتك عايز حاجة فخمة و تقيلة و تحس ان العربية زي المرسيدس من قفلة الباب بتاعها.......و تبقي ماشي بيها براحة بتتمخطر بيها ...يبقي الكروز....و لكن عيوبها هي انها تقيلة في الجري لأن ماتورها ماتور الاوبترا و وزن العربية تقيل عشان كدة حتحس انها ضعيفة في الجري شوية......بس اهم مميزاتها الثبات ثم الثبات ثم الثبات في السرعات العالية
رأيي: انك تجيب حاجة قديمة تتعلم عليها...بس واضح انك عايز تجيب عربية حديثة ...يبقي نصيحتي ليك تجيب زيرو احسن من المستعمل.....و لو بردو مصمم علي حاجة حديثة مستعملة حقوللك كروز اتوماتيك

**Typerr** · 17-06-2011 11:04 PM

ياباشا هتشتري 128 تعزب نفسك بيها ليه
انت هتشتري عربيه 2011 يعني علشان تبدأ تقولك فيها حاجه
فدامها 5 سنين علي الاقل
بس نصيحه
الكروز عربيه ........
وهات السيراتو
الالتنرا الجديده غاليه اوووي

لقد خالفت القاعدة رقم (9) بند (أ) من قواعد المنتدى
سوف نكتفى بالتنبية
يرجى مراجعة قواعد المنتدى
مشرف 20ب

**ahmedfoud** · 17-06-2011 11:20 PM

المشاركة الأصلية كتبت بواسطة bassem raafat

لو حضرتك مقتنع بكده يبقى خلاص وبالتوفيق ، وتعالى نتكلم فى قصة الزيرو أو المستعمل وأيهما تفضل وليه .

أنا عن نفسى ممكن أجيب بالـ 100000 جنيه bmw مستعمله بس فضلت أركب زيرو علشان أنا من النوع اللى ممكن عربيه تقعد معايا كتييييييييييييييييييييييي ييييير .

تعليق حضرتك شدني جدا
اولا ابتديت بمبدأ انصح حبيبك من الصبح للعشاء و لو متنصحش ضله هههه
ثانيا هيا البي ام مش ممكن تقعد معااااك كتير و لا ايه دي باذن الله تقعد اكتر من العربيه الزيرو الي حضرتك جبتها
تحياتي

**ahmedfoud** · 17-06-2011 11:24 PM

المشاركة الأصلية كتبت بواسطة mido

اول مره تسوق وتركب كروز
اختيار مش مناسب ولا هتعرف تسوقها كويس ولا هتركنها بسهوله وهتتخبط على طول
هات حاجه انتقاليه بعد كده هات كروز:)

عين العقل

و لو حضرتك خاايف علي الوسط و شكلك و كده ابقي عرفهم انك بتتعلم عليها لغايه المايباخ ما تيجي من بره
هههه طبعا بهزر

**Bassem Raafat** · 17-06-2011 11:33 PM

المشاركة الأصلية كتبت بواسطة ahmedfoud

تعليق حضرتك شدني جدا
اولا ابتديت بمبدأ انصح حبيبك من الصبح للعشاء و لو متنصحش ضله هههه
ثانيا هيا البي ام مش ممكن تقعد معااااك كتير و لا ايه دي باذن الله تقعد اكتر من العربيه الزيرو الي حضرتك جبتها
تحياتي

مقدرش أضلله يا باشا ، وعلشان أركب بى إم بالسعر ده تبقى على الأقل موديل 2001 يعنى بقالها 10 سنين مستعمله وأقعد أنا بيها كمان 10 سنين يبقى حرام عليا : ))

وعن تجربه والله ومع واحد صاحبى 318 موديل 2001 ولما بتفتح بقها مبتقفلش أبداً ده غير قطع الغيار النار يا معلم .

**mario_9111** · 18-06-2011 01:44 AM

يا اخى الفاضل لو انت شديد الزكاء وشديد الحساس بما حولك من الاخر لو انت احسن سائق سيارات فى العالم كده كده العربية هتتخبط هتتخبط انت فى أم الدنيا مصر متحاولش انا كنت بقول كده بعد مركبت العربية بتاعتى وهى اول عربية وانا يدوب طلعت الرخصة وركبت العربية ومية مية ولا كلام طول مانا كنت فى الاول كنت حريص جدا بس بعدين كنت بطير وتنطط بالعربية لحد متخبططت منى كتير ليه لانى مكنتش فعلا عندى بس الخبرة وهية مهمه جدا اكتر من انك مجرد سائق للعربية
أرجوك لله حرام عليك تمرمط احلى عربية فعلا انا بحبها جدا الكــــــــــــــــــــــ ــــــروز هات اى حاجة اتعلم عليها
والله المستعان