بعض تعليقات من بعض النشطاء
مش بالضرورة اكون موافق عليها , لكن في النهاية كل منها بيسلط الضوء على وجهة نظر معينة
كمان انا ملاحظ ان كتير منها , او هكذا اظن , صادر عن يساريين
ضرائب تصاعدية... تعليم مجاني ورعاية صحية... حد ادنى للاجور يخلي المدرس والطبيب يركز في شغلانة واحدة... مش صعبة دي
دعم الغاز الطبيعي للمصانع و دعم المصدرين مافيهمش عيب وعادلين, لكن الفلوس اللي بتتصرف ع التعليم خسارة في الناس و حمل علينا!!!
يعني لو الثورة مارح تحقق مجانية التعليم بيكون في خلل،التعليم والصحة والفلاحين والعمال من اولويات التنمية
المجانية القائمة مزيفة يقوم يتشملل و يخليها حقيقية مش يلغى مجانية التعليم الجامعى
احنا اتفقنا إننا هنعادي الرأسالمية ، مش ممكن يبقى مطلوب مننا نناقش أفكار جاية من زمن الإقطاع. حرام عليكم!!!
يعني اللى يقدر يتعلم فى الجامعة هو عدد محدود جدا من الفقراء المتفوقين و أى حمار معاه فلوس.. ده تكافؤ فرص برضه؟
نظام للمنح يعنى باب للفساد و الرشوة و المحسوبية .. نتكلم فى رفع ميزانية التعليم لمعدلاتها العالمية الأول
ليه بنسلم بمحدودية الموارد و بإن النظام لا يمكن إصلاحه فى حين إنه مطبق فى دول كثيرة بنجاح كبير؟
المفروض أن لكل مصرى حق متساوى من الإنفاق العام و الفقراء هم الغالبية الساحقة و بالتالى يحق لهم غالبية الإنفاق ده
انا خريج اعدادي وثانوي عام وكلية هندسة- وعمري ما اخدت دروس - نصلح التعليم ونصرف عليه بدل ما نيجي عالغلابة
أنا إتعلمت بالمجان و ما أخدتش دروس خصوصية و لو مرة واحدة و بعد التخرج محدش بقى يصرف عليا مليم
حكاية التفوق دى نسبية .. لكن عامة أنا موافق على إن من لا يصلح لتعليم بعينه لا ينبغى إهدار الموارد عليه
و ليه يكون العلم سلعة بالفلوس أصلا؟ .. هو إحنا دفعنا فلوس فى حقوق الملكية الفكرية لنظرية فيثاغورس؟
لولا مجانية التعليم ما كانش هيبقى عندى فرصة إنى أتحمل مسؤولية نفسى بنجاح و أحقق مستوى معيشة معقول
اللى معاه يدفع ضرايب .. لكن التعليم حق للجميع و حتى اللى معاه له حق فى ميزانية التعليم لأن دى بلده
ما ده تعليم حضرتك و للفقير فيه نفس الحق و ألا هو إبن البواب بالضرورة ما ينفعش يكون باحث؟؟
كل اللى بنقوله إن أى ضوابط للقبول مفيهاش مشكلة المهم إنها تسرى على الجميع و ليس الفقراء وحدهم
التعليم فى كل مراحله لازم يكون بالمجان .. ده اللى منصوص عليه فى الدستور الحالى و مش هنقبل أى تلاعب بالألفاظ يؤدى إلى التراجع عنه
التعليم المجاني ماهواش اختراع اشتراكي، لو الليبيراليين هيمشوا بمبدأ تكافؤ الفرص فلازم يدعموا الحق في التعليم المجاني
هي الناس اللي بتؤيد الغاء مجانية التعليم ماجاش في بالهم انهم لولا حظهم السعيد كان ممكن يكونوا فقراء بردو ومايملكوش تمن التعليم
دول نقلتهم عشان عجبوني :))))))))
كل ما سبق نقلته من ناشط واحد , و يبدو انه بيتناقش مع ليبراليين و مش عاجبه كلامهم
مش ممكن يعني يبقى مطلوب من اليسار الثوري يعمل شغله و شغل الليبراليين علشان هم مش عارفين يبقوا ليبراليين
عدلين. مش ده الاتفاق
كون ان معاك "فلوس"دا ما يديلاكش الحق انك تتعالج وغيرك لا ولا انك تتعلم وغيرك لا!العلاج والتعليم مش المفروض يكونوا بفلوس
(أسوأ) ما فى الإخوة الليبراليين إنهم طول الوقت مش بيطالبوا بحقوق لهم لكن بيطالبوا بحرمان غيرهم من حقوقهم .. دى (شتيمة) يا بشر
المفضلات