الفترة اللى فاتت كانت العربية اللانوس مكتومة جامد و جربت حاجات كتير علشان افوقها، المهم الأسبوع اللى فات اشتريت فلتر هواء سبور من عند عادل وجدى فى الحرفيين بس محستش بفرق قوى فى السحب، يوم الخميس اللى فات فكيت المنافول و نضفته كويس و السحب شد جامد ففكيت الفلتر بعد ما استعملته 3 ايام فقط و بصراحة سحب العربية بقى متناسب مع سواقتى و مش عاوز منها اكتر من كده فقلت ابيع الفلتر بما انى مش هستخدمه، الفلتر تايوانى و جبته ب 180 جنيه و عاوز ابيعه ب 140 جنيه.
