الموضوع: ماهو ال vtec وطريقة عملة ؟

المشاركة الأصلية كتبت بواسطة youssefazmi

شكرا لمرورك يا باشا والعربية انا اشتريتها ومندمتش ابدا على سعرها لانها فعلا حالة الزيرو ومعدلتش فيها غير ركبت زجاج كهربة قدام وبس ..العربية فعلا فول انجيكشن لان استهلاك البنزين وسط البلد 10/100 لتر/كيلو واكتر ساعات ..بس اعتقد الموتور مقفول على سرعة 180 ..العربية بالكاوتش الستوك بتاعها ورفيع وعشان كدة ناس بتتريق علية بس خايف اعرض اضيع التسارع الظريف بتاعها !!!
بس سؤال للخبراء بقى انا محطتهاش على سكانر خالص لانة مفيش مشاكل ..هل فى حاجات خفية هتظهر لو عملتلها سكان ولا اكبر خصوصا ان عندى لمض تحزير الباب والشنطة مش شغال ولمبة الحزام كمان ؟؟؟
مع الشكر ..

ربنا يديك خيرها ويكفيك شرها

لو العربية محركها مقفول عند سرعة 180 كم فى الساعة يبقى افضل حل ليك انك تغيرة بكنترول مش خاص باليابان لان كل الكنترولات الخاصة باليابان بتبقى مقفولة على سرعة 180

انت لو زودت مقاس العربية فى حدود المسموح بيها خلاص مافيش مشكلة بالعكس الثبات هيبقى احسن واخرك ( r15 195-55 ) دة المقاس المتاح ليك لو عايز التسارع اعلى خلية على 50 بس كدة القرايات هتبقى مختلفة بتاعة العداد هتبقى سرعتك الفعلية مثلا 100 هتلاقى العداد مزود شوية

لمض التحذير مالهاش دعوة بالكنترول انت ليك فقط بالتحذير الخاص بلمبة الانجيكشن لو نورت يبقى انت عندك مشكلة فى حساس ولازم تروح تكشف علية على جهاز اسكان لمعرفة العطل فين , غير كدة طالما اللمبة مانورتش يبقى انت فى السليم ومافيش حاجة

ولو عايز تعمل ريستارت للكنترول بتروح شايل الفيشة بتاعة البطارية الموجب حوالى ربع ساعة وبعد كدة تركبها تانى وتظبط كل حاجة من جديد

لمض التحذير لو مش شغالة يبقى فك العداد ممكن تكون محروقة وعايزة تتغير

المشاركة الأصلية كتبت بواسطة youssefazmi

الله يبارك فيكو يا جماعة ..

اعتقد مش هحتاج اكتر من 180 حاليا بس اعتقد دة بيعكس ان الموتور 90 حصان ولا 105 زى مبيقولو !!! وهل سبويلر وفلتر هوا هيحسن الدنيا شوية ؟؟

سمسم باشا افهم من كلامك ان المقاس اللى اقدر اطلعلة دلوقتى فى الجنط والكاوتش 50-195-r15
.....طيب هل ممكن r14 ولا انا كدة اصلا 14 ؟؟؟ وهل دة هيوطى العربية لان بصراحة ارتافعها كدة كويس مع المطبات ..

انا فكيت التابلوة ولمض التحزير دى مش بتتحرق ولا بتتغير (دى طبب) فدى مش مشكلة لمض ..دة عطل موجود فى الباب او الحزام ومش عارف تصليحة بقى من الكنترول ولا سنسور معين ولا منين فعشان كدة سالت على السكانر.


عامة انا نفسى الاقى مركز للعريبة دى بس برة الحرفيين فية ميكانيكا وكهربة وناس فعلا فاهمة زى حضراتكو كدة .

ويومكو زى الفل :)

بالنسبة للمقاس الصح ( r15/ 195-55 ) لو انت عايز تحسن التسارع بس هيكون قراية غلط على سرعة العداد - هتخلية على 50 بدل 55 بس

ولو عايز 14 هتجيب مقاس r14/195-60 دة مقاس تحفة الصراحة وكويس جدا وممتاز وثبات وتسارع عالى جدا ولو عايز تسارع اقوى هتجيب على r14/185-60 دة اخف وفى نفس الوقت ثابت , لأ مش هيوطى العربية بالعكس هتعلى شوية

* لأ ياباشا بتتحرق عادى حضرتك لو فكيت التابلوة ولفيت الدواية ناحية اليمين هتلاقى اللمضة جواها فكها وغيرها ولو عايز تتأكد انها سليمة حطها فى اى لمضة عندك شغالة من الاول يعنى بدل اللمض قبل ماتغير هتلاقيها اشتغلت ان شاء الله

مافيش اى علاقة مابين الكنترول ولمض التابلوة

بالنسبة للمبة حزام الامان لو لقيت اللمبة بتاعتها بردة مش شغالة حتى بعد تركيبها يبقى حضرتك تشوف تحت الكرسى بتاعك هتلاقى فيشتين لازم يكونوا متوصلين ببعض