استفسار بخصوص عفشة 127 فيورا

**osha_ahmed** · 15-06-2011 02:40 AM

السلام عليكم

انا لسه مغير مساعدين خلفى وامامى للعربية ...جبتهم الأسبانى ..واسمه الكو ...(زيت على غاز)

المساعدين تمام بسم الله ماشاء الله.

المشكلة عندى اننى بحس برضه برزعة ورا لو اخدت مطب صغير بسرعة نسبيا. او لومشيت على طريق ميش ممهد ...بحس بكل حاجة تقريبا..على العكس لو مركب حد ورا الموضوع ده بيقل ميش بيبان اوى .

المهم انا شكيت فى السسوت الورقية الخلفية ..خليت العفشجى يبوص عليهم.. المهم لقاهم ورقتين وعليهم ورقة صغيرة فى النص ..يعنى تلات ورقات .

هل هم ده السبب ...يعنى لو شيلت الورقة التالته ديه الموضوع حيتحسن وميش حيأثر على ارتفاع الخلفى فى حاجة خصوصا لو محمل ورا افراد معايا.

اسف على الأطالة وارجو المشاركة حتى تعم الفائدة

**THE_HERO2005** · 15-06-2011 09:50 AM

بص حضرتك الحل النهائى للموضوع دا علشان تركب فيورا صح

1- هتشيل الورقة الثالثة الصغيرة.
2- قول للراجل بتاع السوست انا عيزك ترجعهم فبريكة ... قولو ارتفاع السوست 19 سم !! هوا هيفهم

وعلشان تتأكد ان الشغل مضبوط 10/10 هتجيب متر للقياس وتقيس ما بين منتصف العجلتين الخلفيتين المفروض بتاعهم يبقو 1295 سم يعنى متر و 30 سم ........... وهتحس ان العربية ملبن من الأخر

**osha_ahmed** · 15-06-2011 11:56 AM

تمام الله ينور عليك ولكن ممكن توضيح شوية بالنسبة لموضوع ارتفاع السوست ...واقيس ازاى
...

والف شكر على المشاركة

**mrastra** · 15-06-2011 12:47 PM

بيقصد يقول ان حداد السوست اما يفك السوستة الام ويبدا يقنطرها المقاس بتاع السوستة من اعلى نقطة للقوس الى مركز الدائرة بالقيمة المذكورة 19سم
وفعلا اة يشيل الورقة التالتة دة صح بس يا ريت السوست بتعك تكون الاصلية مش من اللى بتتباع بتاعة الاوتوبيسات .......عارف لو لقتهم نشفين هاتهم استيراد والله احسنلك بيكونو طراى جدا وفى نفس الوقت عمرهم ما يتكسرو ابدا