الموضوع: ماهو ال vtec وطريقة عملة ؟

المشاركة الأصلية كتبت بواسطة sanhory

بتفتح مسافة اكبر يا باشا و بالتالي مده اطول و ليس فقط مده اطول

يعني الاتنين مع بعض

شرح جميل جدا يا باشا عن تكنولوجيا لم اكن اعرفه عنها الا اسمها الف الف شكر
لكن عندي استفسارين الحقيقه
طب ما الvtec هو نفسه mivec كدا يا باشا هو نفسه cvvt
و هو دي التكنولوجيا الي بيختلف بين ال si و الsirو الtype r ان الموتور بيكون اقوي كأمكانيات انه يرفع سرعه الصمام مثلا في الsi مع الvtec بيبقا 1300 لفه في الدقيقه و مع الsir 2000 لفه في الدقيقه؟
تقبل تحياتي و شكري للمره الثانيه علي هذا الموضوع الرائع
وشكرا

بغض النظر عن محتوى الموضوع الجيد جدا والمفيد جدا

أود أن أشكر كل من ساهم بمعلومه

أو أضافه

والأهم

الطريقه المحترمه جدا للمناقشات التى تمت بالموضوع

تقبلوا منى التحيه والتقدير

السلام عليكم جميعا,
ال VTEC عبارة عن حاجتين:
1- التحكم في عدد الصبابات إللي بتتفتح بعد زيادة عدد لفات المحرك عن حد معين (بتختلف حسب موديل المحرك) ,,,, وده إللي سمسم بيتكلم عليه وبيشرحه ,,, أعتقد كدة.
2- التحكم في زمن فتح وغلق (كامل الصبابات) وده في الهوندا بيكون أثناء عمل ال VTEC ,,, ليه؟ ,,, لأن عند RPM عالي الصبابات بتفتح وتقفل بسرعة عالية (يعني مثلا عند 5,000 RPM الصبابات بتتحرك 10,000 مرة في الدقيقة يعني حوالي 166 مرة في الثانية ,,, رقم كبير طبعا ,,, لأن مشوار الصباب الكامل بيبدأ من الفتح لملء الإسطوانات بالهواء والوقود ,,, ده مشوار ,,, والمشوار الثاني بالعودة لكبس الهواء والوقود وحدوث الإحتراق ثم العودة مؤة أخرى للأعلى ,,, تمام كدة ,,, حركة الصبابات زي عمل (الحقنة) بالضبط بتسحب الجزء الداخلي علشان (الحقنة) تشفط الدواء وتضغط علشان تطلع الدواء ,,, لما الحركة دي بتكون سريعة جدا وبتكون شغالة على سحب الهواء بدل الدواء ,,, إللي بيحصل إن الهواء مابيلحقش يتشفط داخل الإسطوانات بسبب (قصوره الذاتي) لحظة الإشتعال وده بيخلي العزم يقل رغم زيادة عدد لفات الحرك ,,, تيجي فكرة (تعجيل وقت فتح الصبابات) يعني الصبابات تفتح بدري شوية (جزء من ألف من الثانية) علشان تلحق تشفط الهواء والوقود ومايحصلش هبوط في العزم عند عدد لفات عالية ,,, ودي الجزء إللي بيتكلم عليه باقي الإخوة الأعضاء.,,, أعتقد كدة برضه.
الجزء إللي بيتكلم عليه سمسم ده مش موجود غير في (((هوندا))) فقط ,,, أما الجزء الثاني فهو موجود في أغلب محركات السيارات لكل الشركات وليه أسماء أخرى يعني:
إسمه في تويوتا VVT = Variable Valve Timing,,, والجديد إسمه Variable Valve Timing with intelligence i-VVT ,,,, وفيه VVTL-i ,,, وفيه Dual VVT-i ,,, وفيه VVT-iE لمحركات الكهرباء.
وزي ما بيقولوا VTEC is for power, VVTi is for driveability
و برضه على سبيل المثال وليس الحصر
في BMW إسمه Valvetronic
قي Subaru إسمه Active Valve Control System = AVCS,,, والجديد منه إسمه i-AVLS
شركة GM بتسمي مجموعة المحركات اللي فيها الموضوع ده Northstar engine series

المشاركة الأصلية كتبت بواسطة EK4

,,,,,,,, ثالثا
i-vtec
مش موجود غير في السيارات الأتوماتيك فقط علشان يعطي حرية التحرك كاملة للسيارة في ميعاد تشغيل النظام ,,,,,,,,

السلام عليكم,
ال i-VTEC موجود في الهوندا الأوتوماتيك والمانيوال ,,, مش الأوتوماتيك بس.

المشاركة الأصلية كتبت بواسطة semsem kane

رينا يخليك ياباشا

شوف ياباشا بالنسبة لل vtec هو نفس فكرة نظام mivec فى ميتسوبيشى , وvvti فى تويوتا , و doble vanos فى البى ام بس طبعا نظامها متطور

والغرض من اختراع هذا النظام هو القصور اللى بيحصل للمحركات على السرعات العالية والمحرك بدل مايبقى سريع فى الاستجابة بيبقى بطىء فى السحب ودة اللى تقدر تكتشفوة بنفسكوا ان المحرك بعد سرعة 120 مثلا بيدأ يقل فى التسارع ويوصل ل160 بوقت اكتر بكتير , ومن هنا جاءت الفكرة فى عمل نظام يقوم بفتح الصمامات لمدة اطول وبالتالى سحب اعلى لزيادة نسبة الهواء والبنزين وبكدة يكون ادى القدرة للمحرك انة يحافظ على التسارع بتاعة بنسبة كبيرة عن المحركات العادية فى السرعات العالية

وبالنسبة للمواتير ال b16a , b18c نظام الvtec فيهم واحد بس مع اختلاف ال ecu وبالتالى وقت فتح للvtec متغير

وطبعا ال vtec بيبقى مختلف بالنسبة لمحرك لمحرك على حسب عدد لفاتة وعزمة وقوتة الحصانية


واصلا نظام ال vtec يشابة جدا نظام التيربو الموجود فى السيارات حاليا مع اختلاف التكنولوجيا طبعا

الله ينور يا سمسم,
ماعليش أنا رديت قبل ما أقراء ردك ده
الله ينور مرة تانية