استقسار في سمكرة ودوكو السيارة
السلام عليكم
عندي المازدا فيها برومة في الابواب الخلفية من عند العجل كده وفي حتت البويه مطقطقه فيها و الرفرفين اللي قدام من عند العجل دابو من البرومة
رحت لسمكري قالي هات اربع ابواب و ورفرين وكبوت(الكبوت سليم 100%) وعتب والحته اللي قدام اللي تحت الاكصدام !
كان ناقص يقولي سقف ونص خلفي !:untitled 1:
فضحكت وقلتله امال السمكري شغلته ايه هيشيل ويركب وخلاص ؟! ولا بيشل البرومة ويلحم صاج جديد ويزبط المرمات دي !! شكلهم بستريحو
اتصلت على واحد بتاع قطع غيار عندنا في الزقازيق قالي ااربع ابواب 1200 جنيه !
لسه باقي الرفارف مسألتش عليهم علشان نفسي اتسدت
قلت بالمره اعدي على واحد بتاع دوكو
لف لفه حوالين العربية وقالي هاخد منك 1800 جنيه معجون وصنايعية وبوية وورنيش وبوتامين وفرن
بصراحة نفسي اتسدت اكتر وحسيت انها ممكن تدخل في 6000 جنيه
السؤال بقى هنا
ايه رايكم اغير الابواب ولا اشوف سمكري تاني يشدهم ويزبطهم ؟!
وهل سعر الدوكو كده كويس ولا غالي (حاسس انه بيستغل)