الموضوع: مطلوب تسعير فيات اونو

انا عاوز اعرف سعر عربيتي الاونو عشان كنت بفكر ابيعها وسمعت اسعار غريبة في الشارع وعند التجار بيقولو تجيب 20 او 21 وانا الصراحة مش مقتنع خالص .
بالنسبة للمواصفات كألاتي :
فيات اونو موديل 1994 ايطالي
عفشة 100/100
موتور ممتاز مش عارف قوة الكبس بتاعته كام بالظبط بس هو حالته ممتازة مافيهوش اي مشاكل ولا دخنة ولا بيرزع ولا اي حاجة و بالنسبة للسحب تمام وحلو جدا وبحطلها بنزين 92 بيبقى سحبها حلو جدا جدا .
العربية دواخل فابريقة و من برا لسة كنت راششها دوكو من 6 شهور والعربية مافيهاش خدش الحمدلله .
لسة مغيرلها 4 فرد كاوتش عريض ماشيين اقل من 5000 كيلو ومافيهومش اي لحامات .
بطارية جافة جديدة .
فرش جلد جديد نوع ممتاز .
كاسيت كلاريون اصلي الوش بتاعه بيتشال ضد السرقة .
سماعتين كلاريون اصلي 300 وات .
فوج لايت .
العربية بامانة مش محتاجة مسمار .
كفاية يعني الدوكو بتاع العربية والفرش الجلد وطقم الكاوتش والبطارية دول لوحدهم يكلفوا اي حد كام وصعب لما تلاقي عربية فيها الحاجات دي سليمة وجديدة .
ودي صور العربية وحسيبلكوا الحكم :