الموضوع: ماهو ال vtec وطريقة عملة ؟

المشاركة الأصلية كتبت بواسطة horsepower

وعليكم السلام ورحمة الله وبركاته,
أهلا بحضرتك طبعا وتشرفنا بمعرفتك,
:)
أولا تسلم إيدك وكلامك وطريقة شرحك جميل جدا ماشاء الله,,,
أستأذنك عندي إستفسار لأني بصراحة فاهم حاجة تانية وأرجو التصحيح لو إللي أنا فاهمه غلط,
حضرتك حاولت تقرب شرح الvtec بمثال المحركين بتوع اللوجان ال 8 سليندر وال 16 للتوضيح وأنا فاهم ,,, بس إللي أنا فاهمه إن عزم ال16 سليندر أعلى من ال 8 سليندر على نفس ال rpm (أقصد إن العزم إللي هايديه محرك ال 8 سليندر لازال أقل من عزم ال 16 سليندر على نفس ال rpm) ,,, صح واللا أنا فاهم غلط؟ ,,, واللا حضرتك تقصد إن فيه فرق في معامل الإنضغاط بين محرك ال8 سليندر وال 16 سليندر؟ ,,, لأن إللي فاهمه إن المحركات ذات معامل الإنضغاط الكبير دي بتجمع سرعات على rpm عالي ودي محركات سيارات السبق عكس المحركات ذات نسبة الإنضغاط المنخفض إللي بتجمع سرعات في أول ال rpm وقيمة الزيادة في السرعة بيقل مع زيادة ال rpm؟
الحاجة الثانية إللي أنا فاهمها في فكرة ال vtec (أو إللي بيميزه عن باقي الأنظمة) إنه بيشغل 8 سليندر لما السائق مابيكونش محتاج عزم عالي (على rpm منخفض) بس الموضوع مرتبط بالrpm للمحرك مش السرعة,,,
أنا برضه فاهم إن إضافة نظام ال vtec في تشغيل المحرك على 8 سليندر أو 16 سليندر (كامل قدرة المحرك) هدفه تقليل إستهلاك الوقود في ظروف القيادة الإقتصادية (rpm منخفض) ,,, وموضوع التحكم في التنقل بين 8 سليندر و 16 سليندر ده حاجة والتحكم في الصمامات ده حاجة تانية,,, رأيك إيه؟

أهلا بيك :)

هو انت اختلط عليك الامر بس هو 8 و 16 صمام مش سليندر :)
و بالنسبة للفرق بين ال 8 و ال 16 صمام
ان كدة كدة ال 16 بيعطيك عزم و قدرة اكبر بس الفرق في منطقة العزم يعني انت بتاخد عزم المحرك في اي منطقة في منحنى القدرة و الفرق هنا ان ال 8 بيعطيك العزم على عدد لفات اقل من ال 16
يعني فيما معناه ان العربية تتحرك معاك من اقل دوسة بنزين و دة طبعا غرضه انه يفر في الاستهلاك زائد انه يعطي تسارع جيد
أما المحرك ال 16 بيعطيني قدرته على سرعات أعلى للمحرك فبالتالي بيجمع سرعة على سرعات محرك اعلى

و بالنسبة للسرعة اللي اقصدها اللي بيفعل عندها نظام ال vtec هي سرعة المحرك مش سرعة السيارة نفسها :)

المشاركة الأصلية كتبت بواسطة no comment

هى ايه الحكاية معاكوا يا هونداوية ...؟
الأخ العزيز أحمد سامى الهورس باور هو كمان اتعدى ولا ايه ...!
وأختلط عليه الامر وبدل ما يقول 8 أو 16 صمام ... قال 8 و 16 سليندر .
لا احنا عاوزين نعرف سر اللخبطة فى الالفاظ اللى بقى فيها الهونداوية دى ...!

:)))
ولا سر ولا حاجة يا باشا دي قلة نوم ,,, باكتب حاجة وبافكر في حاجة تانية.
والله إنت لو شوفتني دلوقتي هاتقوللي قوم روح

المشاركة الأصلية كتبت بواسطة mzeid

أهلا بيك :)

هو انت اختلط عليك الامر بس هو 8 و 16 صمام مش سليندر :)
و بالنسبة للفرق بين ال 8 و ال 16 صمام
ان كدة كدة ال 16 بيعطيك عزم و قدرة اكبر بس الفرق في منطقة العزم يعني انت بتاخد عزم المحرك في اي منطقة في منحنى القدرة و الفرق هنا ان ال 8 بيعطيك العزم على عدد لفات اقل من ال 16
يعني فيما معناه ان العربية تتحرك معاك من اقل دوسة بنزين و دة طبعا غرضه انه يفر في الاستهلاك زائد انه يعطي تسارع جيد
أما المحرك ال 16 بيعطيني قدرته على سرعات أعلى للمحرك فبالتالي بيجمع سرعة على سرعات محرك اعلى

و بالنسبة للسرعة اللي اقصدها اللي بيفعل عندها نظام ال vtec هي سرعة المحرك مش سرعة السيارة نفسها :)

شكرا جزيلا يا باشا وآسف على اللخبطة الغير مقصودة,

موضوع ممتاز

المشاركة الأصلية كتبت بواسطة semsem kane

لو تقصد المحرك بتاع ال si الاوريجينال d16a9 بدون vtec فدة محرك ممتاز وقوتة تتراوح من 130 الى 137 حصان حسب البلد اللى بينزل فيها

وبالنسبة لل محرك الvtec فياريت توضح نوع المحرك اللى انت تقصدة لان الانواع متعددة المزودة ب vtec

كان ليا سؤال ياباشا هية سيفيك موديل 99 ال 1500 سى سى على ما اعتقد كود D15Z4 ممكن تكون vtec ولا لاء ولو فى لينك لخصائص الموتور دة حد يفيدنى
مع جزيل الشكر